Kurdî  ■  كوردی  ■  عربي
MON, 1 MAR 2021 03:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھاوپەیمانان دوو لیوای دیكەی پێشمەرگە پڕچەك ده‌كه‌ن
| KDP.info


هەولێر-KDP.info- بڕیارە لە چوارچێوەی ھاوكاری و ھەماھەنگیی ھاوپەیمانان بۆ وەزارەتی پێشمەرگە، دوو لیوای دیكە پڕچەك بكرێن، بەرپرسێكی وەزارەتی پێشمەرگەش دەڵێ، ھەموو پێداویستییەكی دوو لیوای نوێ، لەسەر ئەركی ھاوپەیمانان دابین دەكرێت.

لیوا بابەكر فەقێ ئەحمەد، بەڕێوەبەری گشتیی راگەیاندن و هۆشیاریی نیشتمانیی وەزارەتی پێشمەرگە، بە ماڵپەڕی فەرمیی پارتی دیموكراتی كوردستانی راگەیاند: "لە سەرەتای شەڕی داعشەوە، ھێزەكانی ھاوپەیمان دوو لیوای پێشمەرگەیان پڕچەك كرد و ئەمەش كاریگەری ھەبوو لەسەر ھێزی پێشمەرگە بۆ بەرەنگاربوونەوەی شەڕی تیرۆریستانی داعش، ساڵی رابردووش ھاوپەیمانانی نێودەوڵەتی ھەردوو لیوای ١٤و ١٦یان پڕچەك كرد و ھەموو پێداویستییەكی سەربازییان لە چەك و تەقەمەنی و ئۆتۆمبێلی گوللەنەبڕ بۆ دابین كردن و هەروەها مەشق و راھێنانیشیان بەو دوو لیوایە كرد".

بەرپرسەكەی وەزارەتی پێشمەرگە گوتیشی: "بڕیارە دوو لیوای دیكەی پێشمەرگە دابمەزرێن، ئەوانیش لیوای ١٣و ١٥ن و ھەردوو لیواكەش لەلایەن ھاوپەیمانانەوە پێداویستیی سەربازییان بۆ دابین دەكرێت".

لیوا بابەكر، هەروەها روونی كردەوە: "ھاوپەیمانان بەڵێنی ئەوەیان پێ داوین ھاوكاریی زیاتری وەزارەتی پێشمەرگە بكەن، بە تایبەتی لە یەكخستنی ھێزەكانی پێشمەرگە و مەشق و راھێنان، ھاوپەیمانانیش بەردەوام لەگەڵ وەزارەتی پێشمەرگە بوونە، كە ئەمەیش ھەنگاوی زۆر گرینگن بۆ ئەوەی ھێزی پێشمەرگە لەسەر دەستی ھاوپەیمانان بە چەك و پێداویستیی پێشكەوتووی سەربازی، دابمەزرێن".

 

قائید میرۆ

 




دوایین هەواڵەکان

"پێشانگایەک بۆ کۆمپانیاکانی چین و کوردستان بەڕێوە دەچێت"

SUNDAY, 28 FEBRUARY 2021 17:02:01

هەولێر-KDP.info- بڕیارە لە سەرەتای مانگی داھاتوو پیشانگایەک بۆ کۆمپانیاکانی ھەرێمی کوردستان و وڵاتی چین بەڕێوە بچێت و سەرۆکی لقی ھەولێری یەکێتیی ھاوردە و ھەناردەکارانیش دەڵێت، چین دەیەوێت ڕۆڵی ھەبێت لە کەرتی بازرگانیی ھەرێمی کوردستان.

 

سبەی پەرلەمانتارێکی پارتی سوێندی یاسایی دەخوات

SUNDAY, 28 FEBRUARY 2021 16:02:34

ھەولێر -KDP.info- سکرتێری پەرلەمانی کوردستان گوتی، بڕیارە سبەی پەرلەمانی کوردستان کۆ بێتەوە و وەرزێکی نوێی یاسادانان دەست پێ بکات و بەرنامەی کاری کۆبوونەوەی سبەی لە پێنج خاڵ پێک ھاتووە، یەکێک لەوانە کاندیدێکی نوێی پارتی دیموکراتی کوردستان لە شوێنی ئومێد خۆشناو سوێندی یاسایی دەخوات.

 

حسێن قائیدی: یاسای ڕزگاربووانی دەستی داعش یاسایەکی مرۆڤییە

SUNDAY, 28 FEBRUARY 2021 15:02:23

دهۆک-KDP.info-  بەرپرسی نووسینگەی ڕفێنراوانی کوردی ئێزدی لە پاریزگای دهۆک ڕایگەیاند، بریارە ڕۆژی دووشەممە دەنگ بە یاسای ڕزگاربووانی دەستی داعش بدرێت.

 

لیوا حەمە ڕێگر: داعش دزەی کردووەتە نێو ھەندێ ناوچەی کەرکووک

SUNDAY, 28 FEBRUARY 2021 15:02:45

کەرکوو-KDP.info- چەکدارانی داعش دزەیان کردووەتە نێو ھەندێ گوندی نزیک ڕێگەی سەرەکیی کەرکووک- ھەولێر و فەرماندەیەکی پێشمەرگەش دەڵێت، دزەکردنی چەکدارانی داعش بۆ ناوچەکە بۆ پەیداکردنی نان و پێداویستی بووە.

 

سێ حزبی كوردستانی: لە كەركووك ئاستی گەندەڵی و بەهەدەردان مەترسیدارە

SUNDAY, 28 FEBRUARY 2021 13:02:07

كەركووك-KDP.info- لە كەركووك دەسەڵاتێكی سەپێندراو لە 16ـی ئۆكتۆبەری 2017ـوە دەستی بەسەر شارەكەدا گرتووە و گەندەڵی گەیشتووەتە دۆخێكی مەترسیدار، بەرپرسانی حزبە كوردستانییەكانیش دەڵێن، لە كەركووك خزمەتگوزارییەكان سفر بوونەتەوە و شەقام و باڵاخانەكانی دەوڵەت بە تەواوەتی تێك چوون.



 
© 2020 Kurdistan Democratic Party, KDP

Contact