Kurdî  ■  كوردی  ■  عربي
SAT, 24 OCT 2020 14:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زیرەک کەمال: لایەنە عێراقییەکانیش لەدژی سووتاندنی ئاڵا ھەڵوێستیان ھەیە
| KDP.info


هەولێر-KDP.info- ھێرشکردنە سەر بارەگای پارتی لە بەغدا و سووتاندنی ئاڵای پیرۆزی کوردستان لەلایەن بەشێک لە لایەنگرانی حەشدی شەعبیەوە کاردانەوەی لێ کەوتەوە و شرۆڤەکارێکی سیاسیش پێی وایە، کورد و شیعە خەباتی ھاوبەشیان ھەیە و پەیامی حکوومەت و لایەنەکانی عێراقیش دڵخۆشکەرە.

زیرەک کەمال، شرۆڤەکاری سیاسی، بە ماڵپەڕی فەرمیی پارتی دیموکراتی کوردستانی ڕاگەیاند: "ئەوەی دوێنی لە بەغدا ڕووی دا و ھێرش کرایە سەر بارەگای پارتی و ئالای کوردستانیان سووتاند، ئێمە ناتوانین بڵیێن ئەوانە نە عەرەب و نە شیعە بوون، بەڵام ئەوانە نوێنەرایەتیی عەرەبی شیعە و سوننەش لە عێراق ناکەن، من بۆخۆم چاودێریی ڕەوشەکەم دەکرد و دوای ڕووداوەکە لایەنە پەیوەندارەکانی عێراق و لایەنە سیاسییەکان ھاتنە سەر خەت و بە شیعە و سوننەوە ڕووداوەکەیان شەرمەزار کرد، ئەگەر لە لایەک بۆ ئێمە دڵگرانییە و سووکایەتی بە پیرۆزییەکانمان دەکرێت، لە لایەکیش خۆشحاڵین لایەنە عێراقییەکان ھەڵوێستیان ھەیە."

ئەو شرۆڤەکارە سیاسییە دەڵێت: "کورد و شیعە خەباتی ھاوبەشیان ھەیە لە دژایەتیکردنی ڕژێمی بەعس و لە زۆر وێستگەی ژیاندا خەبات و ھەڵوێستی ھاوبەشیان ھەبووە، لە پەیامی سەرۆکی ھەرێمی کوردستانیش دیار بوو بەفەرمی و بە ناوی ھەرێمی کوردستانەوە داوای کرد ددان بەخۆدا بگرن."

زیرەک کەمال ئاماژەی بۆ ئەوە کرد: "بەدرێژاییی مێژوو ململانێی وەھا لە نێوان کورد و عەرەبدا نەبووە و ھەموو حزب و لایەنە سیاسییەکانی کوردستان لەگەڵ برایەتی و پێکەوەژیانن لەنێوان ھەموو پێکھاتەکان و ھیچ درۆشمێکیان نەبووە دژی ھیچ نەتەوە و پێکھاتەیەکی عێراق بێت، توندڕۆیی ھەر فۆڕم و ناو و شوناسێکی ھەبێت ھیچی پێ نییە و خزمەت بە نەتەوەی خۆیشی ناکات، ھەر ھەوڵێک لە ھەرێمی کوردستانەوە ھەبێت بە تێکدانی برایەتیی نێوان گەلانی عێراق ئەوە بێگومان لەلایەن حکوومەتی ھەرێمی کوردستانەوە ڕێگەی پێ نادرێت."

قائید میرۆ

 




دوایین هەواڵەکان

هەشت هەزار كەس ناویان بۆ هێزە نوێیەكەی شنگال تۆمار كردووە

SATURDAY, 24 OCTOBER 2020 12:10:17

شنگال-KDP.info- قایمقامی شارۆچكەی شنگال رایدەگەیەنێت، دەست بە جێبەجێكردنی بڕگەی ئەمنیی رێككەوتنی شنگال لە نێوان هەولێر و بەغدادا كراوە و ئێستاش خەڵك ناویان بۆ هێزیكی نوێ لە شارەكە تۆمار دەكەن.

 
مەسروور بارزانی، داوایەک لە هاووڵاتییان دەکات

SATURDAY, 24 OCTOBER 2020 12:10:02

هەولێر-KDP.infoـ سەرۆکی حکوومەتی هەرێمی کوردستان داوا لە هاووڵاتییان دەکات یەکتری لە کۆرۆنا بپارێزن بە بەستنی ماسک و لەدەستکردنی دەستکێش.

 
نەجاڕ: ھیچ ئامادەكاریەك نەكراوە.. ئەستەمە ھەڵبژاردنی پێشوەختە لەو ماوەیەدا بكرێت

SATURDAY, 24 OCTOBER 2020 12:10:23

بەغدا-KDP.info- ئەندامێكی ئەنجوومەنی نوێنەرانی عێراق لە فراكسیۆنی پارتی دیموكراتی كوردستان رایگەیاند، لەبەر ئەوەی رێككەوتن لەسەر یاسای ھەڵبژاردن نەكراوە و حكوومەتیش پارەی نییە بودجە بۆ كۆمسیۆن تەرخان بكات، بۆیە ناتوانێ لە ماوەی چوار مانگدا ھەڵبژاردنی پێشوەختە ئەنجام بدات و دوادەخرێت.

 
سبەی دەست بە هەڵدانەوەی گۆڕە بە کۆمەڵەکەی ژنانی ئێزدی دەکرێت

SATURDAY, 24 OCTOBER 2020 11:10:27

شنگال-KDP.infoـ ئەمڕۆ شەممە، گۆڕێکی بەکۆمەڵی ژنانی کوردی ئێزدی لە شنگال هەڵدەدرێتەوە کە پێشبینی دەکرێت رووفاتی زیاتر لە 75 ژنی کوردی ئێزدی تێدابێت. ئەوەش یەکەم گۆڕی بە کۆمەڵی ژنانی کوردی ئێزدییە کە هەڵدەدرێتەوە.

 
ئەمڕۆ ئەنجوومەنی نوێنەران لەبارەی پرسگەلێکەوە کۆدەبێتەوە

SATURDAY, 24 OCTOBER 2020 10:10:15

هەولێر-KDP.infoـ ئەنجوومەنی نوێنەرانی عێراق کۆدەبێتەوە و ئەندامێکی ئەنجوومەنەکەش دەڵێت، کۆبوونەوەکە چەند تەوەرێک لەخۆ دەگرێت، وەک پڕکردنەوەی کورتهێنانی دارایی، دەنگدان لەسەر تەواوکردنی یاسای هەڵبژاردنی عێراق، کە تا ئێستا ڕێککەوتنی تەواوی لەبارەوە نەکراوە.

 


 
© 2020 Kurdistan Democratic Party, KDP

Contact