Kurdî  ■  كوردی  ■  عربي
MON, 1 MAR 2021 03:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێگە و مافی کوردستان بەو گوتارە ناپارێزدرێ
| KDP.info


كه‌ریم قادر

بۆ نوێنەرانی کورد لە ئەنجوومەنی نوێنەرانی عێراق، پێداگری دەکەن نەوت لە دەست حوکمڕانی کورد نەبێت؟ ئایا دەرهێنانی نەوت لە دەستی کورد خزمەت بە پێگە و بەرژەوەندی هەرێمی کوردستان دەکات، وەک ئەوەی بانگەشەی بۆ دەکەن؟ یا بە زمانی کوردی خزمەت بە بەرژەوەندی خەڵکی دیکە دەکەن، کە هەرێمی کوردستان هیچ پایەکی بە پێوە مانەوەی نەمێنێ؟ ئایا پێداگری کردن لەسەر ئەو فایلە و بابەتی هاوشێوەی دی، هیچ پەیوەندییەکی بە پرۆسەی چاکسازییەوە هەیە؟ یا پەیوەندی بەوە هەیە، کە کورد میللەتێکی چاو لەدەستە و نایەوێ خۆی بێت؟

ئەم کوتینەوە و کێڵانەوە بەردەوامە بێ غەرز نییە، هەر نیشتمانپەروەرێک یا ئازادیخوازێکی هەرێمی کوردستان درکی پێدەکات، کورد گوتەنی" ئەو قەسپەی دەیخۆن ناوکەکەی لەناو دەستی ئێمەیە"

با راشکاو بین لەگەڵ یەکتری، دوای زیندە بەچاڵ کردنی پرەنسیپی سازان و سەرپێخستنی پرەنسیپی زۆرینە و کەمینە لە پرۆسەی سیاسی عێراق، روون بوویەوە، کە بوونی نوێنەرانی کورد لە بەغدا، جگە لە جوانکردنی پرۆسەی سیاسی شێوێندراوی عێراق و سوودی کەسی هیچی دیکە نییە، تەنانەت مانەوەشیان بەو شێوەیە لە زیانی هەرێمی کوردستان و بەرژەوەندی خەڵکی دیکەیە، وەک ئەوەی ئەمڕۆ لە هەندێ کەسەوە دەیبین.

ئێوە پیلانێکی نوێمان بۆ ئاشکرا ناکەن، کاتێک دەڵێن" لە سۆنگەی هەستکردن و ئاگاداربون لە هەستیاری گفتوگۆکانی ناو ناوەندی سیاسی عێراق بە گشتی و لیژنەی دارایی بە تایبەتی، بە پێویستی دەزانین دووبارە تەئکید لە رادەستکردنیی نەوت بە سۆمۆ بکەینەوە." ئەو مەیلە سیاسییەی ئێوە باسی دەکەن، کە لە ناوەندە سیاسییەکانی عێراق هەیە، سەرۆک بارزانی لە زوویێکەوە ئاشکرای کردووە، بەڵام ئەو کاتیش هەبوون لە سۆنگەی رق و خۆنەبینیندا بە دەنگی بەرز دەیانشیڕاند" هەرێمی کوردستان هیچ هەڕەشەیەکی لەسەر نییە." خۆ پێ ئاگادارن، ئەوکات مەلەفی رادەست کردنی نەوت بەرێگەی" سۆمۆ" لەئارادا نەبوو.

هەروا بێتەوە، چارەسەر کردنی ریشەیی مەلەفی نەوتی عێراق، وەک جێبەجێ کردنی ماددەی 140 و چارەسەرکردنی شاڵاوی تەعریب، لەدەست بەغدایە، نەک هەرێمی کوردستان. ئەویش لەرێگەی جێبەجێ کردنی دەستوور و تەواوکردنی بونیادنانی دامەزراوە فیدراڵییەکان و  دەرچوواندنی یاساکانی تایبەت بە داهات و بەڕێوەبردنی ئەم مەلەفە. ئەگەر ئێوە لە خەمی مافەکانی هاووڵاتیانی کوردستان دان، ئەرکی ئێوەی نوێنەران ئەوەیە، هەوڵەکانتان بەو ئاڕاستەیە چر بکەنەوە، نەک پێداگری بۆ" رادەستکردنی نەوت و نیشاندانی نیەتپاکیی سەرەتایی بۆ پابەندبون."

