Kurdî  ■  كوردی  ■  عربي
MON, 26 JUL 2021 23:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسرور بارزانی .. پیاوە ئاوریشمییە پۆڵایینەکە بەسەر ئاڵنگارییەکاندا سەرکەوت و ئەستەمەکانی تێپەڕاند
| KDP.info


د.محمد خدر مولود 

دووساڵ بەر لە ئەمرۆ، کاتێ مەسرور بارزانی سەرۆکی حکوومەتی هەرێمی کوردستان بەرنامەی کاری کابینەی نۆیەمی حکومەتەکەی پێشکەش کرد، بە بڕواو متمانە بەخۆبوونەوە بڕگەکانی بەرنامەی کاری دەخوێندەوە ودڵنیایی ئەوەشی دەدا، کە بەسەر ئاستەنگ و لەمپەرەکاندا زاڵ دەبێت.

کابینەی نۆیەمی حکوومەتی هەرێمی کوردستان لە ئان و ساتێکدا لەدایکبوو، لێکەوتەکانی 16ی ئۆکتۆبەر، شکستی هێرشبەرانیان لە پردێ و سحێلا، بەردەوامی  لە بڕینی بودجەوموچە و شایستە داراییەکانی کوردستان هەر جارێ بە ئاین و ئۆن و هەنجەتێکی بەغداوە، پلان و ئەجندای هەمەجۆری دەرەکی و ناوخۆی دژە کورد، سەرهەڵدانی پەتای کۆڕۆنا کۆڤید 19 و تەشەنەسەندی هەموو ئەوانە کۆسپ و  لەمپەرو ئاستەنگ بوون لەبەردەم نەخشە و بەرنامەی چاکسازی و بوژاندنەوەی ژێرخانی ئابووریدا تا ئەو درووشمەی خودی سەرۆک وەزیران بەرنامەی کاری کابینەکەی لەو پێناوەدا دارشتبوو، نەخشەڕێگای گەیشتن بە (کوردستانێکی بەهێزتر) سەختی و دژواری کەمتربێ.

ئەوسا، دووساڵ بەر لە ئەمڕۆ کاتێ مەسرور بارزانی کابینەی حکوومەتەکەی راگەیاند، بەرێزیان بەر لە هەمووان دەیزانی و هەستی پێکردبوو (نەخشەڕێگای گەیشتن بە کوردستانێکی بەهێزتر) گوڵڕێژکراو و راخراو نییە بە فەرشی سوور، بەڵکو دژواری و ئاڵنگارییەکانی قۆناغەکە، پلان و ئەجندا دژەکان، هاوتەریبی نەخشەڕێگایەکەی ئەون و تا بکرێ و بۆیان بلوێ و برەخسێ ئەوانیش لەململانێ و رووبەڕووبوونەوەی دا دەبن و دەبنە ئاستەنگ و لەمپەری هەمەجۆری بەردەمی .

بۆیە لەبەرامبەر ئەمەدا کەسان و لایەن هەبوون گرەویان لەسەر شکست و نشوشتی حکومەتەکەی و تەنانەت کەسی مەسرور بارزانی سەرۆکی حکومەتەکەش دەکرد.

ئەو هەموو گرفت و تەنگژەو قەیرانی سیاسیی و ئابووری و ئیداریی و ئاسایشیی و میدیای ئاراستەکراوەی لەوماوەی ئەو دووساڵەی تەمەنی کابینەی نۆیەمدا هاتووبووتە پێش و بەگڕکەوتبوون، گەر بیانژمێرین کەم نەبوون، تا بتوانن تۆوی رق و کینە و دڵەڕاوکێ و نیگەرانی و دووبەرەکی و دوو ئیدارەیی و نا ئارامی و تەنانەت ترس و تۆقاندنیش لە نێو ناخی یەک بەیەکی تاکەکانی کۆمەڵگای کوردستانی دا بڕوێنن. 

لە ماوەی ئەم دووساڵەدا، ئەجندا دژ و ناحەزەکان چما نەیکەن ..؟ چ کرێتییەک هەبوو پەیڕەویان نەکردبێ ..؟ هەربۆهیچ نەبووبێ، تەنیا بۆ ناشیرین کردن و ناوزڕاندنی کورد و حکومەتەکەی و ناشیرین و ناوزراندنی کابینەکە. 

لە بەرامبەریشدا حیکمەت و وردبینی و ئایندەبینی و روانین و رامانی بەرپرسانەی سەرۆکی کابینەی نۆیەم، هەموو ئەگەر و پێشهات و خەیاڵ پڵاوی و گرەوەکانی خاوەن ئەجنداکانی گۆڕەوشار کردەوە. 

مەسرو بارزانی، پیاوە ئاوریشمییە پۆڵایینەکە، سەڵماندنی بۆ ئاوەدانکردنەوەی کوردستان و بوژاندنەوەی ئابووری، بۆ پێکەوەژیانی ئاشتییانەی نەتەوە و ئایین و ئاینزا، بۆ دیموکراسیەت و رای بەرامبەر، بۆ تەبایی و مافەکانی ژیانی موزایکی کوردستانی ڕوون و ڕەوانە، پیاوە ئاوریشمییەكە خاوەن میتۆدۆ هەڵگری کەلتوری باوباپیران و رێبازی پارتی و بارزانییە، ڕاشکاو و راستگۆیە، بوێر و ئازا و زرنگە، پۆڵایینە بۆ گەندەڵی و قۆرغکاری و ناحەز و نەیاریش وەک ژمارەیەکی سەنگین سەیری دەکا. بەڕادەیێ، هەژاری شاعیر گوتەنی :

دوژمن لە زەبری دەتاسێ .. کێ هەیە بارزانی نەناسێ .

نهێنی سەرکەوتنی مەسرور بارزانی، پیاوە ئاوریشمییە پۆڵاینەکە هەر لەوەدا نییە وەک هەندێ لە چاودێران تەنیا وای دەبینن کە کوڕی گەورەی سەرۆک و رابەر و پێشمەرگەی کوردستان مەسعود بارزانی یە، ئەوخاڵە و ئەو بۆچوونە گەر هۆکارێکی بۆماوەیی و کەلتوری پێشینەی باوانیش بێ، بەڵام کەسایەتی و هەڵکەوتوویی ئەو و ئەزموونی کاری سیاسیی و دبلۆماسیی و چاوکراوەیی و ژیری و بوێری خودی مەسرور بارزانی لە ئەرک و پۆستە ئیداری و سیاسیی و پاراستنی ئاسایشیی کوردستان لە سەردەمە سەختەکاندا، گەواهیدەری  ئەو راستییەن. 

هەروا گەواهی ئەو سەرکەوتن و ئەو سەرکردایەتییە حەکیم و ژیرانەشی بۆ دەدەن کە رابردوویەکی بەرپرسانەی مەزنی هەبووە لە ئاست بەرپرسیارەتیدا بۆ پاراستنی سەرفرازی و شکۆ و بەرز راگرتنی ئیرادەی نەتەوەیی و نیشتیمانی گەلێکی ستەمدیدەی وەک گەلی کوردستاندا.

هەولێر 10-7-2021

 




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact