Kurdî  ■  كوردی  ■  عربي
SUN, 16 MAY 2021 21:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لەمەودوا کرێی کارەبا لە رێگەی سیستمی زیرەکەوە وەردەگیرێت
| KDP.info


هەولێر-KDP.info- وەزارەتی کارەبای حکوومەتی هەرێمی کوردستان، سیستەمی زیرەکی پەسەند کردووە و گوتەبێژی وەزارەتەکەش دەڵێت، لەمەودوا کرێی کارەبا لە رێگەی سیستمی زیرەکەوە وەردەگیرێت.

ئومێد ئەحمەد، گوتەبێژی وەزارەتی کارەبا، بە ماڵپەڕی فەرمیی پارتی دیموکراتی کوردستانی راگەیاند، وەزارەت سیستمی زیرەکی پەسەند کردووە و تا ئێستا 550 هەزار بەشداربوو پێوەری زیرەکیان گرێ داوە و بڕیاریشە تا کۆتایی ئەمساڵ، هەموو بەشداربووانی کارەبا سیستمی زیرەک گرێ بدەن.

گوتەبێژی وەزارەتی کارەبا دەشڵێت، لەمەودوا کرێی کارەباش لە رێگەی سیستمی زیرەک وەردەگیرێت و لە پێوەری ماڵان خوێندنەوە بۆ بەکارهێنانی کارەبا ناکرێت، بەڵکو لە رێگەی ئەو سمارتەی دانراوە، کارەبا هەژمار دەکرێت.

ئەحمەد روونیشی کردەوە، خوێندنەوەی کارەبا لە رێگەی سیستمی زیرەکەوە، عەدالەتی تێدایە، چونکە کەس ناتوانێ دەستکاری خوێندنەوە بکات، خوێندنەوەی سەر پێوەری ماڵان زۆر جار هەڵەی تێدایە و هەندێک جار ستەم لە حکوومەت و هەندێک جاریش لە هاووڵاتی دەکرێت، لەبەر ئەوەش باشترین رێگا خوێندنەوەیە لە رێگەی سیستمی زیرەکەوە.

 

قائید میرۆ

 




دوایین هەواڵەکان

وه‌زاره‌تی ناوخۆی هه‌رێم هاتووچۆی نێوان هه‌رێمی كوردستان له‌گه‌ڵ پارێزگاكانی عێراق ئاسایی ده‌كاته‌وه‌

SUNDAY, 16 MAY 2021 21:05:28

هه‌ولێر-KDP.info- وه‌زاره‌تی ناوخۆی حكومه‌تی هه‌رێمی كوردستان به‌یاننامه‌یه‌كی بڵاوكرده‌وه‌ و تیایدا رایگه‌یاند: هاتووچۆی نێوان هه‌رێمی كوردستان له‌گه‌ڵ پارێزگاكانی عێراق ئاسایی ده‌كرێته‌وه‌ به‌ ره‌چاوكردنی رێنماییه‌ ته‌ندروستییه‌كان.

سەرۆکی حکومەتی هەرێمی کوردستان پێشوازی لە شاندێکی باڵای ئەمەریکی دەکات

SUNDAY, 16 MAY 2021 21:05:02

هه‌ولێر-KDP.info- ئێوارەی ئەمڕۆ یەکشەممە 2021/5/16 مەسرور بارزانی سەرۆکی حکومەتی هەرێمی کوردستان، پێشوازی لە شاندێکی باڵای ئەمەریکی کرد کە پێکهاتبوو لە جۆوی هوود یاریدەدەری وەزیری دەرەوە بۆ کاروباری رۆژهەڵاتی نزیک به‌ وه‌كاله‌ت، ئەیمی کەترۆنا نوێنەری تایبەتی ئەمەریکا بۆ سوریا بەوەکالەت، زەهرا بێل بەڕێوەبەری کاروباری سوریا و عێراق لە ئەنجومەنی ئاسایشی نیشتمانیی ئەمەریکا. 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 


 
© 2021 Kurdistan Democratic Party, KDP

Contact