Kurdî  ■  كوردی  ■  عربي
SUN, 16 MAY 2021 21:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نەتەنیاهۆ: ئێران مەترسیدارترین هەڕەشەیە بۆ سەر ڕۆژهەڵاتی ناوەڕاست
| KDP.info


هەولێر-KDP.info- ڕۆژێک پاش هێرشە سایبریکەی سەر سایتی ناوکی ناتانز، سەرۆک وەزیرانی ئیسرائیل، کۆماری ئیسلامی بە مەترسیدارترین هەڕەشە لە ڕۆژهەڵاتی ناوەڕاست ناوزەند کرد و گوتی ئیسرائیل هەرگیز رێگە بە ئێران نادات چەکی ناوکی پەیدا بکات.

بنیامین ناتانیاهۆ سەرۆک وەزیرانی ئیسرائیل لە کۆنفڕانسێکی هاوبەشی هەواڵپرسی دا لەگەڵ لوید ئۆستن وەزیری بەرگری ئەمریکا، ئێرانی بە " گەورەترین هەڕەشە لە ڕۆژهەڵاتی ناوەڕاست " ناوبرد و گوتی: بە هیچ شێوەیەک ڕێگە نادات ئێران ببێتە خاوەنی چەکی ناوکی.

لوید ئۆستن ڕۆژی یەکشەممە گەیشتە تەلئەبیب بۆ تاوتوێکردنی دۆسیەی ناوکی ئێران. گەشتەکە هاوکات بوو لەگەڵ هێرشێکی سایبەر بۆ سەر دامەزراوە ناوکیەکەی ناتانز، کە بەرپرسانی ئێران بە "تیرۆریزمی ناوەکی" ناوی لێنابوو.

ڕۆژنامەی نیویۆرک تایمز لە نوێترین ڕاپۆرتی خۆیدا دوو سەرچاوەی هەواڵگریی ئەمریکا و ئیسرائیلی گواستووتەوە و دەڵێن، کە هێرشەکە لەلایەن ئیسرائیلەوە کراوە هەروەها گوترا روون نەبوو کە ئایا هێرشەکەی سەر ناتانز بە زانیاری ئیدارەی بایدن کراوە یان ئیسرائیل بە سەربەخۆیی کاری کردووە یان نا.

بەڵام ڕۆژی دووشەممە کۆشکی سپی گوتی ئەمریکا هیچ ڕۆڵێکی لەو هێرشەدا نەگێڕاوە و نە لێدوان و نە بە ئەندێشەکردن. هەروەها جین ساکی وتەبێژی کۆشکی سپی ڕەتیکردەوە، کە هیچ لێدوانێک لەسەر تۆمەتەکەی ئێران بۆ ئیسرائیل لەو هێرشەدا بدات.

نەتەنیاهۆ هەروەها هیچ لێدوانێک لە نکۆڵیکردن یان پشتڕاستکردنەوەی ئەو تۆمەتە نەدایە، بەڵام لە لێدوانەکەیدا باسی لەوە کردووە کە کۆماری ئیسلامی هیچ کات لە هەوڵدان بۆ بەدەستهێنانی چەکی ئەتۆمی نەوەستاون.

نەتەنیاهۆ ئاماژەی بە هەڕەشەی وڵاتەکەی لە ئێران کرد و، وتی: ڕژێمی ئێران بێ شەرمانە بۆ لەناوچوونی ئیسرائیل دەڵێت و کاری بۆ دەکات.

نەتەنیاهۆ ڕژێمی ئێرانی بە پشتیوانی تیرۆریستان لەسەرتاسەری جیهان تۆمەتبارکرد و گوتی لە پێنج کیشوەرەوە هەڕەشە لە خەڵک دەکات، لەهەموو سوچێک خەڵک هەڕەشە دەکات.

لای خۆشیه‌وه‌ وەزیری بەرگری ئەمریکا لە کۆنفرانسەکەدا جەختی کردەوە کە ئیدارەی جۆ بایدن " پابەندە " بۆ دڵنیابوون لە ئاسایشی ئیسرائیل.

هێرش بۆ سەر سیستەمی کارەبای ناوەکی ناتانز دوای ڕۆژێک هات کە ڕاگەیەندرا حەسەن روحانی لە ڕۆژی تەکنەلۆژیای ناوکی نەتەوەییدا قسەی کرد لە کاتێکدا کە باسەکانی هاوبەشی JCPOA لە ڤییەنا بەردەوام بوو.

 

 

 

kurdistantv




دوایین هەواڵەکان

سەرۆکی حکومەتی هەرێمی کوردستان پێشوازی لە شاندێکی باڵای ئەمەریکی دەکات

SUNDAY, 16 MAY 2021 21:05:02

هه‌ولێر-KDP.info- ئێوارەی ئەمڕۆ یەکشەممە 2021/5/16 مەسرور بارزانی سەرۆکی حکومەتی هەرێمی کوردستان، پێشوازی لە شاندێکی باڵای ئەمەریکی کرد کە پێکهاتبوو لە جۆوی هوود یاریدەدەری وەزیری دەرەوە بۆ کاروباری رۆژهەڵاتی نزیک به‌ وه‌كاله‌ت، ئەیمی کەترۆنا نوێنەری تایبەتی ئەمەریکا بۆ سوریا بەوەکالەت، زەهرا بێل بەڕێوەبەری کاروباری سوریا و عێراق لە ئەنجومەنی ئاسایشی نیشتمانیی ئەمەریکا. 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی



 
© 2021 Kurdistan Democratic Party, KDP

Contact