Kurdî  ■  كوردی  ■  عربي
THU, 24 JUN 2021 13:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"تا ئێستا ٤٠ ھاووڵاتیی ئامێدی بوونەتە قوربانیی سیاسەتی پەکەکە"
| KDP.info


ئامێدی-KDP. info-  لە سنووری پارێزگای دھۆک دەیان گوند بەھۆی چەکدارانی پەکەکەوە ئاوەدانییان بۆ نەچووە و پشکی شێری ئەو نەھامەتییەش بەر ناوچەکانی ئامێدی و نێروە ڕێکان کەوتووە. ڕۆژنامەنووسێکی ناوچەکەش دەڵێت، لەدوای ڕاپەڕینەوە زیاتر لە ٤٠ ھاووڵاتی شەھید بوونە و ٨٠%ی خاکی ئامێدی بەھۆی ھەڕەشەی پەکەکەوە ئاوەدان نەبووەتەوە.

ئیقبال عومەر، ڕۆژنامەنووس و شارەزای سیاسەتی پەکەکە بۆ ماڵپەڕی فەرمیی پارتی دیموکراتی کوردستان گوتی: "سنووری دەڤەری ئامێدی بەرفراوانە و خاکێکی بەپیتی ھەیە بۆ کشتوکاڵ و کاری جووتیاری، بەڵام بەھۆی ھەبوونی چەکدارانی پەکەکەوە ھەر لەدوای ڕاپەڕینەوە لە کۆی ٣٤٨ گوندی قەزای ئامێدی، ٢٠٢ گوند بەھۆی ھەبوونی بنکە و بارەگای پەکەکە ئاوەدان نەبوونەتەوە و خەڵکەکەی بێبەشبوونە لە گوندەکانیان، بەو پێیەش ٨٠%ی خاکی ئامێدی پەکەکەی تێدایە، بەتایبەتی ناوچەیەکی وەک نێروە ڕێکان زۆربەی خاپوورە و خەڵکی لە کۆمەڵگەکانی دەوروبەری دھۆک و شارەکان نیشتەجێیە."

ئەو ڕۆژنامەنووسە دەڵێت: "جگە لە زیانی ماددی لەدوای ڕاپەڕینەوە زیاتر لە ٤٠ ھاووڵاتی سڤیلی ناوچەکە بەھۆی شەڕی نێوان پەکەکە و تورکیا شەھید بوونە، یان لەلایەن پەکەکەوە شوێنبزر کراون، دەڤەرەکە بووەتە گۆڕەپانی شەڕ و ململانێ و ڕۆژ نییە شەڕ و بوردومان لەسەر دەڤەرەکە نەبێت."

ئیقبال عومەر ڕوونی کردەوە: "لە ڕووی ئابوورییەوە پەکەکە زیانی گەورەی بە خەڵکی ناوچەکە گەیاندووە، چونکە خەڵکی ئەو ناوچانە ھێشتا وەک ئاوارە دەژین و ناتوانن بگەڕێنەوە سەر گوندەکانیان، ڕێژەی بێکاری زیادی کردووە و ساڵانە بەرھەمێکی زۆری خۆرسک ھەیە دەستی ھاووڵاتییان پێی ناگات و بەھەدەر دەچێت، چەندین شوێنی گەشتیاری ھەن کاتێک ھاووڵاتییان و گەشتیاران ڕووی تێ دەکەن، چەکدارانی پەکەکە خۆیانی لێ نزیک دەکەنەوە و ترس و دڵگەڕاوکێ لای گەشتیاران درووست دەبێت، لەبەر ئەوەی ھەبوونی چەکدار لەگەڵ کەرتی گەشتیاری یەک ناگرێتەوە و گەشتیاران ناتوانن بچنە زۆر شوێنی گەشتیاری."

قائید میرۆ




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact