Kurdî  ■  كوردی  ■  عربي
THU, 25 FEB 2021 22:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە پەرلەمان ھەوڵ دەدرێت بە پڕۆژەیاسایەک خزمەتی زیاتر بە پێشمەرگە دێرینەکان بکرێت
| KDP.info


ھەولێر-KDP.info- ئەندامی لیژنەی پێشمەرگەی پەرلەمانی کوردستان گوتی، پڕۆژەیاسایەکی تایبەت بە پێشمەرگەی دێرین لە پەرلەمانی کوردستان ھەیە کە کۆمەڵێک خاڵ لە خۆ دەگرێت و چەندین ئیمتیاز بۆ پێشمەرگەی دێرین دابین دەکات و سەرۆکی پەرلەمانیش بۆ تێپەڕاندنی پڕۆژەکە بەڵێنی داوە داوا لە سەرۆک بارزانی و لایەنەکان بکات ھاوکاریی پەرلەمان بکەن، چونکە دەستکەوتی ھەرێمی کوردستان بەرھەمی پێشمەرگە دێرینەکانە.

ئەندامی لیژنەی پێشمەرگەی پەرلەمانی کوردستان، سەعید ھەرکی، بۆ ماڵپەڕی فەرمیی پارتی دیموکراتی کوردستان گوتی: "پێشمەرگەی دێرین  و تێکۆشەرانی گوڵان سەردانی پەرلەمانی کوردستانیان کرد، لەبەر ئەوەی پڕۆژەیاسایەک لە پەرلەمانی کوردستان ھەیە تایبەت بە مافەکانی ئەوان و لەم کاتە ھەر پڕۆژەیەک ڕەھەندی داراییی ھەبێت ھەندێک زەحمەتە تێپەڕ بکرێت، چونکە حکوومەت لە ئێستادا توانای نییە، بۆیە ھەندێک پێشنیاری نوێ کرا ھەم لەسەر پڕۆژەیاساکە و ھەم لەسەر پڕۆژەیاسای خانەنشینیی پێشمەرگە، تا ھەندێک برگە کە جێبەجێ نەکرابوون پێداچوونەوەیان پێدا بکرێت، بۆ ئەوەی ئەو خاڵانەی پەیوەندییان بە ئەوانەوە ھەیە جێبەجێ بکرێن، وەکو ھەر ساڵێکی خزمەتی ئەوان بە دوو ساڵ ھەژمار بکرێت و ئەوانەی کە تەمەنیان لە خوار ١٦ ساڵ بووە ئەوانیش بگرێتەوە."

سەعید ھەرکی گوتیشی: "سەرۆکی پەرلەمانیش لە کۆبوونەوەکە بەشدار بوو ئەو ماددانەی ڕەھەندی دارایییان ھەیە جارێ بە ھەڵواسراوی دەمینێنەوە و ئەوانەی دیکە حکومەت جێبەجێیان بکات، ئەمەش پێویستی بە ھاوکاریی ھەموو لایەنەکان ھەیە و سەرۆکی پەرلەمان بەڵێنی دا کە لەگەڵ سەرۆک بارزانی و لایەنەکانی دیکەش قسە بکات، کە ئەوەی ھاوکاریی پڕۆژەکە بکەن بۆ ئەوەی تێپەڕ بکرێت."

گوتیشی: "ئەوە پڕۆژەیەکی نوێیە و دەیانەوێت کۆمەڵەی پێشمەرگە دێرینەکان بکرێتە دەزگایەکی حکوومی، بەڵام ئەوە ڕەھەندی داراییی پێویستە، ئێمەش دەمانەوێت فشاری دارایی لەسەر حکوومەت دروست نەکەین، بەڵام ئەوان دەیانەوێت لەو دەزگایە مافەکانیان پارێزراو بێت."

ھەرکی ڕوونیشی کردەوە: "ھەوڵ دەدرێت کۆمەڵێک ئیمتیازات بۆ پێشمەرگەی دێرین بەپێی یاسا دابین بکرێت، چونکە دەستکەوتەکانی کوردستان بەرھەمی خەبات و ماندووبوونی ئەوان بووە، بۆیە پڕۆژەکە لە پەرلەمانە و داومانە بە لیژنەی یاسایی و بەھۆی ڕەھەندی داراییەوە ھەندێک دوا کەوتووە.''

بڵند ئیبراھیم


 




دوایین هەواڵەکان

نێچیرڤان بارزانى سه‌رساخى ل ڕێزدار فه‌رهاد ئه‌ترووشى كر

THURSDAY, 25 FEBRUARY 2021 20:02:13

ئه‌ڤرۆ پێنجشه‌مى 2021/2/25 ڕێزدار نێچیرڤان بارزانى، د په‌یوه‌ندییه‌كا ته‌له‌فۆنیدا دگه‌لڕێزدار د. فه‌رهاد ئه‌ترووشى، پارێزگارێ به‌رێ یێ دهۆكێ، بۆ وه‌غه‌را دویماهیێ یا بابێوان یێ خودێ ژێ ڕازى، سه‌رساخى ل وان و مالباتا وان یا ڕێزدار كر و هیڤى خواستخودایێ مه‌زن خودێ ژێ ڕازى ب ب دلۆڤانیا خۆ شاد بكه‌ت و سه‌بر و ئارامیێ بده‌ته‌ وانو مالبات و كه‌سوكارێن وان.

 

سەرۆکی حکومەت سەرەخۆشی لە فەرهاد ئەتروشی دەکات

THURSDAY, 25 FEBRUARY 2021 20:02:06

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە فەرهاد ئەمین ئەتروشی پارێزگاری پێشووی دهۆک کرد بۆ کۆچی دوایی باوکی.

 
سه‌رۆك نێچیرڤان بارزانى، سه‌ره‌خۆشى له به‌ڕێز مسته‌فا سه‌ید قادر ده‌كات

THURSDAY, 25 FEBRUARY 2021 19:02:44

ئێواره‌ى ئه‌مڕۆ پێنجشه‌ممه‌ 2021/2/25 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز مسته‌فا سه‌ید قادر جێگرى سه‌رۆكى هه‌رێمى كوردستان، بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشى له‌ به‌ڕێزیان كرد و هاوخه‌مى له‌گه‌ڵ خۆیان و خانه‌واده‌ به‌ڕێزه‌كه‌یان ده‌ربڕى.

فه‌رمانى دامه‌زراندنی 171 پزیشكى كاتیی ڤێتێرنه‌رى ده‌رچوو

THURSDAY, 25 FEBRUARY 2021 18:02:32

هه‌ولێر-KDP.info-  گوتەبێژی وەزارەتی کشتوکاڵ و سەرچاوەکانی ئاوی حكوومه‌تى ھەرێمى كوردستان گوتی، فه‌رمانى دامه‌زراندنى 171 پزیشكى كاتیى ڤیتێرنه‌رى ده‌رچوو .

 

سەرۆکی حکومەت سەرەخۆشی لە جێگری سەرۆکی هەرێمی کوردستان دەکات

THURSDAY, 25 FEBRUARY 2021 18:02:18

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە موستەفای سەید قادر جێگری سەرۆکی هەرێمی کوردستان کرد بۆ کۆچی دوایی باوکی.

 


 
© 2020 Kurdistan Democratic Party, KDP

Contact