Kurdî  ■  كوردی  ■  عربي
SUN, 16 MAY 2021 21:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەغدا لە داخستنی دوو كەمپی تایبەت بە كەسوكاری داعش پاشگەز دەبێتەوە
| KDP.info


مووسڵ-KDP.info- یاریده‌ده‌رى پارێزگاری مووسڵ رایدەگەیەنێت، دوای ئەوەی حكوومەتی عێراق بڕیاری داخستنی ھەردوو كەمپی جەدعا و خەمسای تایبەت بە خێزانەكانی داعشی لە مووسڵ دابوو، بەڵام لە ئێستادا بە ھۆی ئەوەی دەزانن داخستنی ئەو دوو كەمپە دەبێتە كێشە بۆ مووسڵ، لەو بڕیارە پاشگەز بوونەتەوە.

رەفعەت سمۆ، بۆ ماڵپەڕی فەرمیی پارتی دیموكراتی كوردستان گوتی: "دوو كەمپی خێزان و كەسوكارەكانی داعش لە مووسڵ ھەن، كە دوو ھەزار خێزان لە خۆ دەگرێت و حكوومەتی عێراق بڕیاری دابوو سەرجەم كەمپەكان دابخات و لەنێویاندا ئەو دوو كەمپەش، بەڵام دواتر حكوومەت زانی كێشەی بۆ دروست دەبێت و ئەو خێزانانە بێنە ناو مووسڵ گرفت دروست دەبێت، چونكە زۆریان ناتوانن بچنەوە ناوچەكە بە ھۆی كێشەی عەشائیری یان داوا كراون، لەبەر ئەوەی خەڵكی زۆریان كوشتووە و لە شوێنەكانی دیكەش ناتواندرێت چاودێرییان بكرێت، بۆیە حكوومەت پاشگەز بووەتەوە لەوەی ئەو دوو كەمپە دابخات".

سمۆ گوتیشی: "حكوومەتی عێراق پێویستە بڕیارێكی نوێ لەبارەی ھەردوو كەمپی جەدعا و خەمسە كە تایبەتن بە كەسوكاری داعش، بدات و چارەسەرێكی بۆ بدۆزرێتەوە، بە جۆرێك نەبنە كێشە بۆ خەڵكی مووسڵ، چونكە ئەمانە ھێشتا مەترسیدارن و ئەگەر كەمپەكانیان دابخرێن، كێشەی گەورەی لێ دروست دەبێت، ھەر بۆیەش حكوومەتی عێراق بڕیارەكەی راگرتووە و لە داخستنیان پاشگەز بووەتەوە".

دەشڵێ: "ئێمە ھەر لە سەرەتاوە ئەو كارەمان بە ھەڵە زانی، چونكە دەمانزانی دەبێتە كێشە، بەڵام حكوومەتی عێراق بڕیاری دابوو و دواتریش ھەر خۆیان لە بڕیارەكە پەشیمان بوونەوە".

 

بڵند ئیبراھیم    

 




دوایین هەواڵەکان

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی

سلێمانی.. لە 5 ڕۆژی ڕابردوودا 20 ملیۆن دۆلار داهاتی شوێنە گەشتیارییەكان بووە

SUNDAY, 16 MAY 2021 16:05:22

سلێمانی-KDP.info- گوتەبێژی بەرێوەبەرایەتیی گەشتوگوزاری سلێمانی دەڵێت، بەپێی ئامارەكان، لە ڕۆژانی جەژنی ڕەمەزاندا زیاتر لە 100 هەزار گەشتیار ڕوویان لە ناوچە گەشتیارییەكانی سنووری پارێزگای سلێمانی كردووە، كە زۆربەری زۆری ئەو گەشتیارانەش خەڵكی ناوەڕاست و باشووری عێراق بوون و لە ماوەی 5 رۆژی رابردووشدا، 20 ملیۆن دۆلار داهاتی شوێنە گەشتیارییەكان بووە.

 


 
© 2021 Kurdistan Democratic Party, KDP

Contact