Kurdî  ■  كوردی  ■  عربي
FRI, 11 JUL 2025 01:34 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

میسال ئالووسی: وڵاتان دەستیان خستووەتە نێو ھەناوی عێراقەوە
| KDP.info


بەغدا-KDP.info- ئەو هێزە میلیشیاییانەی بەدەر لە یاسان، بوونەتە هەڕەشە لەسەر خاکی عێراق و بەردەوام هەڕەشە لە بارەگا و ناوەندە دیپلۆماسییەکان دەکەن. سیاسەتمەدارێکی عێراقی لەوبارەیەوە هۆشداری دەدات و دەڵێت، عێراق بووەتە قەڵغان بۆ وڵاتانی ناوچەکە و گۆڕەپانی تەسفیەحیساباتی ناوچەکەیە، ئەمەش دەبێتە هەڕەشە لەسەر ئایندەی عێراق.

میلیشیاکان و هەندێک گرووپ جگە لە ناوەندە دیپلۆماسییەکان و کۆنسووڵخانەکان، هێڕشیان کردە سەر بارەگای لقی پارتییش و سەرۆک بارزانی ئەو هێزانەی بە ''بەدەر لە یاسا'' وەسف کرد.

ساڵی ٢٠٢٠ لە عێراق ساڵێکی پڕاوپڕ بوو لە کێشەی سیاسی و میلیشیا و هێزە بەدەر لە یاساکان بوونەتە هۆکاری تێکدانی ڕەوشی سیاسی و ئابووریی عێراق. لەو بارەیەوە، میسال ئالووسی، بە ماڵپەڕی فەرمیی پارتی دیموکراتی کوردستانی گوت: ''ڕەوشی عێراق بەهۆی میلیشیاکانەوە تێك چووە و وڵاتانیش دەستیان خستووەتە نێو هەناوی سیاسیی عێراقەوە، بۆیەشە ئێمە وەک قەڵغانی سیاسی بەکار دەهێنرێین."

دیپلۆماتکارانی ئیدارەی ئەمەریکا ڕایگەیاندبوو، ئەوان یەک ''بژاردە''یان هەیە، ئەویش کەمکردنەوەی نفووزی میلیشاکانە، بۆیەشە ئەوان لە عێراق هەموو کارێک دەکەن تا ئامانجەکانیان بپێكن.

ئالووسی لەسەر ئەو باوەڕەیە کە پێویستە ساڵی ٢٠٢١ ساڵی تەسفیەی میلیشاکان لە عێراق بێت و ناکرێت ئەمانە ببنە هۆکاری وێرانیی وڵاتێکی وەک عێراق، چونکە تا دێت میلیشیا و گرووپەکان ڕوو لە زیادبوونن و چالاکییان بەرفرەوانتر دەکەن.

ئەمەریکا هەڕەشەکانی میلیشیاکان تەنیا بۆ سەر خۆی نابینێت، بگرە لەسەر حکوومەتی عێراقیش بە مەترسییان دەزانێت و، هەرچەند ژمارەی سەربازەکانی لە عێراق کەم دەکاتەوە، بەڵام تا ئێستا هەر ماونەتەوە.

سەرچاوە دیپلۆماسییە بیانییەکانیش دەڵێن، ساڵی ٢٠٢١ دەبێتە ساڵێکی موفاجئە بۆ میلیشیاکان و تەسفیە دەکرێن و ئەمەریکاش هۆشداریی پێیان داوە.

كــاروان بــاعەدری

 




دوایین هەواڵەکان

سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 
بزانه‌ کابینەی نۆیه‌م لە سنووری هەر چوار پارێزگادا چی له‌ بواری ڕێگەوباندا كردووه‌

THURSDAY, 10 JULY 2025 13:07:19

ھەولێر-KDP.info- لە ماوەی کارکردنی کابینەی نۆیەمی حکوومەتی هەرێمی کوردستان، بە سەرۆکایەتی مەسروور بارزانی تەنیا لە کەرتی ڕێگه‌وباندا لە سنووری هەر چوار پارێزگاکە و هەر چوار ئیدارە سەربەخۆکەی هەرێم، بە درێژایی 2681 کیلۆمەتر ڕێگه‌ دروستکراوە، لە پێناو بەهێزکردنی ژێرخانی ڕێگەوبان و ئاسانی هاتوچۆی هاووڵاتیان و بەستنەوەی ناوچەکان بە یەکتری.

 


 
© 2023 Kurdistan Democratic Party, KDP

Contact