Kurdî  ■  كوردی  ■  عربي
THU, 25 FEB 2021 22:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سیوەیلی بۆ KDP: ئەمەریکا لەگەڵ ئەوەدایە ھەرێمی کوردستان بەھێز بێت و پشتگیری دەکەن
| KDP.info


ھەولێر-KDP.info- بەرپرسی مەكتەبی پەیوەندییەكانی دەرەوەی پارتی دیموكراتی كوردستان رایگەیاند، ئیدارە و سەرۆكی نوێی ئەمەریكا، پەیوەندییەكی باشیان لەگەڵ ھەرێم و بەرپرسانی ھەرێم، بە تایبەت سەرۆك بارزانی ھەیە و لەگەڵ ئەوەدان ھەرێمی كوردستان لە عێراق بەھێز بێت و پشتگیریی دەكەن.

ھۆشیار سیوەیلی، بۆ ماڵپەڕی فەرمیی پارتی دیموكراتی كوردستان گوتی: "كاتێك ئیدارەیەكی نوێی ئەمەریكا دەستبەكار دەبێت، گەڵاڵەی ستراتیژییەتی ئاسایشی نەتەوەیی خۆیان دەكەن و لەو ستراتیژییەش ھێڵە گشتییەكانی ئاسایشی نەتەوەیی و ستراتیژییەتی دەرەوە دادەڕێژن، كە جارێ ئیدارە نوێیە و سەرقاڵی داڕشتنی ئەو ستراتیژییەتەیە بۆ چوار ساڵی داھاتوو، كە دیدوبۆچوونی خۆیان بەرامبەر بە جیھان و رووداوەكانی جیھان دیاری دەكەن، رۆژھەڵاتی ناوەڕاستیش بەشێك بووە لە ستراتیژییەتی ئاسایشی نەتەوەیی ئەمەریكا و چاوەڕێ دەكەین ئەو ستراتیژییەتە دابڕێژرێت بۆ شێوازی مامەڵەكردنیان بەرامبەر بە رۆژھەڵاتی ناوەڕاست، بەڵام ئەوەی ئێمە دەیبینین، ئیدارە و سەرۆكی نوێی ئەمەریكا، جیاوازیی زۆریان لەگەڵ سەرۆك و ئیدارەی پێشوو دەبێت، بە تایبەت لە پەیوەندییە نێودەوڵەتییەكان و شێوازی مامەڵەكردنیان لەگەڵ رۆژھەڵاتی ناوەڕاست".

سیوەیلی گوتیشی: "سەرۆك بایدن كەسێكی شارەزایە لە سیاسەتی پەیوەندیی دەرەوە و ئاڵۆزییەكانی رۆژھەڵاتی ناوەڕاست و، چەندین جاریش سەردانی عێراق و ھەرێمی كوردستانی كردووە و لە نزیكەوە پەیوەندیی باشی لەگەڵ بەرپرسانی ھەرێم و بە تایبەت سەرۆك بارزانی ھەیە، هەروەها لە چەندین كۆبوونەوەدا باسی داواكاریی كوردی كردووە لە عێراق و تێگەیشتنی باشی بۆ كێشەكانی ئێمە ھەیە، بەڵام ئێستا سەرۆكە و ڕەنگە جیاوازی ھەبێت، وەلێ لە بەرژەوەندیی كوردە و تێگەیشتنی باشی بۆ دۆزی كورد ھەیە".

بەرپرسی مەكتەبی پەیوەندییەكانی دەرەوەی پارتی دیموكراتی كوردستان باسی لەوەش كرد: "ئەمەریكا بەرامبەر عێراق پابەندە و ٢ھەزار و ٥٠٠ سەربازی لە عێراق ھەیە، بڕوا ناكەم كەمیشی بكەنەوە و زیادبوونیشی پەیوەستە بە دۆخی ئەمنی و زیاتربوونی داعش، بۆیە جارێ ھێزەكانیان بەو شێوە دەمێننەوە".

دەشڵێ، سەرۆكی ئەمەریكا و راوێژكارەكانی، شارەزاییەكی باشیان لەبارەی ھەرێمی كوردستان ھەیە و پەیوەندیی باشیان لەگەڵ بەرپرسانی ھەرێم ھەیە و ئەمەریكاش پشتگیری ھەرێمێكی بەھێز لە عێراق دەكات و حەز دەكەن ھەرێم بەھێز بێت.

 

بڵند ئیبراھیم




دوایین هەواڵەکان

ڕوونکردنەوەیەک لە وەزارەتی ناوخۆی حکومەتی هەرێمی کوردستانەوە

THURSDAY, 25 FEBRUARY 2021 22:02:29

هەولێر-KDP.info- وەزارەتی ناوخۆی هەرێمی کوردستان هەواڵێکی راگەیاندنەکانی پەکەکە رەتدەکاتەوە، ئەوەی خوارەوە دەقی روونکردنەوەی وەزارەتی ناوخۆیە: 

نێچیرڤان بارزانى سه‌رساخى ل ڕێزدار فه‌رهاد ئه‌ترووشى كر

THURSDAY, 25 FEBRUARY 2021 20:02:13

ئه‌ڤرۆ پێنجشه‌مى 2021/2/25 ڕێزدار نێچیرڤان بارزانى، د په‌یوه‌ندییه‌كا ته‌له‌فۆنیدا دگه‌لڕێزدار د. فه‌رهاد ئه‌ترووشى، پارێزگارێ به‌رێ یێ دهۆكێ، بۆ وه‌غه‌را دویماهیێ یا بابێوان یێ خودێ ژێ ڕازى، سه‌رساخى ل وان و مالباتا وان یا ڕێزدار كر و هیڤى خواستخودایێ مه‌زن خودێ ژێ ڕازى ب ب دلۆڤانیا خۆ شاد بكه‌ت و سه‌بر و ئارامیێ بده‌ته‌ وانو مالبات و كه‌سوكارێن وان.

 

سەرۆکی حکومەت سەرەخۆشی لە فەرهاد ئەتروشی دەکات

THURSDAY, 25 FEBRUARY 2021 20:02:06

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە فەرهاد ئەمین ئەتروشی پارێزگاری پێشووی دهۆک کرد بۆ کۆچی دوایی باوکی.

 
نێچیرڤان بارزانى، سه‌ره‌خۆشى له به‌ڕێز مسته‌فا سه‌ید قادر ده‌كات

THURSDAY, 25 FEBRUARY 2021 19:02:44

هەولێر-KDP.info- ئێواره‌ى ئه‌مڕۆ پێنجشه‌ممه‌ 2021/2/25 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز مسته‌فا سه‌ید قادر جێگرى سه‌رۆكى هه‌رێمى كوردستان، بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشى له‌ به‌ڕێزیان كرد و هاوخه‌مى له‌گه‌ڵ خۆیان و خانه‌واده‌ به‌ڕێزه‌كه‌یان ده‌ربڕى.

فه‌رمانى دامه‌زراندنی 171 پزیشكى كاتیی ڤێتێرنه‌رى ده‌رچوو

THURSDAY, 25 FEBRUARY 2021 18:02:32

هه‌ولێر-KDP.info-  گوتەبێژی وەزارەتی کشتوکاڵ و سەرچاوەکانی ئاوی حكوومه‌تى ھەرێمى كوردستان گوتی، فه‌رمانى دامه‌زراندنى 171 پزیشكى كاتیى ڤیتێرنه‌رى ده‌رچوو .

 



 
© 2020 Kurdistan Democratic Party, KDP

Contact