هەولێر-KDP.info- وەزارەتی پەروەردەی حكوومەتی هەرێمی كوردستان، لە راگەیەندراوێكدا رایگەیاندووە، تاوەكو ئەنجامدانی كۆبوونەوەی لیژنەی باڵای بەرەنگاربوونەوەی ڤایرۆسی كۆرۆنا، تەواوی ناوەندەكانی خوێندن بە داخراوی دەمێننەوە.
ئەمەی خوارەوە دەقی راگەیەنراوەكەیە:
راگەیەندراوێک لە وەزارەتی پەروەردەی حکوومەتی هەرێمی کوردستانەوە
تاوەكو ئەنجامدانی كۆبوونەوەی لیژنەی باڵای بەرەنگاربوونەوەی ڤایرۆسی كۆرۆنا، تەواوی ناوەندەكانی خوێندنی سەر بە وەزارەتی پەروەردە (حكوومی - ناحكوومی) بە داخراوی دەمێننەوە. تەنها تاقیكردنەوەكان ئەنجام دەدرێن، بە گوێرەی خشتەی راگەیەندراو بەردەوام دەبن بە رێككارەكانی خۆپارێزییەوە.
راگەیاندنی وەزارەتی پەروەردە
٨ ی ٤ ی ٢٠٢١