Kurdî  ■  كوردی  ■  عربي
THU, 24 SEP 2020 04:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەحموود محەمەد: بەجۆش و خرۆشەوە لەنێو دڵی گەلە خۆڕاگرەکەمان و کادیر و لایەنگران و جەماوەری سەربەرزی پارتی یادی شازدەی ئاب بەرز رادەگرین...لەبەر رێکارەکانی تەندروستی، گردبوونەوە و مەڕاسیم ئەنجام نادەین
| KDP.info


ھەولێر-KDP. info-   (مەحموود محەمەد) گوتەبێژ و ئەندامی مەکتەبی سیاسی پارتی دیموکراتی کوردستان، لە لێدوانێکی تایبەتدا بۆ ماڵپەڕی فەرمیی پارتی بەبۆنەی ٧٤ ساڵەی یادی دامەزراندنی پارتی رایگەیاند، یادکردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەکان، بەڕێوەناچن و، تەنیا لە رێگەی کەناڵەکانی میدیاوە بە شکۆوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەکەمان و کادیر و لایەنگران و جەماوەری پارتی، بەرز و پیرۆز رادەگرێت.

(مەحموود محەمەد) گوتەبێژ و ئەندامی مەکتەبی سیاسی پارتی دیموکراتی کوردستان، لە لێدوانێکی تایبەتدا بە ماڵپەڕی فەرمیی پارتی بەبۆنەی ٧٤ ساڵەی دامەزراندنی پارتی دیموکراتی کوردستانی راگەیاند:
سەرەتا گەرمترین پیرۆزبایی ئاراستەی خانەوادەی سەربەرزی شەھیدان و، پێشمەرگە قارەمانەکان و کادیر و لایەنگران و جەماوەری سەربەرزی پارتی و سەرجەم گەلی کوردستان دەکەین، ١٦ی ئاب، ساڵیادی پارتەکەمان، وەک رۆژێکی مێژوویی و پڕ شکۆ، رووداوێکی گرینگی مێژوویی سەر گۆڕەپانی سیاسی و تێکۆشانی کوردستان بوو کە لەسەر دەستی بارزانی نەمر پارتی دیموکراتی کوردستان وەک پارتی سەرجەم دیالێکت و دەڤەر و پێکھاتەکان، سنوورە دەستکردەکانی بڕی و، وەک پارتێکی نەتەوەیی و کوردستانی کۆکراوە لەسەرجەم چین و توێژەکان وەرچەرخانێکی مێژوویی و سیاسی و نەتەوەیی خوڵقاند.

مەحموود محەمەد راشیدەگەیەنێت، ئەم رووداوە مێژووییە قەزیەی کوردی لەسەر جیوگرافیا کردە دیفاکتۆ و وەک سەکۆی خەباتی سیاسی و تێکۆشانی رزگاری لە ریزبەندی رووداوەکانی مێژووی کوردستان، مژدەبەخشی سەرکەوتن لە دوای سەرکەوتنی بۆ گەلی کوردستان تۆمار کرد، گیانی پێکەوەژیان و ئازادی و دیموکراتی و لە دایکبوونی فکری تێکۆشان بۆ سەرخستنی قەزیەی کوردستانی، گیانفیدایی بۆ پارێزگاریکردن لە ناسنامەی کورد و کوردستان بە خوێن و تێکۆشان لە دەستکەوتە بەنرخەکانی دامەزراندنی پارتەکەمانە بۆ کوردستانیان..

لە لێدوانەکەیدا بۆ ماڵپەڕی فەرمی پارتی، مەحموود محەمەد گوتەبێژی فەرمیی پارتی رایگەیاند، کە پارتی دیموکراتی کوردستان، لە قۆناغی شۆڕشگێری ئەیلوولی مەزن و رێککەوتننامەی یازدەی ئازار مافی ئۆتۆنۆمی و شۆڕشی گوڵانی پێشکەوتنخواز و، سەرھەڵدانی راپەڕین لە دژی ستەمکاری رژێمی پێشووی عێراق، سەدان داستانی مەزن لە شاخ و، دواتر قۆناغی ئاوەدانی لەشار و داکۆکیکردن لە مافە رەواکانی گەلی کوردستان لەسەرجەم قۆناغەکانی رزگاری بە خوێنی ھەزارن شەھید بۆ رێگەی سەربەخۆیی کوردستان و ریفراندۆم و پاراستنی کوردستان لە ھەڕەشەکان و سەقامگیری و ئاسایش و راگرتنی شکۆی کوردستانیان و دەستکەوتەکانی ئەمڕۆ و دروستکردنی ئاسۆیەکی رونتریش بۆ داھاتووی کوردستان، ئەم پارتە بەردەوامەوە و پێداگرتر دەبێت.