وەک بەرچاوڕوونیەک، رێککەوتنی ئاساییکردنەوەی شنگاڵ باشترین نموونەی ئەو نیەتپاکییەیە، کە ئێوە و خەڵکی دیکە کردووتانە دروشمی ئێستاتان. بۆ ناپرسن کێ بەرپرسە لە جێبەجێ نەکردنی یا راستتر کێ توانای جێبەجێ کردنی رێککەوتنەکانی نییە؟

بەدیوێکی دیکە، ئایا پێداگری کردن لەسەر مافە دەستوورییەکانی هەرێمی کوردستان" گوتاری شەعبەویی و برەودانە بە رق و ناکۆکی" یا خۆکردن بە مەقاشی دەستی خەڵکی دی بێ بەها کردنی خوێن و خەبات و مافی هاووڵاتیانی کوردستانە؟ تەنانەت ئێوە، کە بە حساب نوێنەری کوردن لە بەغدا، هێندە زەلیل و کالفامن، مافی وەڵامدانەوەش بە حکوومەتی هەرێمی کوردستان بە رەوا نابینن بۆ وڕێنەی پڕ لە قین و ناکۆک لەگەڵ ماددەکانی دەستوور؟ ئەو چ نا ئینسافێییە بەرامبەر پێگەو مافەکانی کوردستان، کە لە ئێوەی دەبینین و دەبیستین؟ 

 




دوایین هەواڵەکان

"پێشانگایەک بۆ کۆمپانیاکانی چین و کوردستان بەڕێوە دەچێت"

SUNDAY, 28 FEBRUARY 2021 17:02:01

هەولێر-KDP.info- بڕیارە لە سەرەتای مانگی داھاتوو پیشانگایەک بۆ کۆمپانیاکانی ھەرێمی کوردستان و وڵاتی چین بەڕێوە بچێت و سەرۆکی لقی ھەولێری یەکێتیی ھاوردە و ھەناردەکارانیش دەڵێت، چین دەیەوێت ڕۆڵی ھەبێت لە کەرتی بازرگانیی ھەرێمی کوردستان.

 

سبەی پەرلەمانتارێکی پارتی سوێندی یاسایی دەخوات

SUNDAY, 28 FEBRUARY 2021 16:02:34

ھەولێر -KDP.info- سکرتێری پەرلەمانی کوردستان گوتی، بڕیارە سبەی پەرلەمانی کوردستان کۆ بێتەوە و وەرزێکی نوێی یاسادانان دەست پێ بکات و بەرنامەی کاری کۆبوونەوەی سبەی لە پێنج خاڵ پێک ھاتووە، یەکێک لەوانە کاندیدێکی نوێی پارتی دیموکراتی کوردستان لە شوێنی ئومێد خۆشناو سوێندی یاسایی دەخوات.

 

حسێن قائیدی: یاسای ڕزگاربووانی دەستی داعش یاسایەکی مرۆڤییە

SUNDAY, 28 FEBRUARY 2021 15:02:23

دهۆک-KDP.info-  بەرپرسی نووسینگەی ڕفێنراوانی کوردی ئێزدی لە پاریزگای دهۆک ڕایگەیاند، بریارە ڕۆژی دووشەممە دەنگ بە یاسای ڕزگاربووانی دەستی داعش بدرێت.

 

لیوا حەمە ڕێگر: داعش دزەی کردووەتە نێو ھەندێ ناوچەی کەرکووک

SUNDAY, 28 FEBRUARY 2021 15:02:45

کەرکوو-KDP.info- چەکدارانی داعش دزەیان کردووەتە نێو ھەندێ گوندی نزیک ڕێگەی سەرەکیی کەرکووک- ھەولێر و فەرماندەیەکی پێشمەرگەش دەڵێت، دزەکردنی چەکدارانی داعش بۆ ناوچەکە بۆ پەیداکردنی نان و پێداویستی بووە.

 

سێ حزبی كوردستانی: لە كەركووك ئاستی گەندەڵی و بەهەدەردان مەترسیدارە

SUNDAY, 28 FEBRUARY 2021 13:02:07

كەركووك-KDP.info- لە كەركووك دەسەڵاتێكی سەپێندراو لە 16ـی ئۆكتۆبەری 2017ـوە دەستی بەسەر شارەكەدا گرتووە و گەندەڵی گەیشتووەتە دۆخێكی مەترسیدار، بەرپرسانی حزبە كوردستانییەكانیش دەڵێن، لە كەركووك خزمەتگوزارییەكان سفر بوونەتەوە و شەقام و باڵاخانەكانی دەوڵەت بە تەواوەتی تێك چوون.



 
© 2020 Kurdistan Democratic Party, KDP

Contact