Kurdî  ■  كوردی  ■  عربي
WED, 28 JUL 2021 15:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"جگە لە پۆلی ١٢، تەواوی قۆناغەکانی دیکە مانگی سێ دەست بە خوێندن دەکەنەوە"
| KDP.info


هەولێر-KDP.info- ئەمڕۆ لیژنەی بەرەنگاربوونەوەی کۆرۆنا لە وەزارەتی ناوخۆ کۆ بووەوە و دوای کۆبوونەوەکەش لە کۆنگرەیەکی ڕۆژنامەوانیدا گوتەبێژی حکوومەتی ھەرێمی کوردستان ئاشکرای کرد، حەفتەی داھاتوو خوێندن تەنیا بۆ قۆناغی ١٢ی ئامادەیی دەکرێتەوە و قۆناغەکانی دیکەش دوا خراوە بۆ سەرەتای مانگی ئادار.

د. جووتیار عادل، گوتەبێژی حکوومەتی ھەرێمی کوردستان لە پرێنس کۆنفڕانسێکی ڕۆژنامەوانیدا ڕایگەیاند: "لە کۆبوونەوەی ئەمڕۆی لیژنەی باڵای بەرەنگاربوونەوەی ڤایرۆسی کۆرۆنا دوای خستنە ڕووی ڕاپۆرتی ھەڵسەنگاندنی ڕەوشی تەندروستی بڕیار درا سەرەتای حەفتەی داھاتوو پۆلی ١٢ی ئامادەیی دەست بە دەوامی فەرمیی خۆیان بکەنەوە و بۆ قۆناغەکانی دیکەش لە ١ی مانگی ئادار دەست بە دەوامی قوتابخانەکان دەکرێت، لە سەرەتای مانگی شوباتیش دووبارە لیژنەی باڵای بەرەنگاربوونەوەی کۆرۆنا کۆ دەبێتەوە."

گوتەبێژی حکوومەتی ھەرێمی کوردستان دەشڵێت: "ئەولەویەتی حکوومەتی ھەرێم دابەشکردنی مووچەی فەرمانبەرانە لە کاتی خۆیدا و نامانەوێ دابەشکردنی مووچە ببێتە ھەواڵی بەپەلەی میدیاکان، بەڵام حکوومەت جگە لە مووچە، خەرجی دیکەیشی ھەیە."

د. جووتیار عادل ڕوونی کردەوە: "حکوومەت خەریکی پێداچوونەوەیە بە خەرجی و داھاتەکان تا ھەموو داھاتەکان بگەڕێنەوە بۆ وەزارەتی دارایی و پڕۆژەیاسای بودجەی ھەرێمی کوردستانیش ئامادەکاری بۆ دەکرێت، بە شێوەیەک یەکسانیی تێدا ھەبێت و لیژنەیەک ڕاسپێردراوە بۆ ئامادەکردنی پڕۆژەیاسای بودجە."

قائید میرۆ


 




دوایین هەواڵەکان

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 
وەزارەت: لە پلانماندایە تا كۆتایی ئەمساڵ 40%ی هاووڵاتیان بكوترێن

WEDNESDAY, 28 JULY 2021 13:07:09

هەولێر-KDP.info- راوێژكاری وەزیری تەندروستیی حكوومەتی هەرێمی كوردستان رایدەگەیەنێت، لە پلانیاندایە تا كۆتایی ئەمساڵ 40 لەسەدی هاووڵاتیانی كوردستان بە ڤاكسینی كۆرۆنا بكوترێن، لەگەڵ شاندی هەرێمی كوردستانیش لە نێو شاندی حكوومەتی عێراق، بۆ كڕینی ڤاكسین لە ئەمەریكا لەسەر هێڵن.

 


 
© 2021 Kurdistan Democratic Party, KDP

Contact