Kurdî  ■  كوردی  ■  عربي
SUN, 16 MAY 2021 21:41 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی ئیدانەی ھێرشە تیرۆریستییەکەی سەرفڕۆکەخانەی ھەولێر و باشیک دەکات
| KDP.info


مەكتەبی سیاسی پارتی دیموكراتی كوردستان هێرشە تیرۆرستیەكانی ئەمشەوی سەر فرۆكەخانەی نێوەدەوڵەتی هەولێر و بنكەی هێزەكانی توركیا لە باشیك  ئیدانە دەكات.

بەتوندترین شێوە ئیدانە و سەركۆنەی ئەو هێرشە تیرۆرستیانە دەكەین كە ئەم شەو كرانە سەر فرۆكەخانەی نێودەوڵەتی هەولێر و بنكەی سەربازی توركیا لە باشیك، كە ئامانج لێی تەنها تێكدانی سەقامگیر و هێمنی  بارودۆخی  هەرێمی كوردستان و عێراقە.
بە ئامانج گرتنی ئارامی و ئاسایشی  هەرێمی كوردستان هەوڵێكی دیکەی نەزۆكی تیرۆرستانە كە وەكوو هەمیشە ترسنۆكانە رووبەڕووی ورەی بەرزی خەڵكی كوردستان و قەڵای پتەوی دەزگا ئەمنیەكانی هەرێمی كوردستان دەبێتەوە و مایە پوچ لێیدەردەچن.

دووبارە بوونەوەی ئەم جۆرە كردەوە تیرۆرستیانە ئەوەمان پێدەڵێت كە پێویستە هەموو ئەو گروپ و تاقمە چەكدارانەی كە ناكەونە چوارچێوەی هیچ دەزگایەكی ئەمنی عێراقی و ئەجندای روونی ئەمنی و سەربازیان نیە جڵەو گیر بكرێن سنورێكی هەمیشەییان بۆ دابنرێت، چونكە بەردەوامی ئەو كردەوە تیرۆرستیانە دژ بە هەموو بەرژەوەندییەكانە و جگە لە ناسەقامگیر و ئاڵۆزی زیاتری بارودۆخی عێراق و ناوچەكە هیچی تری لێناكەوێتەوە.

داواکارین لە حکومەتی فیدراڵی عێراق و لایەنە پەیوەندیدارەکان، ھەوڵی جدی بدەن بۆ دەستنیشانکردنی ئەنجامدەرانی ئەو ھێرشانە کە بەداخەوە بۆ چەندەمین جارە دووبارە دەبنە و سزادانیان لە ژێر ھەر ناو و ناونیشانێکدا بن، ھاوکات جەخت لەسەر ھەماھەنگی و ھاوکاری زیاتری نێوان ھێزەکانی پێشمەرگە و ھێزە ئەمنیەکانی عێراق و ھێزی ھاوپەیمانان دەکەینەوە بۆ رێگریکردن لەو کردەوە تیرۆرستیانە و، فەراھەمکردنی ئارامی و ئاسایش کە بنەمای پێکەوەژیان و زامنی سەقامگیری و سەروەری وڵاتە.


مەکتەبی سیاسی
پارتی دیموکراتی کوردستان                                                                          ١٥ـی نیسانی ٢٠٢١
 




دوایین هەواڵەکان

سەرۆکی حکومەتی هەرێمی کوردستان پێشوازی لە شاندێکی باڵای ئەمەریکی دەکات

SUNDAY, 16 MAY 2021 21:05:02

هه‌ولێر-KDP.info- ئێوارەی ئەمڕۆ یەکشەممە 2021/5/16 مەسرور بارزانی سەرۆکی حکومەتی هەرێمی کوردستان، پێشوازی لە شاندێکی باڵای ئەمەریکی کرد کە پێکهاتبوو لە جۆوی هوود یاریدەدەری وەزیری دەرەوە بۆ کاروباری رۆژهەڵاتی نزیک به‌ وه‌كاله‌ت، ئەیمی کەترۆنا نوێنەری تایبەتی ئەمەریکا بۆ سوریا بەوەکالەت، زەهرا بێل بەڕێوەبەری کاروباری سوریا و عێراق لە ئەنجومەنی ئاسایشی نیشتمانیی ئەمەریکا. 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی



 
© 2021 Kurdistan Democratic Party, KDP

Contact