Kurdî  ■  كوردی  ■  عربي
MON, 18 JAN 2021 23:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی شارەوانی: بە هۆی چاكسازی لە سێكتەرێكدا، زیاتر لە ١٠ملیار بۆ حكوومەت گەڕاوەتەوە
| KDP.info


ھەولێر-KDP.info- گوتەبێژی وەزارەتی شارەوانی و گەشتوگوزاری ھەرێمی كوردستان گوتی، پرۆسەی چاكسازی لە وەزارەتی شارەوانی بەردەوامە و ھەر جارەو لە سێكتەرێكدا چاكسازی دەكرێت و ئەنجامەكەشی رادەگەیەندرێت. دەشڵێ، لە شارەوانیی ھەولێر، تەنیا لە نوێكردنەوەی گرێبەستی خاوێنكردنەوە، زیاتر لە ١٠ملیار دینار بۆ حكوومەت گەڕاوەتەوە.

كوردۆ شابان، بۆ ماڵپەڕی فەرمیی پارتی دیموكراتی كوردستان رایگەیاند: "وەزارەتی شارەوانی و گەشتوگوزار بەردەوامە لە چاكسازییەكان و پرۆسەی چاكسازییش درێژخایەنە و لە ھەر سێكتەرێكدا ئێمە چاكسازی بكەین، ئەنجامەكەی بۆ رای گشتی رادەگەیەنین، لە نوێترین چاكسازیشدا، چەندین مەرجی تازەمان بۆ نوێكردنەوەی گرێبەستی ئەو كۆمپانیایانە داناوە كە كاری خاوێنكردنەوە دەكەن و گرێبەستی ھەولێر بە كۆتا ھات و ئێمەش بۆمان نوێ كردنەوە، بەمەش توانرا زیاتر لە ١٠ملیار دینار بۆ حكوومەت بگەڕێتەوە، ھەر كاتێك گرێبەستی سلێمانی و دھۆكیش تەواو بێت، بۆ ئەوانیش بەپێی مەرجە تازەكان نوێی دەكەینەوە".

گوتەبێژی وەزارەتی شارەوانی و گەشتوگوزاری حكوومەتی ھەرێمی كوردستان ڕوونیشی كردەوە،  لە گرێبەستە نوێكاندا چەند زۆنێكی خاوێنكردنەوە زیاد كراون و ئاستی كوالێتی پرۆسەكەش بە زیادكردن و بەرزكردنەوەی ژمارە و مۆدێلی ئۆتۆمبێل و ئامێرەكان بەرز كراوەتەوە، كە بە ھۆی ئەو چاكسازییەوە، ساڵانە پارەیەكی زۆر بۆ حكوومەت دەگەڕێتەوە.

شابان ئاماژەشی دا، گرێبەستی خاوێنكردنەوە لە ماوەی ڕابردوودا بۆ یەك ساڵ بریتی بوو لە (٢٩،٥٨٢،٧٥٣،٤٠٠ دینار) و ئەوەی نوێ پارەكەی زۆر كەم بووەتەوە و ئێستا بۆ ماوەی یەك ساڵ بووەتە (١٩،٥٢٥،٦٧٧،٣٢٤ دینار).

دەشڵێ، لەگەڵ زیادكردنی چەندین زۆنی نوێی خاوێنكردنەوە و بەرزكردنەوەی كوالێتی پرۆسە و زیادكردنی ئامێر و ئۆتۆمبێلیش كە لە گرێبەستی كۆن نەبوونە و لە نوێكەدا ھەن، واتە جیاوازی نێوان ھەردوو گوژمەی كۆن و نوێ بۆ یەك ساڵ، زیاتر لە (١٠) ملیار دینارە و بۆ حكوومەت گەڕاوەتەوە.