مەحموود محەمەد تەکیدی کردەوە کە لەگەڵ ئەوەی بە شکۆوە  لە ١٦ی ئابی ھەموو ساڵێکدا ساڵیادی پارتی دیموکراتی کوردستان بەرز و پیرۆز رادەگرین، ھاوکات لەم ساڵدا بەلەبەرچاوگرتنی رەوشی ئابووری و تەندروستی ھەرێمی کوردستان و پابەند بوون بە رێککارەکانی خۆپارێزی لە پەتای ڤایرۆسی کۆڕۆنا، یادکردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەکانی گردبوونەوەی خەڵک و جەماوەر، بەڕێوەناچن و، تەنیا لە رێگەی کەناڵەکانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەکەمان و کادیر و ئەندام و لایەنگران و جەماوەری سەربەرزی پارتی دیموکراتی کوردستان، بەرز و پیرۆز رادەگرین...




دوایین هەواڵەکان

"ئەندەرپاسێک لە دەروازەی زاخۆ دروست دەکرێت"

WEDNESDAY, 23 SEPTEMBER 2020 15:09:14

ھەولێر -KDP.info- خەدیجە محەمەد، بەڕێوەبەری گشتیی ڕێگاوبانی دهۆک بە ماڵپەڕی فەرمیی پارتی دیموکراتی کوردستانی ڕاگەیاند، لە ڕێگای سەرەکیی زاخۆ نزیک دەروازەی شارەکە بەهۆی هەبوونی قەڵەباڵغییەوە ڕۆژانە ئاستەنگی هاتوچۆ دروست دەبێت، لەبەر ئەوەش، ئیدارەی زاخۆ داوای چارەسەریی بۆ ڕێگاکە کردووە.

 

چین بە بڕی زیاتر لە ملیارێک دۆلار لە ھەولێر وەبەرھێنان دەکات

WEDNESDAY, 23 SEPTEMBER 2020 15:09:57

ھەولێر-KDP.info- بەڕێوەبەری گشتیی وەبەرھێنانی ھەولێر دەڵێت، وڵاتی چین بڕیاری داوە بە بڕی زیاتر لە یەک ملیار دۆلار پڕۆژەیەکی گەورە لە ھەولێر بنیات بنێت، کە چەندین سێکتەری جیاجیا لە خۆی دەگرێت، وەکو گەشتیاری و شوێنی وەرزشی و پۆلینگ و نیشتەجێبوون و پارک و چەند سێکتەرێکی دیکە، ئێستاش پڕۆپۆزەڵەکە قبووڵ کراوە و سەرقاڵی دیاریکردنی زەوین بۆ پڕۆژەکە.

 

پەرلەمان: بۆ دابەشكردنی نەوت نووسراومان ئاڕاستەی حكوومەت كردووە

WEDNESDAY, 23 SEPTEMBER 2020 13:09:24

هەولێر-KDP.info- لیژنەی سامانە سرووشتییەكانی پەرلەمانی كوردستان، لەبارەی دابەشكردنی نەوتی سپییەوە كۆبووەوە و ئەندامێكی لیژنەكەش دەڵێ، هەرێمی كوردستان پێویستی بە 258 ملیۆن لیترە بۆ دابەشكردن.

 
سبەی شاندێکی بەرەی ئاشتی و ئازادی رۆژئاوای کوردستان لەگەڵ سێرکی لاڤرۆڤ کۆدەبنەوە

WEDNESDAY, 23 SEPTEMBER 2020 12:09:13

هەولێر-KDP.info- ئەندامێکی مەکتەبی پەیوەندییەکانی دەرەوەی ئەنەکەسە رایده‌گه‌یه‌نێت، ئەمڕۆ چوارشەممە، شاندێکی بەرەی ئاشتی و ئازادی لە رۆژئاوای کوردستان سەردانی مۆسکۆی پایتەختی رووسیا دەکەن و لەگەڵ بەرپرسانی وەزارەتی دەرەوەی ئەو وڵاتە کۆدەبنەوە.

 
سەفار بۆ KDP: حكوومەت بەپەلەیە.. دەستكاریی پشكی هەرێمی ناكرێت

WEDNESDAY, 23 SEPTEMBER 2020 12:09:14

بەغدا-KDP.info- بڕیاردەری لیژنەی دارایی‌ لە ئەنجومەنی نوێنەرانی عێراق رایگەیاند، حكوومەتی عێراق پڕۆژەیاسای بودجەی 2020ی لە ئەنجومەنی نوێنەران كشاندەوە، بۆ ئەوەی هەندێك گۆڕانكاری لە پشكی پارێزگاكاندا بكات. دەشڵێ، دەستكاریی پشكی هەرێمی كوردستان ناكرێت.

 


 
© 2020 Kurdistan Democratic Party, KDP

Contact