Kurdî  ■  كوردی  ■  عربي
THU, 26 NOV 2020 07:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆژەکانی حکوومەت لە بوارەکانی کارەبا و ڕێگاوبان لە سنووری مێرگەسۆر بەردەوامن
| KDP.info


مێرگەسۆر-KDP.info- قایمقامی قەزای مێرگەسۆر ڕایگەیاند، بەپێی خواست و ئالیەتی شوێنەکان چەند پڕۆژەیەکی ئاو و ئاوەڕۆ لە قۆناغی جێبەجێکردندان.

غەفوور ئەحمەد، بە ماڵپەڕی فەرمیی پارتی دیموکراتی کوردستان ڕاگەیاند: "ئێستا چەند پڕۆژەیەکی ئاو لە ھەندێک گوند لە سنووری قەزای مێرگەسۆر لەلایەن فەرمانگەی ئاوی مێرگەسۆرەوە لە قۆناغی جێبەجێکردندان کە لەسەر  بوودجەی پەرەپێدانی پارێزگای ھەولێر بڕی گوژمەکە بۆ پرۆژەکان دابین کراوە."

غەفوور ئەحمەد ئەوەیشی ڕاگەیاند: "پڕۆژەکانی حکوومەت بەردەوامن لە سنوورەکەمان، لە بوارەکانی کارەبا و ڕێگاوبان لە ماوەی ڕابردوودا وێستگەیەک لە ناحیەی شێروان مەزن کرایەوە، کە گرفتەکانی کارەبای چارەسەر کردووە، ھەروەھا ئێستا بە گوژمەی 500ملیۆن دینار چەند ڕێگایەک قیڕتاو دەکرێن و بەشێکی دیکەش نۆژەن دەکرێنەوە لەلایەن بەڕێوەبەرایەتیی چاککردن و پاراستنی ڕێگاوبانی ھەولێرەوە."

ناوبراو دەشڵێت: "پڕۆژەیەکی ستراتیژی لە بواری ئاو کە 51 گوند لەخۆ دەگرێت لە دەڤەری بارزان بەھۆی قەیرانی دارایی کارەکانی وەستاوە، بەڵام لە داھاتوودا کاری لەسەر دەکەین کە بەزووترین کات کارەکانی ئەو پرۆژەیە بخرێتەوە کار بە شێوەیەکی تەواو گرفتی کەمئاوی لە گوندەکان چارەسەر دەکات."

 

سیروان سابیر

 




دوایین هەواڵەکان

سەرۆکی شارەوانی پاریس سەرەخۆشی لە سەرۆکی حکومەتی هەرێمی کوردستان دەکات

WEDNESDAY, 25 NOVEMBER 2020 22:11:04

هەولێر-KDP.info- سەرۆکی شارەوانی پاریس ئان هیدالگۆ لە پرسەنامەیەکدا، سەرەخۆشی لە مەسرور بارزانی  سەرۆکی حکومەتی هەرێمی کوردستان دەکات و هاوخەمی خۆی ڕادەگەیەنێت بۆ کۆچی دوایی پارێزگاری هەولێر فرسەت سۆفی.

"سبەی وەزارەتی شارەوانی و ئاژانسی جایکا گرێبەستێک ئیمزا دەکەن"

WEDNESDAY, 25 NOVEMBER 2020 19:11:43

هەولێر-KDP.info- بڕیارە سبەی وەزارەتی شارەوانی و ئاژانسی جایکای ژاپۆنی گرێبەستێک بۆ جێبەجێکردنی پڕۆژەیەک ئیمزا بکەن و گوتەبێژی وەزارەتی شارەوانیش دەڵێ، پڕۆژەکە سوودێکی زۆری بۆ ھاووڵاتییانی ھەولێر دەبێت.

 
بەیاننامەیەک لە لیژنەی داکۆکیکردن لە مافی ئافرەتان

WEDNESDAY, 25 NOVEMBER 2020 19:11:41

بەداخەوە لەم ساڵەدا وەکو ساڵەکانی دیکە، چەند کەیسێکی نوێی کوشتنی ئافرەتان چوونە ناو داتاکانمانەوە کە دووبارە دووپاتی کردەوە لامان کە کارکردنی پێکەوەیی بۆ بەرەنگاربوونەوەی دیاردەی توندوتیژی لە هەرێمی کوردستان/عیراق چەند گرنگە، پەرلەمانی کوردستان و حکوومەتی هەرێمی کوردستان لەگەڵ ڕێکخراوەکانی تایبەتمەند بە کارکردن لەسەر کەیسە جیاوازەکانی ئافرەتان و لە نێوانیشیاندا کەیسەکانی توندوتیژی بە هاوکاریی دادگاکان بتوانین ڕووبەڕووی ئەو دیاردەیە ببینەوە.

 
ئەنجومەنی وەزیران دوایین پێشهاتەکانی گفتوگۆ لەگەڵ حکومەتی فیدراڵی تاووتوێ دەکات

WEDNESDAY, 25 NOVEMBER 2020 17:11:18

ھەولێر-KDP. info-  ئەمڕۆ چوارشەممە 2020/11/25  ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی وەزیران کۆبووەوە.

 
لەبەر پەتای کۆرۆنا ھەڵبژاردنەکانی سەرکردایەتیی لاوانی جیھان بۆ ساڵێک دوا خرا

WEDNESDAY, 25 NOVEMBER 2020 16:11:03

ھەولێر-KDP. info-  لە کۆبوونەوەی ساڵانەی ڕێکخراوانی ئەندام لە لاوانی جیھانیدا کە ئەمساڵ بە شێوازی ئۆنڵاین بەڕێوە چوو، بڕیار درا بۆ ساڵێک ھەڵبژاردنی دەستەیەکی تازەی ئەنجومەنی سەرکردایەتیی یەکێتیی لاوانی دیموکراتی جیھان دوا بخرێت.

 



 
© 2020 Kurdistan Democratic Party, KDP

Contact