Kurdî  ■  كوردی  ■  عربي
MON, 21 SEP 2020 05:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"د.ئارام بالەتەیی باسی ڕێککەوتنی کۆتاییی هەولێر.بەغدا دەکات"
| KDP.info


بەغدا-KDP.info- گوتەبێژی فراکسیۆنی پارتی دیموکراتی کوردستان لە ئەنجومەنی نوێنەرانی عێراق دەڵێ، لە دووای جەژن ڕێککەوتنی کۆتایی لەگەڵ بەغدا دەکەین تەنیا بۆ ساڵی ٢٠٢٠، چونکە هەموو بۆچوونەکان وان کە بوودجە بۆ ئەمساڵ نابێت و ئەم ڕێککەوتنە کاتی دەبێت و تەنیا بۆ ئەمساڵ دەبێت.

د. ئارام ناجی بالەتەیی، لە لێدووانێکی تایبەتی ماڵپەڕی فەرمیی پارتی دیموکراتی کوردستاندا گوتی: ''هەولێر و بەغدا دەربارەی زۆر خاڵ لە یەک نزیکن، تەنیا ڕێککەوتن ماوە و ئەویش لە دووای جەژن دەکرێت و ئەمڕۆ هەموو داتا و گرێبەستەکانی نەوت و پێشمەرگە و فەرمانبەرانمان پێشانی حکوومەتی عێراق داون و ئێستا هەموو زانیارییەکانمان لەبەردەستی وەزیری نەوتی حکوومەتی عێراقە و ئەو، خۆی بۆچوونێکی ئەرێنیی دەربارەی شەفافیەتی گرێبەستەکان هەیە.''

ئاماژەیشی دا: "وەزیری نەوت، خۆی بڕوای بە داتای کۆمپانیای دیلیۆت هەیە و یەکێکە لەو کۆمپانیایانەی کە لە بواری شەفافیەتدا خاوەنی سومعەیەکی گەورەیە، ئەو ددانی بەو داتایایەدا ناوە، ئەمەش ڕێخۆشکەرە بۆ ئەوەی ڕێککەوتنی کۆتایی بکەین."

"تەنیا ناکۆکیمان ئەوەیە کە ئێمە داوای گوژمەیەکی زۆرتر دەکەین بۆ ئەوەی مووچەیی فەرمانبەرانی پێ دابین بکەین، لە نێوانماندا خیلافی گەورە نییە و هیچ ڕێگایەکی تریش جگە لە ڕێککەوتن نییە و ڕەوشەکەش لە نێوان هەردوو لادا هیچی تر نییە، لە بەرژەوەندیی هەردوولادایە ڕێک بکەون، چونکە بەرژەوەندیی هاوبەشمان زۆرە لە بواری ئاسایش و کارەبا و زۆر شتی تر و عێراقیش پێی خۆش نییە دەرگایەکی تر بەسەر کێشەکاندا بکرێتەوە.'' بالەتەیی وا دەڵێت.

کـاروان بــاعەدری

 




دوایین هەواڵەکان

پەیامی سەرۆکی هەرێمی کوردستان له‌ یادى دامەزراندنی یەکێتیی زانایانی ئایینی ئیسلامیی کوردستاندا

MONDAY, 21 SEPTEMBER 2020 00:09:48

هەولێر-KDP.info- نێچیرڤان بارزانی سەرۆکی هەرێمی کوردستان، له‌ یادى په‌نجا ساڵه‌ى دامه‌زراندنى یەکێتیی زانایانی ئایینی ئیسلامیی کوردستاندا، پەیامێكی پیرۆزبایی ئاراستەی سەرۆک و ئەندامانی مەکتەبی تەنفیزی و ئەنجومەنی ناوەندیی یەکێتیی زانایانی ئایینی ئیسلامیی کوردستان و سەرجەم مامۆستایان و زانایانی بەڕێزی ئایینی ئیسلامیی کوردستان دەکات.

پەیامی پیرۆزبایی مەكتەبی سیاسی پارتی دیموكراتی كوردستان بۆ ساڵیادی دامەزراندنی یەكێتی زانایانی ئایینی ئیسلامی كوردستان

MONDAY, 21 SEPTEMBER 2020 00:09:00

هەولێر-KDP.info- مەكتەبی سیاسی پارتی دیموكراتی كوردستان پەیامێكی پیرۆزبایی بەبۆنەی یۆبێلی زێڕین و (50)هەمین ساڵیادی دامەزراندنی یەكێتی زانایانی ئایینی ئیسلامی كوردستان بڵاودەكاتەوە، ئەمەی خوارەوە دەقی پەیامەكەیە:

سەرۆك بارزانی پێشوازی لە كونسوڵی تازەی ئەڵمانیا لە شاری هەولێر دەكات

SUNDAY, 20 SEPTEMBER 2020 22:09:36

هەولێر-KDP.info- ڕۆژی یەكشەممە 20ـی ئەیلوولی 2020 لە سەلاحەددین سەرۆك مەسعود بارزانی پێشوازی لە كونسوڵی تازەی ئەڵمانیا لە هەولێر كرد.

لێکۆڵەرێکی میسری بۆ KDP.info: هەرێمی کوردستان ئەلقەی گرێدانی نەوت و غازە لە نێوان ئاسیا و ئەورووپا

SUNDAY, 20 SEPTEMBER 2020 17:09:39

دهۆک -KDP.info- لێکۆڵەرێکی میسری دەڵێت، هەرێمی کوردستان شوێنێکی جوگرافیاییی گرنگی هەیە و فۆکسی جیهان لەسەر هەرێمە کوردستانە، بۆیەش وڵاتانی جیهان دەیانەوێت پەیوەندییەکانیان لەگەڵ هەرێمی کوردستان پتەو و بەهێز بکەن.

 
هێمن هەورامی پێشوازی لە باڵیۆزی فلیپین لە عێراق دەکات

SUNDAY, 20 SEPTEMBER 2020 16:09:47

ھەولێر-KDP. info-  دوای نیوەڕۆی ئەمڕۆ ٢٠/٩/٢٠٢٠ هێمن هەورامی جێگری سەرۆکی پەرلەمانی کوردستان، پێشوازی لەجێنۆڕۆسۆ کاڵۆنج، باڵیۆزی فلیپین لە هەرێمی کوردستان و شاندێکی یاوەری کرد.

 



 
© 2020 Kurdistan Democratic Party, KDP

Contact