Kurdî  ■  كوردی  ■  عربي
THU, 24 JUN 2021 12:42 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"حەفتەی داھاتوو وەزیری دارایی دەچێتە پەرلەمان"
| KDP.info


هەولێر-KDP.info- بڕیارە حەفتەی داھاتوو لەسەر پرسی مووچەی فەرمانبەران، وەزیری دارایی و ئابووری بچێتە پەرلەمانی کوردستان و لای خۆشییەوە ئەندامێکی لیژنەی دارایی دەڵێ، وەزیری دارایی پرسی لێبڕینی مووچە و دابەشکردنی مووچە لە کاتی خۆیدا ڕوون دەکاتەوە.

ئەڕشەد برادۆستی، ئەندامی لیژنەی داراییی پەرلەمانی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "بڕیارە حەفتەی داھاتوو وەزیری دارایی و ئابووریی حکوومەتی ھەرێمی کوردستان لەسەر پرسی مووچەی فەرمانبەران بێتە پەرلەمان و لە کۆبوونەوەی لیژنەی دارایی و ئابووریی پەرلەمانی کوردستاندا بەشداری بکات کە پێشتر داوای ئامادەبوونی وەزیری دارایی کرابوو لەلایەن پەرلەمانەوە."

ئەندامەکەی لیژنەی دارایی گوتیشی: "وەزیری دارایی پرسی لێبڕین و دواکەوتنی مووچەی فەرمانبەران بۆ پەرلەمان ئاشکرا دەکات و لیژنەی داراییی پەرلەمان چەندین پرسیاری ئامادە کردووە بۆ وەزیری دارایی و ئابووری."

ئەرشەد برادۆستی ئاماژەی بۆ ئەوە کرد: "بەپێی زانیارییەکانی ئێمە بۆ ئەم مانگەش لێبڕینی مووچە وەک خۆی ٢١% دەبێت، بەڵام حکوومەتی ھەرێمی کوردستان جددیە لەسەر دابەشکردنی مووچە لە وادەی خۆیدا، واتە ھەر ٣٠ ڕۆژ جارێک مووچە دابەش دەکرێت، ئەگەریش ڕەوشی داراییی حکوومەتی ھەرێم بەرەو باشتر چوو، یان پارەکەی بەغدا گەیشت، ئەوە بێگومان گۆڕانکاری لە مووچەدا دەکرێت."

قائید میرۆ

 




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact