Kurdî  ■  كوردی  ■  عربي
MON, 30 NOV 2020 16:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

" مەترسیی داگیرکردن لەسەر ٤٠ گوندی سەرگەڕان ھەیە"
| KDP.info


سەرگەڕان-KDP.info- چەند ڕۆژێکە ژمارەیەک خێزانی عەرەبی ھاوردە گەڕاونەتە گوندی پەلکانەی سەر بە ناحیەی سەرگەڕانی قەزای دوبز و بەرپرسێکی پارتییش دەڵێت، مەترسیی بەعەرەبکردن و داگیرکاری بۆ سەر ٤٠ گوندی سنووری سەرگەڕان ھەیە.

کرمانج عەبدوڵڵا، بەرپرسی لقی ٢٣ی قەرەچۆخ، بە ماڵپەڕی فەرمیی پارتی دیموکراتی کوردستانی ڕاگەیاند: "سنووری ناحیەی سەرگەڕان لە ٤٢ گوندی پێک ھاتووە و مەترسیی بەعەرەبکردن بۆ سەر ٤٠ گوندی سەرگەڕان پەیدا بووە و عەرەبە شۆڤێنییەکان بە ھاوکاری و پاڵپشتیی سەربازی و ئەمنی دەیانەوێت بگەڕێنەوە سەر زەوتی کورد و گوندە کوردنشینەکانی ئەو ناوچەیە داگیر بکەن، لە چەند ڕۆژی ڕابردوودا ژمارەیەک عەرەبی شۆڤێنی گەڕاونەتەوە گوندی پەلکانە، ئەمە لە کاتێکدایە جووتیاران و کوردانی پەلکانە و ھەموو سنووری سەرگەڕان تاپۆیان ھەیە و زەویی خۆیان لە باپیرانیان بۆ ماوەتەوە."

بەرپرسەکەی پارتی دەشڵێت: "نووسراوی ساختە لەلایەن پارێزگاری سەپێندراوی کەرکووکەوە بۆ عەرەبە شۆڤێنییەکان کراوە تا داگیرکاری بکەنە سەر زەویی کورد لە سەرگەڕان، ھەروەھا بڕیاری دادگا ھەیە کە پێویستە کێشەی زەویوزار لە چوارچێوەی ماددەی ١٤٠ی دەستووری عێراق یەکلایی بکرێتەوە، کەچی پارێزگاری بەزۆر سەپێندراوی کەرکووک و عەرەبە داگیرکەرەکان گوێ بە ھیچ بڕیارێکی یاسایی نادەن."

کرمانج عەبدوڵڵا ڕوونی کردەوە: "ئێمە سەرکردایەتیی پارتیمان و نوێنەرانمان ئاگادار کردووەتەوە لەو داگیرکارییەی سەرگەڕان و، پارتی لەسەر ئاستی باڵا لە ھەوڵدایە بۆ چارەسەرکردنی کێشەکە، تا دواھەناسەش بەرگری لە ھاووڵاتییانی خۆمان لە سنووری ناوچە کوردستانییەکان دەکەین، ئەوانیش لەسەر گوندەکانیان بەرگری دەکەن و ئامادە نین ماڵەکانیان بۆ عەرەبی شۆڤێنی بەجێ بێڵن."

قائید میرۆ

 




دوایین هەواڵەکان

پرسەنامەی مەكتەبی سیاسی پارتی بۆ كۆچی دوایی هەڤاڵی تێكۆشەر سەعدی مەولود

MONDAY, 30 NOVEMBER 2020 16:11:01

بەڕێزان/ خانەوادەی كەسایەتی نیشتیمانپەروەر و هەڤاڵی تێكۆشەر(سەعدی مەولود)

 

شنگال..هێزەکانی پەکەکە لە بارەگاکانیان کرانە دەرەوە

MONDAY, 30 NOVEMBER 2020 16:11:49

شنگال- KDP.info - دوای ڕێککەوتنی شنگال لە نێوان حکوومەتی عێراق و هەرێمی کوردستان، هێزە عێراقییەکان پەکەکە لە بارەگانیان لە ناوەندی شنگال کرانە دەرەوە.

 

کۆمەڵەی قوربانیانی چەکی کیمیاوی داوا دەکات چاکسازی لە فایلی بەرکەوتووان بکرێت

MONDAY, 30 NOVEMBER 2020 15:11:16

هەڵەبجە-KDP.info- ئەمڕۆ ڕۆژی جیهانیی بەرکەوتووانی چەکی کیمیاوییە و لە کوردستان بەهۆی ڕەفتارە دڕندەکانی ڕژێمەکانی عێراقەوە هەزاران هاووڵاتیی بەرکەوتووی چەکی کیمیاوی هەیە، کۆمەڵەی قوربانیانی هەڵەبجە داوا دەکەن ڕژێمی عێراق قەرەبووی بەرکەوتووانی هەڵەبجە بکاتەوە.

 
گوتەبێژی وەزارەتی ئاوەدانکردنەوە: شوقە لەسەر کەمدەرامەتان دابەش دەکرێت

MONDAY, 30 NOVEMBER 2020 15:11:18

ھەولێر-KDP.info-  دوای ئەوەی لە قەلادزێ یەکەکانی نیشتەجێبوون بەسەر خەڵکی کەمدەرامەتدا دابەش کران، بڕیارە لە ڕاپەڕینیش شوقە دابەش بکرێت و گوتەبێژی وەزارەتی ئاوەدانکردنەوەش دەڵێت، لە زۆربەی شارەکان یەکەی نیشتەجێبوون دروست دەکەن.

 
سه‌رۆكی په‌رله‌مانی كوردستان بانگهێشتی په‌رله‌مانتاران ده‌كات

MONDAY, 30 NOVEMBER 2020 12:11:04

هەولێر-KDP.info- د.رێواز فایق حوسێن سه‌رۆكی په‌رله‌مانی كوردستان بانگهێشتی په‌ڕله‌مانتارانی كوردستان ده‌كات بۆ كۆبوونه‌وه‌ی ڕۆژی  چوارشه‌ممه‌ى داهاتوو.



 
© 2020 Kurdistan Democratic Party, KDP

Contact