Kurdî  ■  كوردی  ■  عربي
SUN, 16 MAY 2021 21:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كاركردن لە پڕۆژەی ئۆتۆبانی بابان بەردەوامە
| KDP.info


سلێمانی-KDP.info-  كارەكان بۆ تەواوكردنی قۆناغی یەكەمی شەقامی ١٠٠ مەتریی سلێمانی كە ٣٤ كیلۆمەترە، بەردەوامە و بەڕێوەبەری جێبەجێكاری پڕۆژەكەش دەڵێت، ئێستا بەپێی ئەو پلانەی دانراوە ٢٤ كاتژمێر كاركردن لە شەقامەکە بەردەوامە، بە شێوەیەك كە ٩٠%ی بڕگەی ئاوبارە و پەیوەست بە ژێر شەقامەكە تەواو كراوە.

شاباز سدیق، بەڕێوەبەری پڕۆژەی ئۆتۆبانی بابان، بە ماڵپەڕی فەرمیی پارتی دیموكراتی كوردستانی ڕاگەیاند: "بە شێوەیەكی خێرا كار بۆ جێبەجێكردنی پڕۆژەی شەقامی ١٠٠ مەتریی سلێمانی دەكرێت و لە تەواوی پڕۆژەكەدا زیاتر لە ٥٠٠ ئامێری جۆراوجۆر كار لە پڕۆژەكە دەكەن، لەم وەرزە نوێیەی كاركردنیشدا بە ڕەچاوكردنی لەباریی كەشوهەوا، كار لە بڕگەكانی ''بڕین، كۆنكرێت، پڕكردنەوە و ئەندەرپاس و پرد و ئینتەرچەینج''ـەكانی ناو پڕۆژەكە دەكرێت".

سدیق گوتیشی: "بەپێی ئەو پلانەی بۆ پڕۆژەكە دانراوە، ئێستا بە درێژاییی ٣٤ كیلۆمەتری ڕێگاكە بە بەردەوامی و بۆ ماوەی ٢٤ كاتژمێر لەلایەن تیمەكانمانەوە كاركردن لە ئۆتۆبانی بابان بەردەوامە، بە شیێوەیەك ٩٠%ی بڕگەی ئاوبارە و پەیوەست بە كاری ژێر شەقامەكە و بەشێكی زۆر كاری بڕین و كۆنكرێت و پڕكردنەوە جێبەجێ کراوە و، ئێستاش كار لەسەر سەرجەم ئەندەرپاس و پردەكان دەكرێت، حكوومەت و سەرجەم لایەنەكانیش هەماهەنگن و ئومێد دەكەن لە كاتی دیاریكراودا پڕۆژەكە تەواو بكرێت، كە قەیوان گرووپ، بە ڕەچاوكردنی بەرزترین كواڵێتیی جێبەجێكردنی ڕێگەوبانی سەردەم، كار بۆ جێبەجێكردنی پڕۆژەی ئۆتۆبانی بابان دەكات."

هەر سەبارەت بەچۆنیەتیی بەڕێوەچوونی كارەكانی شەقامەكە، بارزان حامد، ئەندامی ئەنجومەنی پارێزگای سلێمانی لە لیژنەی پلان و پڕۆژەكان، بۆ ماڵپەڕی فەرمیی پارتی دیموكراتی كوردستان ئەوەی خستە ڕوو: "كارەكان بە شێوەیەكی خێرا و بە كواڵێتیی بەرزی ئەندازیاری بەڕێوە دەچن، چەند جارێك سەردانی پڕۆژەكەمان كردووە، كارەكان وەك ئەوەی لە تەندەرینی پڕۆژەكە هەیە و دانراوە بەڕێوە دەچێت، بێگومانیش لە داهاتوودا بەپێی چوونەپێشی قۆناغەكانی پڕۆژەكە سەردانی دیكەمان دەبێت و لە هەرشوێنێك كەموكورتی و گرفت هەبێت، بەدواداچوونی بۆ دەكەین و لایەنی پەیوەندیداری لێ ئاگادار دەكەینەوە".

جێی ئاماژەیە، پڕۆژەی ئۆتۆبانی بابان، كە یەكێك لە پڕۆژە گرنگ و ستراتیژییەكانی كابینەی نۆیەمی حكوومەتی هەرێمی كوردستان بۆ شاری سلێمانی و هەرێمی كوردستانە، نۆ مانگە بە شێوەیەكی چڕوپڕ‌ و بە پلانێكی گونجاو لەلایەن تیمە ئەندازیارییەكانی سەر بە گرووپی كۆمپانیاكانی قەیوان بە كواڵێتییەكی بەرزی بواری جێبەجێكردنی ڕێگەوبانی مۆدێرن جێبەجێ دەكرێت، بە تەواوبوونیشی كێشە و گرفتەكانی هاتوچۆ و جەنجاڵیی شەقامەكان لە پارێزگای سلێمانی تا ڕادەیەكی باش چارەسەر دەكات، ئەمە بەدەر لەوەی كە دەبێتە هۆی بووژانەوە و گەشەسەندنی لایەنی ئابووری و گەشتیاری.

ئەرسەلان ئەحمەد

 




دوایین هەواڵەکان

وه‌زاره‌تی ناوخۆی هه‌رێم هاتووچۆی نێوان هه‌رێمی كوردستان له‌گه‌ڵ پارێزگاكانی عێراق ئاسایی ده‌كاته‌وه‌

SUNDAY, 16 MAY 2021 21:05:28

هه‌ولێر-KDP.info- وه‌زاره‌تی ناوخۆی حكومه‌تی هه‌رێمی كوردستان به‌یاننامه‌یه‌كی بڵاوكرده‌وه‌ و تیایدا رایگه‌یاند: هاتووچۆی نێوان هه‌رێمی كوردستان له‌گه‌ڵ پارێزگاكانی عێراق ئاسایی ده‌كرێته‌وه‌ به‌ ره‌چاوكردنی رێنماییه‌ ته‌ندروستییه‌كان.

سەرۆکی حکومەتی هەرێمی کوردستان پێشوازی لە شاندێکی باڵای ئەمەریکی دەکات

SUNDAY, 16 MAY 2021 21:05:02

هه‌ولێر-KDP.info- ئێوارەی ئەمڕۆ یەکشەممە 2021/5/16 مەسرور بارزانی سەرۆکی حکومەتی هەرێمی کوردستان، پێشوازی لە شاندێکی باڵای ئەمەریکی کرد کە پێکهاتبوو لە جۆوی هوود یاریدەدەری وەزیری دەرەوە بۆ کاروباری رۆژهەڵاتی نزیک به‌ وه‌كاله‌ت، ئەیمی کەترۆنا نوێنەری تایبەتی ئەمەریکا بۆ سوریا بەوەکالەت، زەهرا بێل بەڕێوەبەری کاروباری سوریا و عێراق لە ئەنجومەنی ئاسایشی نیشتمانیی ئەمەریکا. 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 


 
© 2021 Kurdistan Democratic Party, KDP

Contact