Kurdî  ■  كوردی  ■  عربي
TUE, 13 APR 2021 07:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا عەبدولخالق: بەغدا بە رێككەوتنەكەی شنگالەوە پابەند نییە
| KDP.info


هەولێر-KDP.info- گوتەبێژی ژووری ئۆپەراسیۆنی ھاوبەشی عێراق رایگەیاندووە، ئەوان پابەندن بە رێككەوتنی شنگال و ھیچ دیاردەیەكی چەكداری لە شنگال نییە، نوێنەری حكوومەتی ھەرێمی كوردستانیش لەو ژوورە دەڵێ، حكوومەتی ھەرێمی كوردستان ئامادەیە بۆ رێككەوتن، بەڵام حكوومەتی عێراق پابەندی رێككەوتنەكان نابێت.

لیوا عەبدولخالق تەڵعەت، نوێنەری ھەردوو وەزارەتی ناوخۆ و پێشمەرگە لە  ژووری ھاوبەشی ئۆپەراسیۆنی عێراق، بۆ ماڵپەڕی فەرمیی پارتی دیموكراتی كوردستان گوتی: "حكوومەتی عێراق بڕیار بوو لە یەكی چوارەوە رێككەوتنی شنگال  جێبەجێ بكات و ھێزە ناشەرعییەكان دەربكات، بەڵام تاوەكو ئێستا ھیچ باسێكی نییە بۆ جێبەجێكردن و رێككەوتنەكە وەكو خۆی ماوە، كە ھۆكاری جێبەجێنەكردنیشی، حكوومەتی عێراقە، ئەگەر نا حكوومەتی ھەرێمی كوردستان ئامادەیە بۆ جێبەجێكردنی رێككەوتنەكە".

تەڵعەت گوتیشی: "رێككەوتن لەبارەی ناوچە كوردستانییەكانی دیكەش هەیە، لەوانە كەركووك، بەڵام تا ئێستا جێبەجێ نەكراوە، كە لە ئێستادا مەترسی لەسەر كەركووك ھەیە و ئەگەر دۆخەكە بەو جۆرە بەردەوام بێت و چارەسەر نەكرێت، لە داھاتوودا داعش ھێرشی سەر كەركووك دەكات، چونكە داعش زۆر بەھێز بووە لە ناوچە كوردستانییەكان و حكوومەتی عێراقیش تا ئێستا ئامادەی جێبەجێكردنی رێككەوتنەكان نییە".

 

بڵند ئیبراھیم

 




دوایین هەواڵەکان

نەتەنیاهۆ: ئێران مەترسیدارترین هەڕەشەیە بۆ سەر ڕۆژهەڵاتی ناوەڕاست

MONDAY, 12 APRIL 2021 22:04:23

هەولێر-KDP.info- ڕۆژێک پاش هێرشە سایبریکەی سەر سایتی ناوکی ناتانز، سەرۆک وەزیرانی ئیسرائیل، کۆماری ئیسلامی بە مەترسیدارترین هەڕەشە لە ڕۆژهەڵاتی ناوەڕاست ناوزەند کرد و گوتی ئیسرائیل هەرگیز رێگە بە ئێران نادات چەکی ناوکی پەیدا بکات.

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

MONDAY, 12 APRIL 2021 22:04:00

هەولێر-KDP.info- ئێواره‌ى ئه‌مڕۆ سێشه‌ممه‌ 2021/4/12 له‌ هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

پەیامی سەرۆکی هەرێمی کوردستان بەبۆنەی هاتنەوەی مانگی پیرۆزی ڕەمەزانه‌وه

MONDAY, 12 APRIL 2021 21:04:06

هەولێر-KDP.info- بەبۆنەی ھاتنەوەی مانگی پیرۆزی ڕەمەزانه‌وه‌، به‌ گه‌رمى پیرۆزبایی لە موسڵمانانی کوردستان، عێراق و جیهان دەکەم.

سەرۆکی هەرێمى كوردستان پیرۆزبایى له‌ بزووتنەوەی دیموکراتی ئاشووری ده‌كات

MONDAY, 12 APRIL 2021 21:04:04

بەڕێزان سكرتێری گشتی و ئەندامانی مەکتەبی سیاسی و سەركردایەتیی بزووتنەوەی دیموكراتی ئاشووری

بەیاننامەیەک له‌ وه‌زاره‌تی ناوخۆوه

MONDAY, 12 APRIL 2021 21:04:39

هەولێر-KDP.info- وه‌زاره‌تی ناوخۆی حكومه‌تی هه‌رێم بەیاننامەیەکی 17 خاڵی له‌ پێناو پاراستنی ئاسایشی ته‌ندروستی هه‌رێمی كوردستان بڵاوكرده‌وه‌.



 
© 2021 Kurdistan Democratic Party, KDP

Contact