Kurdî  ■  كوردی  ■  عربي
TUE, 15 JUL 2025 23:14 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

نێچیرڤان بارزانى سوپاسى پشتگیریى فه‌ره‌نسا ده‌كات
| KDP.info


ھەولێر-KDP.info-  سه‌رۆك نێچیرڤان بارزانى سوپاس و پێزانینى هه‌رێمى كوردستانى بۆ پشتگیریى سیاسى و سه‌ربازى و مرۆییى فه‌ره‌نساى بۆ هه‌رێمى كوردستان دووپات كرده‌وه‌ و ده‌ستخۆشى له‌ ده‌ستپێشخه‌رى و پڕۆژه‌ى بنیاتنانى نه‌خۆشخانه‌یه‌ك له‌ شه‌نگال كرد كه‌ له‌ ڕێگه‌ى ڕێكخراوێكى ناحكوومیى فه‌ره‌نسییه‌وه‌ جێبه‌جێ ده‌كرێت و ڕایگه‌یاند سه‌رۆكایه‌تیى هه‌رێمى كوردستانیش له‌گه‌ڵ فه‌ره‌نسا و هاوبه‌شانى دیكه‌، به‌شدارى له‌ بنیاتنانى نه‌خۆشخانه‌كه‌دا ده‌كات.

ئێواره‌ى ئه‌مڕۆ سێشه‌ممه‌ 24/11/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێزان برونۆ ئۆبێر، باڵیۆزى فه‌ره‌نسا له‌ عێراق و ئێریك شۆفالیێ، سه‌رۆكى سه‌نته‌رى پشتگیریى قه‌یرانه‌كان له‌ وه‌زاره‌تى ده‌روه‌ى فه‌ره‌نسا و شاندێكى یاوه‌ریان كرد.

سه‌رۆك نێچیرڤان بارزانى دووپاتى كرده‌وه‌ كه‌ عێراق و هه‌رێمى كوردستان پێویستییان به‌ ڕۆڵ و پشتگیریى فه‌ره‌نسا و كۆمه‌ڵگه‌ى نێوده‌وڵه‌تى و به‌رده‌وامیى ئه‌ركى هاوپه‌یمانیى نێوده‌وڵه‌تییه‌ بۆ به‌ره‌نگاربوونه‌وه‌ى تیرۆر و چاره‌سه‌ركردنى كێشه‌كانى، به‌تایبه‌تى له‌گه‌ڵ هه‌رێمى كوردستان. شاندى میوانیش دووپاتى پشتگیریى وڵاته‌كه‌یان بۆ عێراق و هه‌رێمى كوردستان له‌ به‌ره‌نگاربوونه‌وه‌ى تیرۆر و چاره‌سه‌ركردنى كێشه‌كان و به‌رده‌وامیى هاوكارییه‌ مرۆیییه‌كانى كرده‌وه‌.

ده‌رباره‌ى دۆخى ئاواره‌كانى عێراق له‌ كه‌مپه‌كانى هه‌رێمى كوردستان و گه‌ڕانه‌وه‌یان‌، سه‌رۆك نێچیرڤان بارزانى جه‌ختى له‌ خواستى هه‌رێمى كوردستان بۆ گه‌ڕانه‌وه‌ى خۆویستانه‌یان بۆ شوێنه‌كانیان و پێویستیى دابینكردنى ئاسایش و ئارامى و خزمه‌تگوزارییه‌ سه‌ره‌تایییه‌كان كرده‌وه‌ تا زه‌مینه‌یه‌كى له‌باره‌ى گه‌ڕانه‌وه‌ى ئاره‌زوومه‌ندانه‌یان فه‌راهه‌م ببێت و پرۆسه‌ى ئاوه‌دانكردنه‌وه‌ى شوێنه‌ زیانبه‌ركه‌وتووه‌كانى شه‌ڕى تیرۆر ئاوه‌دان ده‌كرێنه‌وه‌.

له‌ كۆبوونه‌وه‌كه‌دا كه‌ به‌رێز ئۆلیڤیێ دیكۆتینى، كونسولى گشتیى فه‌ره‌نسا له‌ هه‌رێمى كوردستان ئاماده‌ى بوو، دوایین پێشهاته‌ سیاسى و ئه‌منییه‌كانى عێراق و به‌ره‌نگاربوونه‌وه‌ى هه‌ڕه‌شه‌ى تیرۆرستانى داعش، ڕێككه‌وتنى هه‌ولێر ـ به‌غدا بۆ ئاساییكردنه‌وه‌ى دۆخى شه‌نگال، هه‌ڵبژاردنه‌كانى داهاتووى عێراق، په‌یوه‌ندییه‌كانى عێراق و هه‌رێمى كوردستان له‌گه‌ڵ وڵاتانى دراوسێ و چه‌ند پرسێكى دیكه‌ى جێى بایه‌خى هاوبه‌ش تاوتوێ كران.

 




دوایین هەواڵەکان

نێچیرڤان بارزانی سەرەخۆشی لە خانەوادەی مامۆستا زەڵمی دەکات

TUESDAY, 15 JULY 2025 20:07:44

ھەولێر-KDP.info- سەرۆکی ھەرێمی کوردستان بەبۆنەی کۆچی دوایی مەعسوومە عەبدولقادر، ھاوژینی د. مستەفا زەڵمی، سەرەخۆشیی ئاراستەی بنەماڵەکانیان دەکات.

سەرۆک فراکسیۆنەکان: کورد بە یەکگرتوویی دەتوانێ بە ھەموو مافەکانی بگات

TUESDAY, 15 JULY 2025 19:07:00

بەغدا -KDP.info- سەرۆکی فراکسیۆنی پارتی دیموکراتی کوردستان و یەکێتی نیشتمانی کوردستان جەخت دەکەنەوە، یەکھەڵوێستی کورد دەبێتە ھۆی بەهێزبوونی کورد بەرامبەر بەغدا، دەشتوانێ مافەکانی بەپێی یاسا و دەستوور بەدەستبێنێت و پارێزگاریش لە دەستکەوتەکان بکات.

سەرۆکی سەنتەری لێکۆڵینەوەی سیاسی لە عێراق: پێویستە حکوومەتی عێراق لەم ھێرشەی سەر کەرتی وزە بکۆڵێتەوە

TUESDAY, 15 JULY 2025 15:07:39

بەغدا -KDP.info- سەرۆکی سەنتەری لێکۆڵینەوەی سیاسی لە عێراق دەڵێت: "ئەو ھێرشانەی دەکرێنە سەر کەرتی وزە لە ھەرێمی کوردستان، بەھۆی ئەوەیە ھەرێمی کوردستان لەو بوارە زۆر پێشکەوتووە و چاویان بەو پێشکەوتنانە ھەڵنایەت".

 
ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

TUESDAY, 15 JULY 2025 13:07:16

ھەولێر-KDP.info- سه‌رۆکایه‌تیی هه‌رێمی کوردستان، به‌ توندى سه‌ركۆنه‌ى ئه‌و هێرشانە دەكات كە به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان. 

 
پشتیوان سادق باسی لە دواین پێشهات و گۆڕانکارییەکانی ناوخۆ و ناوچەكە کرد

TUESDAY, 15 JULY 2025 13:07:08

ھەولێر-KDP.info- ئەمڕۆ سێشەممە ١٥ی تەمموزی ٢٠٢٥، پشتیوان سادق، ئەندامی مەکتەبی سیاسیی و بەرپرسی مەکتەبی ڕێکخستنی پارێزگای هەولێری پارتی دیموكراتی كوردستان، لە بارەگای مەکتەبی ڕێکخستنی هەولێر، لەگەڵ ژمارەیەک هەڤاڵ و کادیرانی لقەکانی سنووری پارێزگای هەولێر كۆبووه‌وه‌.

 


 
© 2023 Kurdistan Democratic Party, KDP

Contact