Kurdî  ■  كوردی  ■  عربي
WED, 28 JUL 2021 17:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەت رێنمایی لەبارەی دەستپێكردنی خوێندن بڵاو دەکاتەوە
| KDP.info


ھەولێر-KDP.info- بەپێی دوو راگەیەندراوی وەزارەتی پەروەردە سەبارەت بە دەستپێكردنی پرۆسەی خوێندن لە قوتابخانە حكوومی و ناحكوومی و گوندەكان، دەوامی قوتابخانەكان لە سەرجەم ئەو قوتابخانانەی حكوومی و ناحكوومین و لە گوندەكانیش، لە ١٠/١٠ی ئەماڵ دەست پێدەكات.

لە راگەیەندراوەكەدا، كە كۆپییەكی بۆ ماڵپەڕی فەرمیی پارتی دیموكراتی كوردستان نێردراوە، ئاماژە بەوە دراوە، دەوامی قوتابخانە حكوومی و ناحكوومییەكان لە ١٠/١٠ دەست پێدەكات بەپێی رێنمایی تەندروستی، كە پێویستە نێوان قوتابیان لە مەتر و نیوێك كەمتر نەبێت و دەستەی كارگێڕیی قوتابخانە و قوتابیان ماسك ببەستن و بۆ وتنەوەی وانەكان سوود لە مامۆستایانی بازنەی یەكەم و دووەم وەربگرن، هەروەها ھەفتەی یەكەم بۆ چۆنیەتیی خۆپارێزی و ھۆشیاریی تەندروستی دەبێت و گرنگی پێدەرێت و قوتابیانی قۆناغی دووەم پێویستیان بە پاڵپشتیی زیاتر ھەیە لە پەروەردە و فێربوون بە ھۆی ئەوەی ساڵی ڕابردوو لەبەر داخستنی قوتابخانەكان بەشێك لەوانەكان نەخوێندراون  و پێداویستیی پزیشكی و پاككەرەوە و گەرمیپێو بۆ ئەو قوتابخانە دابین دەكرێت و نابێت لەناو قوتابخانە گردبوونەوە و كۆڕ و سیمینار دروست بكرێت و پێویستە ھاتوچۆی قوتابیانیش بە جۆرێك رێك بخرێت، بەركەوتن دروست نەبێت.

لەبارەی دەوامی قوتابخانەكانی گوندەكانیشەوە، وەزارەتی پەروەردەی ئاشكرای كردووە، دەوامی قوتابیانی پۆلی ١٢ لە ٢٧ی ئەم مانگە دەست پێدەكات و ئەوانەی پۆلەكانی دیكە لە ١٠/١٠پرۆسەی خوێندن دەست پێدەكات، بەپێی ئەو رێنماییانەی خوارەوە، كە ئەگەر ئەو گوندە ھێڵی ئینتەرنێتی نەبێت و ئەگەر رووبەری قوتابخانەكان شیاو بوون و توانرا لەناو قوتابخانەكان دابەشكردنی قوتابیان بەپێی رێنمایی تەندروستی بێت، كە لە مەتر و نیوێك كەمتر نەبێت و پێویستە ئەو فەرمانە بەڕێوەبەرایەتییە گشتییەكانی پارێزگا و ئیدارەكان تا ٣ی مانگی داھاتوو ئاماری ورد بۆ وەزارەت بنێرن لەبارەی ناوەڕۆكی ئەو فەرمانە.

 

بڵند ئیبراھیم   




دوایین هەواڵەکان

پارتی سەرەخۆشی لە خانەوادەی ئەحمەد وەیسی و، ھێدی ساڵح و زیاد ئاقوبانی و رەسوڵ محەمەد دەکات

WEDNESDAY, 28 JULY 2021 16:07:31

بەڕێزان خانەوادەی ئەحمەد وەیسی ھێرۆیی

 

ئەنجومەنی وەزیران بڕیاریدا سۆران و زاخۆ بکرێن بە ئیدارەی سەربەخۆ

WEDNESDAY, 28 JULY 2021 15:07:08

ئەمڕۆ چوارشەممە 28 ی تەمموزی 2021 ئەنجومەنی وەزیرانی هەرێمی کوردستان ، بە سەرۆکایەتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆکی ئەنجومەن ،کۆبووەوە.

 
سه‌رۆكى هه‌رێمى كوردستان پێشوازى له‌ باڵیۆزى ئیسپانیا كرد

WEDNESDAY, 28 JULY 2021 15:07:02

پاشنیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز هانسى ئیسكۆبار، باڵیۆزى ئیسپانیا له‌ عیراق كرد كه‌ ئه‌ركه‌ى كۆتایى دێت.

 

سه‌رۆكى هه‌رێمى كوردستان پێشوازى له‌ باڵیۆزى توركیا كرد

WEDNESDAY, 28 JULY 2021 14:07:45

نیوه‌ڕۆى ئه‌مڕۆ چوارشه‌ممه‌ 2021/7/28 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئالیڕزا گونه‌ى، باڵیۆزى تازه‌ى توركیا له‌ عیراق كرد.

 

بەیاننامەیەك لە پارتی دیموكراتی كوردستانەوە

WEDNESDAY, 28 JULY 2021 14:07:36

هەولێر-KDP.info- پارتی دیموكراتی كوردستان، بەیاننامەیەكی دەربارەی دانوستانی ستراتیژیی نێوان حكوومەتی عێراق و ویلایەتە ‌یەكگرتووەكانی ئەمەریكا سەبارەت بە بەردەوامبوونی پەیوەندی و هاوكاریی نێوان هەردوولا، بڵاو كردەوە.

 


 
© 2021 Kurdistan Democratic Party, KDP

Contact