Kurdî  ■  كوردی  ■  عربي
SUN, 16 MAY 2021 20:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بڕیارە بۆ سنووری ھەولێر ١٥ھەزار کەس دابمەزرێت
| KDP.info


ھەولێر-KDP.info- بەرپرسی ئۆفیسی ھەولێری کۆمسیۆنی باڵای سەربەخۆی ھەڵبژاردنەکانی عێراق رایگەیاند، دوای ئەوەی پڕۆسەی تۆمارکردن و نوێکردنەوەی ناوی دەنگدەران تەواو بوو و لە سنووری ھەولێر ٧٠%ی هاووڵاتیان ناوی خۆیان تۆمار و نوێ کردەوە، بڕیارە لە رێگەی ئۆنلاینەوە دەست بە تۆمارکردنی ناوی ھاووڵاتیان بکرێت بۆ ھەڵبژاردنی داھاتوو، کە ژمارەیان ١٥ھەزار کەس دەبێت.

عەبدولڕەزاق مشیر، بۆ ماڵپەڕی فەرمیی پارتی دیموکراتی کوردستان گوتی: "لە ماوەی ڕابردوودا تا ١٥ی ئەم مانگە، پرۆسەی تۆمارکردن و نوێکردنەوەی ناوی دەنگدەران بەردەوام بوو و رێژەی تۆمارکردن و نوێکردنەوەش گەیشتە ٧٠%، کە تا ئێستا ٧٠٠ھەزار کارتمان دابەش کردووە و ٣٠ھەزاری دیکەش ماوە و ئەوانیش دابەش دەکەین".

مشیر گوتیشی: "لە ھەنگاوێکی دیکەدا بە مەبەستی ئامادەکاری بۆ ھەڵبژاردنەکان، دەست بە دامەزراندنی کارمەند بۆ سەر سندووقەکانی دەنگدان و بەڕێوەبردنی کاروباری پرۆسەی ھەڵبژاردن دەکەین، کە بۆ ھەولێر ١٥ھەزار کارمەند بە شێوەی گرێبەست دادەمەزرێنین".

ناوبراو باسی لەوەش کرد: "تۆمارکردنی ناوی ھاووڵاتیان بۆ دامەزراندن، لە رێگەی ماڵپەڕی خۆمان دەبێت و بە شێوەی ئۆنلاین دەبێت، کە فۆڕمێک ئامادە دەکەین و ھاووڵاتیان دەتوانن پڕی بکەنەوە و لە ماوەیەکی نزیکیشدا مەرجەکان و وادەکە رادەگەیەنین، چونکە پێویستمان بە کارمەند ھەیە بۆ ھەڵبژاردنی پەرلەمانی عێراق".

 

بڵند ئیبراھیم 

 




دوایین هەواڵەکان

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی

سلێمانی.. لە 5 ڕۆژی ڕابردوودا 20 ملیۆن دۆلار داهاتی شوێنە گەشتیارییەكان بووە

SUNDAY, 16 MAY 2021 16:05:22

سلێمانی-KDP.info- گوتەبێژی بەرێوەبەرایەتیی گەشتوگوزاری سلێمانی دەڵێت، بەپێی ئامارەكان، لە ڕۆژانی جەژنی ڕەمەزاندا زیاتر لە 100 هەزار گەشتیار ڕوویان لە ناوچە گەشتیارییەكانی سنووری پارێزگای سلێمانی كردووە، كە زۆربەری زۆری ئەو گەشتیارانەش خەڵكی ناوەڕاست و باشووری عێراق بوون و لە ماوەی 5 رۆژی رابردووشدا، 20 ملیۆن دۆلار داهاتی شوێنە گەشتیارییەكان بووە.

 


 
© 2021 Kurdistan Democratic Party, KDP

Contact