Kurdî  ■  كوردی  ■  عربي
SAT, 19 JUL 2025 01:53 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەربەست ئاكرەیی: ژمارەیەك گوندی كانی ماسێ بە ھۆی پەكەكەوە چۆڵ كراون
| KDP.info


دهۆك-KDP.info- لە سەرانسەری ھەرێمی كوردستاندا زیاتر لە ٤٠٠ گوند بە ھۆی ئاڵۆزیی و كێشەی نێوان پەكەكە و توركیاوە ئاوەدان نەكراونەتەوە، بەڕێوەبەری ناحیەی كانی ماسێش دەڵێ، خەڵكی بەشێك لە گوندەكانی سنوورەكە، ئاوارە و دەربەدەرن.

سەربەست ئاكرەیی، بەڕێوەبەری ناحیەی كانی ماسێ، بە ماڵپەڕی فەرمیی پارتی دیموكراتی كوردستانی راگەیاند، سنووری ناحیەی كانی ماسێ ٧٦ گوند لەخۆ دەگرێت، تا ئێستا شەش گوندی سنووری ناحیەی كانی ماسێ بە ھۆی ھەبوونی چەكدارانی پەكەكەوە ئاوەدان نەكراونەتەوە و چواردە گوندی دیكەش ھەر چۆڵن، بەڵام لە ھاوینان خەڵكەكەی بۆ چنینی بەرھەمی ساڵ سەردانی گوندەكانیان دەكەن.

بەڕێوەبەری ناحیەی كانی ماسێ گوتیشی: "بە ھۆی شەڕ و ئاڵۆزیی نێوان چەكدارانی پەكەكە و سوپای توركیا، خەڵكی گوندەكانی كانی ماسێ بەردەوام دەبنە قوربانیی ململانێی نێوان ھەردوو لایەنی شەڕكەر و ناتوانن سوود لە گوندەكانیان ببینن، ئەوەش ساڵانە زیانێكی ئابووریی زۆر بە خەڵكی ئێمە دەگەیەنێت".

ئاكرەیی روونیشی كردەوە: "دیسان ئەمساڵ بە ھۆی شەھیدبوونی ھاووڵاتییەكی سنوورەكە، گوندێكی دیكەی دەڤەری بەرواری باڵا چۆڵ كراوە و خەڵكی گوندەكە گەڕاونەتەوە ناوچە ئارامەكانی سنووری پارێزگای دھۆك، لەبەر ئەوە ئەگەر رەوش بەو شێوەیە بێت، زیانی زیاتر بە خەڵكی ئێمە دەگەیەنێت".

 

قائید میرۆ

 




دوایین هەواڵەکان

سەرۆکی ھەرێمی کوردستان پیرۆزبایی لە یانەکانی دهۆک و زاخۆ دەکات

SATURDAY, 19 JULY 2025 00:07:00

ھەولێر-KDP.info- سەرۆکی ھەرێمی کوردستان پیرۆزبایی لە یانەکانی دھۆک و زاخۆ دەکات بەبۆنەی بەدەستھێنانی پلەی یەکەم و دووەمی جامی عێراق و دەڵێت، "ھەر ھەبن و ھەر سەرکەوتوو بن."

 
مەسروور بارزانی پیرۆزبایی لە یانەکانی تۆپی پێی دهۆک و زاخۆ دەکات

FRIDAY, 18 JULY 2025 23:07:15

ھەولێر-KDP.info- سەرۆکی حکوومەتی هەرێمی کوردستان، پیرۆزبایی لە یانەکانی تۆپی پێی دهۆک و زاخۆ کرد، بە بۆنەی بەدەستهێنانی پلەی یەکەم و دووەمی جامی عێراق.

 
گوتەبێژی حکوومەت بۆ KDP باسی جێبەجێکردنی ڕێککەوتنه‌كه‌ و ناردنی مووچە دەکات

FRIDAY, 18 JULY 2025 22:07:06

ھەولێر-KDP.info- گوتەبێژی حکوومەتی ھەرێمی کوردستان ڕایدەگەیەنێت، لە سەرەتای ئەم ھەفتەیەدا ڕێککەوتنی نێوان حکوومەتی ھەرێمی کوردستان و بەغدا دەکەوێتە بواری جێبەجێکردنەوە و بەغدا دەست بە ناردنی مووچەی مانگی پێنجی فەرمانبەران دەکات.

 
بارزانی خەونی نەتەوەیەك، کە بەرەو ڕوناکی هەنگاو دەنێت

FRIDAY, 18 JULY 2025 14:07:34

دکتۆر سامان سۆرانی 

 
هەڵگورد شێخ نەجیب بۆ KDP: دیزاینی ماستەرپلانی تازەی هاوینەهەواری بێخاڵ تەواوبووە

FRIDAY, 18 JULY 2025 11:07:42

ھەولێر-KDP.info- سەرپەرشتیاری ئیدارەی سەربەخۆی سۆران ڕایگه‌یاند، لە هاوینەهەواری بێخاڵ،‌ بنیادنانی ژێرخانێكی پته‌وی گه‌شتیاری له‌ده‌ڤه‌ره‌كه‌ ده‌ستپێده‌كات، بۆ ڕازیكردنی  كاسبكارانی بێخاڵیش حكوومه‌تی هه‌رێمی كوردستان پلانی هه‌یه‌.

 


 
© 2023 Kurdistan Democratic Party, KDP

Contact