ناوبراو باسی لەوەش كرد، گوژمەی كۆن و نوێ، لە سنووری بەڕێوەبەرایەتیی گشتیی شارەوانییەكانی ھەولێر، تەنیا بۆ ماوەی یەك ساڵ، بڕی نزیكەی (دوو ملیار دینار) كەم كراوەتەوە، واتە گرێبەستە نوێكان بە پارەیەكی كەمتر لە پرۆسەیەكی شەفاف لەگەڵ كۆمپانیاكانی ناوخۆ كراون و چەندین زۆنی نوێش لە سنوورەكە زیاد كراون، بە ھۆی ئەو چاكسازییەوە پارەیەكی زۆر بۆ خەزێنەی حكوومەت دەگەڕێتەوە و پرۆسەی خاوێنكردنەوەش ئەكتیڤتر و فراوانتر دەكرێت.

 

بڵند ئیبراھیم

 




دوایین هەواڵەکان

ڕوونکردنەوەیەک لە وەزارەتی سامانە سروشتییەکانەوە

MONDAY, 18 JANUARY 2021 23:01:22

هه‌ولێر-KDP.info- وەزیری نەوتی عێراق بەڕێز ئیحسان عەبدولجەبار لە چاوپێکەوتنێکدا ئاماژەی بە چەند بابەتێکی پەیوەندیدار بە نەوتی هەرێمی کوردستان کردبوو، لێرەدا بە پێویستی دەزانین چەند ڕوونکردنەوە و ڕاستکردنەوەیەک سەبارەت بەو بابەتانە بدەین کە لە چاوپێکەوتنەکەدا باسکراون:

شاندێکی مەکتەبی پەیوەندییەکانی دەرەوەی پارتی سەردانی هەردوو کونسووڵخانەی ئەرمەنیا و ژاپۆنی کرد

MONDAY, 18 JANUARY 2021 19:01:43

ھەولێر-KDP. info- هۆشیار سیوەیلی، بەرپرسی پەیوەندییەکانی دەرەوەی پارتی و شاندی یاوەری سەردانی کونسووڵخانەی گشتیی کۆماری ئەرمەنیایان لە هەرێمی کوردستان کرد و لە لایەن ئەرشاک مانۆکیانەوە پێشوازی کران.

 
KDP.info زانیاری له‌سه‌ر جووڵه‌یه‌كی بازرگانیی ئه‌مه‌ریكا له‌ كوردستان بڵاو ده‌كاته‌وه‌

MONDAY, 18 JANUARY 2021 17:01:19

هەولێر-KDP.info- ئه‌مه‌ریكا هانی هه‌رێمی كوردستان ده‌دات له‌ بواری گازی سرووشتیدا وه‌به‌رهێنان بكات، كونسوڵخانەی ئه‌مه‌ریكا له‌ كوردستان پێی وایه‌ ئه‌مه‌ هه‌نگاوێكی گرنگ ده‌بێت بۆ داهاتووی ناوچه‌ و كوردستانیش سوودمه‌ندی یه‌كه‌م ده‌بێت.

 

"لە ھەولێر 56% و لە دهۆكیش 63%ی هاووڵاتیان ناوی خۆیان بۆ بەشداریكردن لە هەڵبژاردندا تۆمار كردووە"

MONDAY, 18 JANUARY 2021 13:01:11

ھەولێر-KDP.info- بەرپرسی ئۆفیسی ھەولێری كۆمسیۆنی باڵای سەربەخۆی ھەڵبژاردنەكانی عێراق گوتی: "جگە لە كەمیی كارمەند، ھیچ گرفتێكمان بۆ ئەنجامدانی ھەڵبژاردنەكان نییە و تا ئێستاش 56%ی خەڵكی ھەولێر ناوی خۆیان تۆمار كردووە". بەرپرسی ئۆفیسی دهۆكیش دەڵێ، لە پارێزگای دهۆك رێژەی 63%ی خەڵكی ناوی خۆیان بۆ نوێكردنەوەی بایۆمەتری تۆمار كردووە و رۆژانەش بەردەوامە.

مەكتەبی سیاسی پارتی سه‌ره‌خۆشى له‌ خانەوادەی خوالێخۆشبوو (محەمەد مستەفا محەمەد) ده‌كات

MONDAY, 18 JANUARY 2021 13:01:57

بەڕێزان خانەوادەی خوالێخۆشبوو (محەمەد مستەفا محەمەد)



 
© 2020 Kurdistan Democratic Party, KDP

Contact