Kurdî  ■  كوردی  ■  عربي
SAT, 19 JUL 2025 01:50 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وەزیری ناوخۆ: بۆ مانگی رەمەزان رێکاری نوێ بۆ روبەروبوونەوەی نەخۆشی کۆرۆنا دەردەکەین
| KDP.info


ھەولێر-KDP.info- وەزیری ناوخۆی حکومەتی ھەرێمی کوردستان گوتی، پابەندنەبوونی خەڵک بەرێنمایەکان بەتایبەت بەستنی ماسک وای کردووە کە رێکاری توند بۆ روبەروبوونەوەی نەخۆشی کۆرۆنا دەربکەین، جەختیشی کردەوە، لەمانگی رەمەزان رێنمایی نوێ دەردەکەین کە لەگەڵ ئەو مانگە بگونجێین وھیوادارین ھاوڵاتیانیش ھاوکار بن.

وەزیری ناوخۆی حکومەتی ھەرێمی کوردستان، رێبەر ئەحمەد، لە لێدوانێکی رۆژنامەوانیدا گوتی، سەرۆکی حکومەتی ھەرێمی کوردستان ئەگەر رۆژانەش نەبێت بەردەوام پەیامی ھەبووە ھاوڵاتیان ئاگاداربکرێنەوە و ھوشیار بکرێنەوە باشتر خۆیان بپارێزن و وەزارەتی تەندروستی رێنمایی ھەبووە و داواکاری ھەبووە لە لیژنەی باڵای روبەروبوونەوەی کۆرۆنا کە رێکارەکان توند بکرێن و بەداخەوە ھاوولاتیان وەکو پێویست خۆیان ناپارێزن بۆیە ناچارین رێکارەکان توند بکەین و ساڵی ڕابردوو لە قەدەغەکردنی ھاتووچۆ دەستمان پێکرد و تارادەیەکی باش توانیمان بەسەر پەتایەکە زاڵ بین و سەرکەوین، بەڵام ئەو شل و خاویەی لەلایەن ھاووڵاتیان ھەیە و پابەند نەبوون بە رێنمایەکان وایکرد بە ھەزاران خەڵک تووشی کۆرۆنا بن و چەند ھەزارێکیش ژیانی خۆیان لەدەست دا.

رێبەر ئەحمەد گوتیشی، ئەمساڵ کە پەتای کۆرۆنای گۆڕاو لە سەرتاسەری جیھان بڵاوبوویە ھەموو وڵاتانی ناچار کردووە کە قەدەغەی ھاتووچۆ رابگەیێنن، بۆ نموونە لە وڵاتانی ئەوروپا سیستەمی ئابووری و تەندروستی باشترن لە ئێمە  قەدەغەی ھاتووچۆیان بەمانگ راگەیاندووە و ئێستاش لەگەڵ بێت ژیان وەستاوە، کە باسی رێکاری تەندروستی دەکەین باس لە بەستنی ماسک دەکەین، بۆیە بەداخەوە دۆخێک دروست بووە پێویستە لەگەڵ نەخۆشیەکە رابێین، ئێمە ھەمیشە گوتومانە لێراھاتن لەگەڵ کۆرۆنا بەماسکەوە لەگەڵ نەخۆشیەکە دەژین بەبێ ماسک ژیانی ھاووڵاتیان لەمەترسیدایە.

ئەحمەد باسی لەوەشکرد، ھەموو رێکارەکان بۆ پاراستنی خەڵکە و خەڵک پارێزراو بێت وتەندروستیان باش بێت و ھاووڵاتیان تووشی نەخۆشی و گرفت نەبن وھەرچی رێنمایی بڵاودەکەینەوە ھاووڵاتیان پابەند نابن بە بەستنی ماسک و ھەندێک دامەزراوەکانی حکومەت ماسکیش دابین دەکەن و داوا لە راگەیاندنەکان دەکەین رۆڵی زیاتر لەھۆشیارکردنەوەی خەڵک ببینن.

وەزیری ناوخۆی حکومەتی ھەرێمی کوردستان ڕوونیشی کردەوە، ئەولەویەتی حکومەتی ھەرێم پاراستنی خەڵکە، من تکا دکەم لە دەزگاکانی راگەیاندن و سۆشیال میدیا وھەر کەسێک رۆڵی ھەیە، ئاگاداری ھاووڵاتیان بکات کە ھۆشیاربن لەبەستنی ماسک، ئەو ماسکە ژیانی خەڵک دەپارێزیت و کۆڕ و کۆبوونەوە کەمبکرێتەوە، ناچار بووین لەسەر راپۆرتی تەندروستی و لیژنەی باڵا رێکاری نوێ دەربکەین کە لەمشەوە قەدەغەی ھاتووچۆی تەواو دەستپێبکات.

باسی لەوەشکرد، بەخێرھاتنی مانگی رەمەزان دەکەین و چەند رۆژی دیکە دەستپێدەکات و بەتەئکید رێکارەکان لەگەڵ مانگی رەمەزان دەگونجێنین، بۆیە پێش مانگی رەمەزان لیژنەی باڵا کۆدەبێتەوە و رێکاری نوێ دەردەکات كە لەگەڵ مانگی رەمەزان بگونجێت، چونکە لەو مانگە ژیان دەکەوێتە شەو و ھاتووچۆ زیاتر دەبێت بۆیە خۆمان بگونجێنین و ھیوادارین خەڵک ھاوکاریمان بکات بۆ ئەوەی سەرکەوتووبین.

بڵند ئیبراھیم 

 




دوایین هەواڵەکان

سەرۆکی ھەرێمی کوردستان پیرۆزبایی لە یانەکانی دهۆک و زاخۆ دەکات

SATURDAY, 19 JULY 2025 00:07:00

ھەولێر-KDP.info- سەرۆکی ھەرێمی کوردستان پیرۆزبایی لە یانەکانی دھۆک و زاخۆ دەکات بەبۆنەی بەدەستھێنانی پلەی یەکەم و دووەمی جامی عێراق و دەڵێت، "ھەر ھەبن و ھەر سەرکەوتوو بن."

 
مەسروور بارزانی پیرۆزبایی لە یانەکانی تۆپی پێی دهۆک و زاخۆ دەکات

FRIDAY, 18 JULY 2025 23:07:15

ھەولێر-KDP.info- سەرۆکی حکوومەتی هەرێمی کوردستان، پیرۆزبایی لە یانەکانی تۆپی پێی دهۆک و زاخۆ کرد، بە بۆنەی بەدەستهێنانی پلەی یەکەم و دووەمی جامی عێراق.

 
گوتەبێژی حکوومەت بۆ KDP باسی جێبەجێکردنی ڕێککەوتنه‌كه‌ و ناردنی مووچە دەکات

FRIDAY, 18 JULY 2025 22:07:06

ھەولێر-KDP.info- گوتەبێژی حکوومەتی ھەرێمی کوردستان ڕایدەگەیەنێت، لە سەرەتای ئەم ھەفتەیەدا ڕێککەوتنی نێوان حکوومەتی ھەرێمی کوردستان و بەغدا دەکەوێتە بواری جێبەجێکردنەوە و بەغدا دەست بە ناردنی مووچەی مانگی پێنجی فەرمانبەران دەکات.

 
بارزانی خەونی نەتەوەیەك، کە بەرەو ڕوناکی هەنگاو دەنێت

FRIDAY, 18 JULY 2025 14:07:34

دکتۆر سامان سۆرانی 

 
هەڵگورد شێخ نەجیب بۆ KDP: دیزاینی ماستەرپلانی تازەی هاوینەهەواری بێخاڵ تەواوبووە

FRIDAY, 18 JULY 2025 11:07:42

ھەولێر-KDP.info- سەرپەرشتیاری ئیدارەی سەربەخۆی سۆران ڕایگه‌یاند، لە هاوینەهەواری بێخاڵ،‌ بنیادنانی ژێرخانێكی پته‌وی گه‌شتیاری له‌ده‌ڤه‌ره‌كه‌ ده‌ستپێده‌كات، بۆ ڕازیكردنی  كاسبكارانی بێخاڵیش حكوومه‌تی هه‌رێمی كوردستان پلانی هه‌یه‌.

 


 
© 2023 Kurdistan Democratic Party, KDP

Contact