Kurdî  ■  كوردی  ■  عربي
TUE, 27 JUL 2021 00:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆکى هەرێمى کوردستان پێشوازى لە باڵیۆزى فلیپین کرد
| KDP.info


ئەمڕۆ دووشەممە 2021/6/28 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز جینۆرۆسۆ کالۆنج باڵیۆزى فلیپین لە عیراق کرد.

لە دیدارێکدا پەیوەندییەکانى عیراق و هەرێمى کوردستان لەگەڵ فلیپین، دۆخى ڕەوەند و دەستى کارى فلیپینى لە هەرێمى کوردستان، هەڵبژاردنەکانى داهاتووى عیراق، پەیوەندییەکانى هەولێر ـ بەغدا، بەرەنگاربوونەوەى تیرۆر و توندڕەوى، پرۆسەى کوتان بە ڤاکسین و لێکەوتەکانى پەتاى ڤایرۆسى کۆرۆنا بەتایبەتى لەڕووى ئابوورییەوە، تاوتوێ کران.

هەردوولا هاوڕا بوون کە بەرەنگاربوونەوەى تیرۆر و بیرى توندڕەوى و توندوتیژى تەنیا لە ڕێگەى سەربازییەوە ناکرێت، بەڵکوو دەبێ وڵاتان لەڕووى پەروەردەیى و کولتوورییەوە بەرەنگارى ببنەوە و ئەو زەمینەیە بکرێتە ئامانج کە بیرى توندڕەوى و توندوتیژى و هاندانى تیرۆرى تێدا دەکرێت، هەروەها هانى ناتوندوتیژى و لێبوردەیى بدرێت.

بەڕێز باڵیۆزى فلیپین ئاماژەى بە هەوڵەکانى وڵاتەکەى بۆ بەرەنگاربوونەوەى بیرى توندڕەوى و تیرۆر کرد و دووپاتى کردەوە کە وڵاتەکەى خوازیارە سوود لە ئەزموونى هەرێمى کوردستان بۆ چۆنیەتیى بەرەنگاربوونەوەى توندڕەوى و تیرۆر وەربگرێت.

چۆنیەتیى برەودان بە هاریکارى و هاوبەشى و بوارە جیاکانى پەیوەندیى عیراق و هەرێمى کوردستان لەگەڵ فلیپین، تەوەرێکى دیکەى دیدارەکە بوو.




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact