Kurdî  ■  كوردی  ■  عربي
TUE, 18 MAY 2021 05:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەشت هەزار كەس ناویان بۆ هێزە نوێیەكەی شنگال تۆمار كردووە
| KDP.info


شنگال-KDP.info- قایمقامی شارۆچكەی شنگال رایدەگەیەنێت، دەست بە جێبەجێكردنی بڕگەی ئەمنیی رێككەوتنی شنگال لە نێوان هەولێر و بەغدادا كراوە و ئێستاش خەڵك ناویان بۆ هێزیكی نوێ لە شارەكە تۆمار دەكەن.

لە رێككەوتنی نێوان حكوومەتی عیراق و هەرێمی كوردستاندا بۆ ئاساییكردنەوەی دۆخی شنگال، یەكێك لە خاڵە گرنگەكان، دانانی هێزێكی نوێ بوو بۆ شنگال، كە لە خەڵكی خودی شارەكە بێت و ٢٥٠٠ كەس بێ، كە ١٥٠٠ كەس لە كەمپەكان و ١٠٠٠ كەسیش لە نێو شاری شنگال بێ.

قایمقامی شارۆچكەی شنگال، مەحما خەلیل، لەو بارەیەوە بە ماڵپەڕی فەرمیی پارتی دیموكراتی كوردستانی راگەیاند: "تا ئێستا هەشت هەزار كەس ناویان بۆ هێزە نوێیەكەی شنگال تۆمار كردووە، خەڵكیش پێیان وایە ئەم هێزە، هێزێكی شەرعییە، چونكە هەردوو حكوومەت پشتیوانیی لێ دەكەن".

خەلیل گوتیشی: "ئەوانەی ناویان نووسیوە، هەموویان خەڵكی شنگالن و خەڵكانێكی زۆریش ئامادەن بچنە ناو ئەم هێزەوە، چونكە خەڵك لە هێزە نایاساییەكان بێزار بووە".

ناوبراو دەشڵێ، تا ئێستا دیاری نەكراوە ئەو هێزە كەی دەست بە كارەكانیان دەكەن، بەڵام ناونووسینەكە بەردەوامە و هەردوو حكوومەتی هەرێم و عێراقیش بۆ ئاساییكردنەوەی دۆخی شنگال، لەسەر هێڵن.

 

كاروان باعەدری    




دوایین هەواڵەکان

کونسوڵخانەی ئەمریکا لە هەولێر پێشوازی لە هەڵوێستی سەرۆکی حکوومەتی هەرێمی کوردستان دەکات

MONDAY, 17 MAY 2021 22:05:19

هەولێر-KDP.info- كونسوڵخانه‌ی ئه‌مه‌ریكا له‌ هه‌ولێر، پێشوازی له‌ پشتیوانی حكومه‌تی هه‌رێمی كوردستان له‌ ئازادی رۆژنامه‌وانی و رێزگرتن له‌ كاری دیپلۆماتكاران ده‌كات.

سەربەست لەزگین: چوار ژووری هەماهەنگی بۆ ناوچە کورستانییەکان پێک دێت

MONDAY, 17 MAY 2021 18:05:12

هەولێر-KDP.info- بەپێی ڕێککەوتنی نێوان وەزارەتی پێشمەرگە و سوپای عێراق لە چەند ڕۆژی داهاتوو ژمارەیەک ناوەندی هەماهەنگیی هاوبەش لە نێوان پێشمەرگە و هێزە عێراقییەکان پێک دێت و بریکاری وەزارەتی پێشمەرگەش دەڵێت، بڕیار لەسەر چوار ژووری هەماهەنگی دراوە.

 

جۆرج نیف سەردانی پێوەندییەکانی دەرەوەی پارتیی کرد

MONDAY, 17 MAY 2021 18:05:58

ھەولێر -KDP. Info- جۆرج نیف، کەسایەتیی سیاسی و چاڵاکی بواری ئابووری و بیزنس و خاوەنی گەورەترین کۆمپانیای (SA) وەشانخانە و چاپ و بڵاوکردنەوە لە ژنێڤ و دۆستی گەڵی کورد، سەردانی پەیوەندییەکانی دەرەوەی (پ.د.ک)ی کرد.

 

یاساى هه‌ڵگرتنى چه‌ک هه‌موار ده‌کرێته‌وه‌

MONDAY, 17 MAY 2021 17:05:29

هەولێر-KDP.info- سه‌رۆکى لیژنه‌ى ناوخۆ و ئاسایش و ئه‌نجومه‌نە خۆجێییه‌کانی په‌رله‌مانى کوردستان ده‌ڵیت، یاساى هه‌ڵگرتنى چه‌ک له‌ هه‌رێمى کوردستان که‌موکورتیى زۆرى تێدایه‌ و ئێستا لیژنه‌که‌یان به ‌هه‌ماهه‌نگى له‌گه‌ڵ وه‌زاره‌تى ناوخۆى حکوومه‌تى هه‌رێم کار بۆ هه‌موارکردنه‌وه‌ى یاساکه‌ ده‌کات.

 

 

حکوومەتی ھەرێم پارە بۆ تەواوکردنی سێ قوتابخانە لە سلێمانی تەرخان دەکات

MONDAY, 17 MAY 2021 17:05:56

سلێمانی-KDP.info- بەپێی نووسراوی ژمارە ٤٥٧٣ کە ئاراستەی وەزارەتی دارایی کراوە، لەلایەن ئەنجومەنی وەزیرانەوە ڕەزامەندی دراوە بۆ ئەوەی نزیکەی ملیارێک دینار بۆ پارێزگای سلێمانی تەرخان بکرێت بە مەبەستی تەواوکردنی سێ قوتابخانە لەو پارێزگایە .

 



 
© 2021 Kurdistan Democratic Party, KDP

Contact