Kurdî  ■  كوردی  ■  عربي
SUN, 16 MAY 2021 21:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنجوومەنی نوێنەرانی عێراق پرۆژه یاسای دادگای فیدڕاڵی په‌سند کرد
| KDP.info


بەغدا-KDP.info- ئەنجوومەنی نوێنەرانی عێراق لە دانیشتنی ژمارە ٤٥ی ئاسایی وەرزی یەکەمی یاسادانان بۆ ساڵی سێیەم لە خولی چوارەمی ھەڵبژاردنی خۆیدا، هەمواری یاسای ژمارە ٣٠ ساڵی ٢٠٠٥ی دادگای فیدڕاڵی پەسەند کرد.

دوای بایکۆتکردنی دانیشتنی ئەمڕۆی ئەنجوومەنی نوێنەران لەلایەن فراکسیۆنی پارتی دیموکراتی کوردستان و هاوپەیمانی هیوا کە لە ئەندامانی فراکسیۆنەکانی گۆڕان، کۆمەڵ و یەکگرتووی ئیسلامی پێکدێت، لەگەڵ نوێنەری پێکهاتەکان، ئەنجوومەنی نوێنەران نەیتوانی پرۆژە یاسای دادگای فیدڕالی پەسەند بکات کە لە دانیشتنەکانی پێشوویدا بەشێک لە ماددەکانی پەسەندکردبوو، لە بەر ئەوەی بەپێی ماددەی ٩٢ی دەستووری عێراق پەسەندکردنی ئەو پرۆژەیاسایە پێویستی بە سێ لەسەر چواری دەنگی ئەندامانی ئەنجوومەنی نوێنەران هەبوو، بۆیە بە ناچاری هەمواری یاسای ژمارە ٣٠ ساڵی ٢٠٠٥ دادگاکە خرایە دەنگدانەوە و پەسەند کرا.

بە پەسەندکردنی هەمواری یاسای ژمار ٣٠ ساڵی ٢٠٠٥، پێکهاتەی دادگای باڵای فیدڕالی وەک خۆی مایەوە کە لە نۆ ئەندام پێکھاتووە کە سێ شیعە، دوو سوننە، دوو کورد، تورکمانێک و مەسیحییەك.

بەپێی ماددەی ٩٣ لە دەستووری ھەمیشەیی عێراق، یەکێک لە ئەرکە سەرەکییەکانی دادگاکە بریتییە لە پەسەندکردنی ئەنجامی کۆتایی ھەڵبژاردنەکان، بۆیە پەسەندکردنی ئەم هەموارەی پرۆژە یاساکە، هەنگاوێکی تەواوکارییە بۆ ئەنجامدانی هەڵبژاردنی پێشوەختە کە بڕیارە لە ١٠ی تشرینی یەکەمی ٢٠٢١ ئەنجام بدرێت.

بەپێی ماددەی ٩٤ لە دەستووری ھەمیشەیی عێراق، سەرجەم دەسەڵاتەکانی عێراق پابەند و ملکەچن بۆ بڕیارەکانی دادگای باڵای فیدراڵی و بڕیارەکانی یەکلاییکەرەوەیە و ھیچ تانەیەکی لێ نادرێت بەو پێیەی بەرزترین دەسەڵاتی دادوەرییە لە وڵاتدا.

 

میدیا

 




دوایین هەواڵەکان

سەرۆکی حکومەتی هەرێمی کوردستان پێشوازی لە شاندێکی باڵای ئەمەریکی دەکات

SUNDAY, 16 MAY 2021 21:05:02

هه‌ولێر-KDP.info- ئێوارەی ئەمڕۆ یەکشەممە 2021/5/16 مەسرور بارزانی سەرۆکی حکومەتی هەرێمی کوردستان، پێشوازی لە شاندێکی باڵای ئەمەریکی کرد کە پێکهاتبوو لە جۆوی هوود یاریدەدەری وەزیری دەرەوە بۆ کاروباری رۆژهەڵاتی نزیک به‌ وه‌كاله‌ت، ئەیمی کەترۆنا نوێنەری تایبەتی ئەمەریکا بۆ سوریا بەوەکالەت، زەهرا بێل بەڕێوەبەری کاروباری سوریا و عێراق لە ئەنجومەنی ئاسایشی نیشتمانیی ئەمەریکا. 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی



 
© 2021 Kurdistan Democratic Party, KDP

Contact