بەڕێزان خانەوادەی تێكۆشەرو نیشتیمانپەروەر(جەلیل گادانی)
بە داخ و پەژارەیەكی زۆرەوە هەواڵی كۆچی دوایی تێكۆشەر و نیشتیمانپەروەر(جەلیل گادانی)مان بیست، بەو بۆنە خەمناكەوە پرسە و سەرەخۆشی خۆمان ئاراستەی بنەماڵەی تێکۆشەر و بەڕێزەکەتان و كەس وكار و ھەڤاڵ و ھاوسەنگەرانی خوالێخۆشبوو دەكەین و خۆمان بە هاوبەش و شەریكی خەمتان دەزانین.
خوالێخۆشبوو(جەلیل گادانی) تێكۆشەرێكی شۆڕشگێر و ماندوونەناسی قاڵبووی نێو خەباتی سیاسی و نەتەوەیی و نیشتیمانی بوو و، وەك تێكۆشەرێكی دێرین و خاكیی لە مێژووی خەباتی رزگاریخوازی گەلەكەمان ناسرابوو، هەروەها جێپەنجەی لەبواری رۆشنبیریی و مێژوو و زمان و ئەدەبیاتی كوردی و وەڕگێڕانیش دیار بوو و، خاوەنی چەندەها كتێب و بەرهەمی بەپێز بوو.
لەدەستدانی ئەو تێكۆشەرە مایەی زیانێكی گەورەیە، هیواخوازین هاوخەمیی هەڤاڵ و دۆست و ئازیزانی ببێتە مایەی دڵنەوایی و سەبووری خانەوادە تێكۆشەرەکەیی و لە خەم و خەفەتتان كەم بكاتەوە.
دووبارە پرسە و سەرەخۆشی خۆمان دووپات دەكەینەوە و ئومێدەوارین لە خەم و ئازار و كۆستی دیکە بە دوور بن و جێگای كۆچكردوویش بەهەشتی بەرین بێت...
انا للە وانا الیە راجعون
مەكتەبی سیاسی
پارتی دیموكراتی كوردستان
٦ـی٨ـی٢٠٢٠