Kurdî  ■  كوردی  ■  عربي
THU, 22 OCT 2020 03:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەرەڤان حەمدی: چاوەڕێین بڕیار لە بەرژەوەندیی زیندانییانی سیاسی بدرێت
| KDP.info


ھەولێر-KDP.info- نزیکەی شەش مانگە حکوومەتی ھەرێمی کوردستان مینحەی مانگانەی زیندانییانی سیاسیی ڕاگرتووە و بریکاری وەزارەتی شەھیدان و ئەنفالکراوانیش دەڵێت، ئەوانەی دوو مووچەیان ھەیە یەک مووچەیان پێ دەدرێت و ئەوانەیشی تەنیا لە یەک مووچە سوودمەندن حکوومەت بڕیارێک لە بەرژەوەندیی ئەوان دەردەکات.

بەرەڤان حەمدی، بریکاری وەزارەتی شەھیدان و ئەنفالکراوان، بە ماڵپەڕی فەرمیی پارتی دیموکراتی کوردستانی ڕاگەیاند: "زیاتر لە پێنجھەزار زیندانیی سیاسی سوودمەند بوونە لە وەرگرتنی مینحەی مانگانەی زیندانیی سیاسی، بەڵام لە چوارچێوەی یاسای ژمارە ١١ی ساڵی ٢٠١١ی زیندانییانی سیاسی و یاسای چاکسازیدا ئەوانەی ١٠ ساڵیان تەواو کردووە و مینحەکانیان ڕاگیراوە، ئەوانە دوو بەشن ھەندێکیان دوو مووچەیان ھەیە و ھەندێکیان تەنیا یەک مووچەیان ھەیە، ئەوانەی لە دوو مووچە سوودمەندن سەرپشک دەکرێن کە یەکێکیان ھەڵبژێرن و دوو مووچەیی نامێنێت."

بریکاری وەزارەتی شەھیدان و ئەنفالکراوان دەڵێت: "ئەوانەی تەنیا لە یەک مووچە سوودمەندن و ١٠ ساڵیان تەواو کردووە ئێمە داواکاریی خۆمان ئاراستەی سەرۆکایەتیی ئەنجومەنی وەزیران کردووە بۆ ئەوەی بڕیارێک لە بەرژەوەندیی ئەوان بدرێت و چاوەڕێی وەڵامی سەرۆکایەتیی ئەنجومەنی وەزیرانین."

لەبارەی داواکاریی زیندانییان بۆ ئەوەی مینحەکەیان بگوازرێتەوە سەر بەغدا، حەمدی گوتی: "ئێمەیش لەگەل ئەوەداین شایستەکانی کەسوکاری شەھیدان و زیندانییان سیاسی بەپێی دەستوور لەلایەن حکوومەتی فیدڕاڵەوە خەرج بکرێت و داواکاریمان پێشکەش بە حکوومەتی فیدڕال کردووە، بەڵام حکوومەتی فیدڕال تا ئێستا ئامادەییی تێدا نەبووە."

پەیوەست بەوەی خەرجکردنی مینحەی زیندانییانی سیاسی لە ١٠ ساڵەوە درێژ بکرێتەوە بۆ ٢٥ ساڵ، بەرەڤان حەمدی ڕوونی کردەوە: "بەپێی یاسا ھەتا ١٠ ساڵ زیندانیان سوودمەند دەبن لە وەرگرتنی مینحە، بەڵام داواکارییان بۆ درێژکردنەوەی تا ٢٥ ساڵ پێویستی بە ڕاستکردنەوەی یاسای زیندانییانی سیاسی ھەیە."

 

قائید میرۆ

 




دوایین هەواڵەکان

سەرۆك بارزانی پێشوازی لە باڵیۆزی نۆروێژ لە عێراق دەكات

WEDNESDAY, 21 OCTOBER 2020 18:10:09

ھەولێر-KDP. info-  ڕۆژی چوارشەممە 21ـی تشرینی یەكەمی 2020 لە سەلاحەدین سەرۆك مەسعود بارزانی پێشوازی لە خاتوو تۆنی ئاڵێرز باڵیۆزی نۆروێژ لە عێراق كرد.

کۆماری چیک ڕۆژی نیشتمانیی وڵاتەکەی لە کوردستان ساز کرد

WEDNESDAY, 21 OCTOBER 2020 18:10:12

هەولێر-KDP.info- کۆنسووڵگەریی کۆماری چیک لە هەرێمی کوردستان بە بۆنەی ڕۆژی نیشتمانیی کۆماری چیک کە بە ڕۆژی سەربەخۆییی کۆماری چیک‌وسلۆڤاکیا و ڕاگەیاندنی سەربەخۆییی نەتەوەیی دەناسرێت لە هەولێری پایتەخت ساز کرد.

 
سەرۆك بارزانی پێشوازی لە كونسوڵی ژاپۆن لە هەولێر دەكات

WEDNESDAY, 21 OCTOBER 2020 17:10:40

ھەولێر-KDP. info-  ڕۆژی چوارشەممە 21ـی تشرینی یەكەمی 2020 لە سەلاحەدین سەرۆك مەسعود بارزانی پێشوازی لە خاتوو ناگایاما یوشیكۆ كونسوڵی ژاپۆن لە هەولێر كرد.

 
بەڕێوبەری ڕێگاوبانی ھەولێر: دوو ڕێگای ستراتیژی و دوو تونێل دروست دەکرێن

WEDNESDAY, 21 OCTOBER 2020 16:10:48

ھەولێر-KDP.info- بەڕێوەبەری ڕێگاوبانی ھەولێر گوتی، لە سنووری پارێزگای ھەولێر دەست بە دروستکردنی دوو ڕێگای ستراتیژی و دوو تونێل کراوە کە سوودی زۆری بۆ ھاتوچۆ لە سنووری ھەولێر دەبێت.

 

"ڕێککەوتنی شنگال دەکەوێتە واری جێبەجێکردنەوە"

WEDNESDAY, 21 OCTOBER 2020 15:10:33

شنگال-KDP.info- قایمقامی قەزای شنگال دەڵێت، دوای ئەوەی ڕێککەوتنی شنگال ئیمزا کرا ئێستا دەستیان کردووە بە نووسینی ناو بۆ پێکهێنانی هێزێکی پۆلیس بۆ شنگال.

 



 
© 2020 Kurdistan Democratic Party, KDP

Contact