Kurdî  ■  كوردی  ■  عربي
TUE, 13 APR 2021 07:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ بەشارەتی: بە نارنجۆك هێرش كراوەتە سەر ماڵەكەم
| KDP.info


سلێمانی-KDP.info- شەوی ڕابردوو، لە ڕێگەی ماتۆڕسكیلەوە نارنجۆك هەڵدەدرێتە ماڵی بەرپرسی پێشووی لقی 12ی پارتی دیموكراتی كوردستان، بەڵام دەكەوێتە ماڵێكی دراوسێیان و بە هۆیەوە زیانی ماددیی لێ كەوتووەتەوە.

 

فازڵ بەشارەتی، بەرپرسی پێشووی لقی 12ی پارتی، بە ماڵپەڕی فەرمیی پارتی دیموكراتی كوردستانی راگەیاند: "شەوی رابردوو، نارنجۆكێك هەڵدراوەتە ماڵەكەمەوە، بەڵام كەوتووەتە ماڵی دراوسێكەمانەوە و تەنیا زەرەر و زیانی ماددیی هەبووە و هیچ زیانێكی گیانی نەبووە، هیرَشەكەش لە كاتێكدایە، ماوەی چەند رۆژێكە بە ڕێگەی جیاواز لە ڕێگەی تەلەفۆن و تۆڕە كۆمەڵایەتییەكانەوە هەڕەشە دەكرێت، هیچ كەسێكیش بە تۆمەتبار لە ڕووداوەكە نازانم، ئەوەی هەیە ئەم جۆرە كردەوانە كاریگەریی خراپی دەبێت بۆ تێكدانی ئاشتەوایی نێو كۆمەڵگە، بۆیە ئەركی هێزە ئەمنییەكانە بكەرانی ئەم كردەوە قێزەونە بدۆزنەوە و كۆتای بەم كارە بێسەروبەرانە بهێنرێت".

 

بەشارەتی، گوتیشی: "ڕووداوەكەش كاتێك ڕووی داوە، كە لە ماڵ نەبووین، بكەرانی ئەو كارەش لە رێگەی بەكارهێنانی ماتۆڕسكیلێك ویستوویانە نارنجۆكەكە فڕێ بدەنە ماڵەكەمەوە، بەڵام بە هۆی پەلەپەل و شڵەژانیان، نارنجۆكەكە كەوتووەتە ماڵێكی دراوسێمان، بۆیە ئەمە كارێكی زۆر ترسنۆكانەیە، ئەوان لەگەڵ ئەم جۆرە كارانە ڕاهاتوون، دەزگا ئەمنییەكانیش هاتوونەتە شوێنی ڕووداوەكە و چاوەڕێی لێكۆڵینەوەكان دەكەین دەربارەی ئەم ڕووداوە".

 

بەرپرسی پێشووی لقی 12ی پارتی دیموكراتی كوردستان دەشڵێ: "سكاڵام لە هیچ كەسێك نییە و داوا لە لایەنە پەیوەندیدارەكان دەكەم بكەرانی ئەو كردەوە ئاشكرا بكەن، گومانیشم لە هیچ كەسێك نییە، بەڵام لە رۆژانی رابردوودا لێدوانم هەبوو لە یەكێك لە راگەیاندنەكان، لەوانەیە قسەكانم خەڵكێكی سەغڵەت كردبێت، كەسێكیش بۆی نووسیوم، چاوەڕوانی كردەوەیەكی لەو شێوەیە بكە، كە رووبەڕووت دەبێتەوە".

 

ڕوونیشی كردەوە، پێشتریش ئەو كاتەی بەرپرسی لقی 12ی پارتی بووە لە هەڵەبجە، سێ جاری دیكە تەقە لە ماڵەكەی كراوە، هەروەها هەمیشەش هەڕەشەی لێ كراوە، كە تا ئێستاش بكەرانی دیار نین و دەستگیر نەكراون.

 

ئەرسەلان ئەحمەد




دوایین هەواڵەکان

نەتەنیاهۆ: ئێران مەترسیدارترین هەڕەشەیە بۆ سەر ڕۆژهەڵاتی ناوەڕاست

MONDAY, 12 APRIL 2021 22:04:23

هەولێر-KDP.info- ڕۆژێک پاش هێرشە سایبریکەی سەر سایتی ناوکی ناتانز، سەرۆک وەزیرانی ئیسرائیل، کۆماری ئیسلامی بە مەترسیدارترین هەڕەشە لە ڕۆژهەڵاتی ناوەڕاست ناوزەند کرد و گوتی ئیسرائیل هەرگیز رێگە بە ئێران نادات چەکی ناوکی پەیدا بکات.

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

MONDAY, 12 APRIL 2021 22:04:00

هەولێر-KDP.info- ئێواره‌ى ئه‌مڕۆ سێشه‌ممه‌ 2021/4/12 له‌ هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

پەیامی سەرۆکی هەرێمی کوردستان بەبۆنەی هاتنەوەی مانگی پیرۆزی ڕەمەزانه‌وه

MONDAY, 12 APRIL 2021 21:04:06

هەولێر-KDP.info- بەبۆنەی ھاتنەوەی مانگی پیرۆزی ڕەمەزانه‌وه‌، به‌ گه‌رمى پیرۆزبایی لە موسڵمانانی کوردستان، عێراق و جیهان دەکەم.

سەرۆکی هەرێمى كوردستان پیرۆزبایى له‌ بزووتنەوەی دیموکراتی ئاشووری ده‌كات

MONDAY, 12 APRIL 2021 21:04:04

بەڕێزان سكرتێری گشتی و ئەندامانی مەکتەبی سیاسی و سەركردایەتیی بزووتنەوەی دیموكراتی ئاشووری

بەیاننامەیەک له‌ وه‌زاره‌تی ناوخۆوه

MONDAY, 12 APRIL 2021 21:04:39

هەولێر-KDP.info- وه‌زاره‌تی ناوخۆی حكومه‌تی هه‌رێم بەیاننامەیەکی 17 خاڵی له‌ پێناو پاراستنی ئاسایشی ته‌ندروستی هه‌رێمی كوردستان بڵاوكرده‌وه‌.



 
© 2021 Kurdistan Democratic Party, KDP

Contact