Kurdî  ■  كوردی  ■  عربي
FRI, 18 SEP 2020 16:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دیاری حوسێن: بارەگا لە بەغدایش ناکەیەنەوە ئەگەر ئاڵای کوردستانی لەسەر نەبێت
| KDP.info


کەرکووک-PDK.info-  بەرپرسێکی پارتی لە کەرکووک پێی وایە لەگەڵ گەڕانەوەی ھێزی پێشمەرگە بۆ کەرکووک پارتی دەگەڕێتەوە نێو بارەگا داگیرکراوەکانی لە کەرکووک و دەڵێ، ڕادەستکردنەوەی بارەگاکانمان پەیوەستە بە گەڕانەوەی ھێزی پێشمەرگە بۆ کەرکووک و ناوچە کوردستانییەکان.

دیاری حوسێن، جێگری بەرپرسی ئەنجومەنی سەرکردایەتیی پارتی لە کەرکووک، بە ماڵپەڕی فەرمیی پارتی دیموکراتی کوردستانی ڕاگەیاند: "ھەوڵەکان بۆ ئاساییکردنەوەی ڕەوشی کەرکووک بەردەوامن و بەر لە ساڵی نوێ ھەرێم و بەغدا گەیشتبوون بە ڕێککەوتن، بەڵام دواتر کابینەی حکوومەتی عادل عەبدولمەھدی ھەڵوەشایەوە و ڕێککەوتنەکە ڕاگیرا، ئێستا دانوستان ھەیە بۆ ئاساییکردنەوەی ڕەوشەکە."

بەرپرسەکەی پارتی گوتیشی: "لەگەڵ پێکھێنانی ژووری ئۆپەڕاسیۆنی ھاوبەش بڕیارە پێشمەرگە بگەڕێتەوە بۆ کەرکووک، ئەوکات ئێمەیش وەک پارتی دەگەڕێنەوە بۆ کەرکووک و بارەگاکانمان دەکەینەوە بە ڕووی ئەندام و جەماوەری خۆماندا."

ھەر لەبارەی ڕادەستکردنی بارەگاکانی پارتییەوە، ئەوانەی دوای ١٦ی ئۆکتۆبەر داگیر کراون، دیاری حوسێن ئاماژەی بۆ ئەوە کرد: "کەرکووک ھی ئێمەیە و ھیچ کات پارتی مساومەی لەسەر کوردستانیەتی کەرکووک نەکردووە، ڕادەستکردنەوەی بارەگانیشمان بەستراوەتەوە بە گەڕانەوەی ھێزی پێشمەرگە، ئێمە بارەگا نەک لە کەرکووک لە بەغداش ناکەینەوە، ئاڵای کوردستانی لەسەر نەبێت."

قائید میرۆ

 




دوایین هەواڵەکان

شاندێكی حكوومه‌تی هه‌رێمی كوردستان به‌شداریی کۆڕبەندی ئابووریی توركیا و عێراق ده‌كات

THURSDAY, 17 SEPTEMBER 2020 15:09:52

مێرسین-KDP.info-  وه‌زیری هه‌رێم بۆ كاروباری پێكهاته‌كان كه‌ به‌شداری کۆڕبەندی ئابووریی توركیا- عێراقە، ڕایگەیاند، بۆ پته‌وكردنی په‌یوه‌ندیی بازرگانی و ئابووریی نێوان توركیا و هه‌رێمی كوردستان ئه‌مڕۆ له‌ شاری مێرسین شاندێكی حكوومه‌تی هه‌رێمی كوردستان به‌شداریی کۆڕبەنده‌كه‌ی كرد.

 

ڕێگای نێوان دهۆك و مووسڵ، سیانە دەکرێتەوە

THURSDAY, 17 SEPTEMBER 2020 15:09:56

دهۆك-KDP.info- به‌ڕێوه‌به‌ری گشتیی ڕێگاوبانی دهۆك ڕایگەیاند، لەسه‌ر ئه‌ركی حكوومه‌تی هه‌رێمی كوردستان له‌ قۆناغی یه‌كه‌مدا ڕێگای سه‌ره‌كیی نێوان دهۆك_مووسڵ سیانه‌ ده‌كرێته‌وه‌ و داواشمان له‌ پارێزگاری دهۆك كردووه‌ كه‌ نووسراو ئاراسته‌ی پارێزگاری مووسڵ بكات بۆ ئه‌وه‌ی شه‌قامه‌كه‌ دووباره‌ قیرتاو بکرێتەوە.

 

بەڕێوەبەری ئاوی ھەولێر: ئەمشەو ئاو دەگەڕێتەوە بۆ شاری ھەولێر

THURSDAY, 17 SEPTEMBER 2020 15:09:42

هەولێڕ-KDP.info- دوای گواستنەوەی هێڵەکانی ئاوی ئیفراز، بڕیارە ئەمشەو ئاو بگاتەوە شاری ھەولێر و بەڕێوەبەری ئاوی ھەولێریش دەڵێت، کارکردن لە گواستنەوەی بۆڕییەکان کۆتاییی ھاتووە.

 
زاگرۆس: ھەفتەی داھاتوو دەچینە بەغدا و ھەوڵدەدەین دواھەمین کۆبوونەوە بکەین لەبارەی بودجەوە

THURSDAY, 17 SEPTEMBER 2020 13:09:19

هەولێر-KDP.info- نوێنەری کورد لە لیژنەی ئامادەکردنی پڕۆژە یاسای بودجەی گشتی عێراق بۆ ساڵی داھاتوو گوتی، بڕیارە ھەفتەی داھاتوو سەردانی بەغدا بکەین و گفتووگۆ لەبارەی پشکی ھەرێمی کوردستان لە پڕۆژە یاسای بودجەی گشتی عێراق بکەین.

 
وەزارەت: ھەفتەی داھاتوو چەکەکانی گەنمی جوتیاران وەردەگرین و دەست بەدابەش کردنی دەکەین

THURSDAY, 17 SEPTEMBER 2020 12:09:50

هەولێر-KDP.info- بەڕێوەبەری گشتی وەزارەتی بازرگانی حکوومەتی ھەرێمی کوردستان گوتی، حکوومەتی عێراق بڕیاریداوە کە وەجبەی دووەمی پارەی گەنمی جوتیارانی ھەرێم خەرج بکات کە زیاتر لە٢٨ملیار دینارە و ھەفتەی داھاتوو دەگات و دەست بە دابەش کردنی دەکرێت.

 


 
© 2020 Kurdistan Democratic Party, KDP

Contact