Kurdî  ■  كوردی  ■  عربي
FRI, 14 AUG 2020 19:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەعدی پیرە: کۆبوونەوەی شەوی ڕابردوو باشترین جەژنانە بوو
| KDP.info


هەولێر-KDP.info-  پارتی و یەکێتی بۆ چارەسەرکردنی کێشەکان لە ھەوڵدان و ئەندامێکی مەکتەبی سیاسیی یەکێتیش دەڵێ، کۆبوونەوەی شەوی ڕابردوو باشترین جەژنانە بوو پێشکەش بە خەڵکی کوردستان کرا.

سەعدی پیرە، ئەندامی مەکتەبی سیاسیی یەکێتی، بە ماڵپەڕی فەرمیی پارتی دیموکراتی کوردستانی ڕاگەیاند: "کۆبوونەوەی شەوی ڕابردووی نێوان پارتی و یەکێتی باشترین جەژنانە بوو پێشکەش بە خەڵکی کوردستان کرا، چونکە خەڵکی کوردستان نیگەران بوو لەوەی پارتی و یەکێتی تەبا نین، لەبەر ئەوەی پارتی و یەکێتی سەرەڕای ھەبوونی ئەم ھەموو قەیرانە، لەوانە پرسی ئابووری و بڵاوبوونەوەی ڤایرۆسی کۆرۆنا و ئاسایشی نەتەوەییشی لە مەترسیدایە و لەشکرکێشی ھەیە بۆ سەر کوردستان، ئەگەر پارتی و یەکێتیش ناکۆک بن ئەوە دەردەکە زۆر گرانتر دەکات."

شەوی ڕابردوو پارتی و یەکێتی بە ئامادەبوونی نێچیرڤان بارزانی، سەرۆکی ھەرێمی کوردستان کۆبوونەوە و تێیدا جەخت لەسەر چارەسەرکردنی کێشەکان کرایەوە.

ئەندامەکەی مەکتەبی سیاسی یەکێتی دەڵێت: "کۆبوونەوەی شەوی ڕابردووی نێوان پارتی و یەکێتی ئاوێکی بەو ئاگرەدا کرد و ئەمڕۆ پەرلەمانی کوردستان بە ئامادەبوونی ھەموو فراکسیۆنەکان کۆ بووەوە و بەردەوامە لە کارەکانی."

سەعدی پیرە ڕوونی کردەوە: "ئەنجامدانی یەک کۆبوونەوە چارەسەری ھەموو کێشەکان ناکات، بەڵام سەرەتایەکە بۆ کۆبوونەوەکانی داھاتوو تا کێشەکان چارەسەر بکرێن و ھەتا ئەو کۆبوونەوانە ئەنجام نەدرێن کێشەکان چارەسەر ناکرێن، پێویستە کۆبوونەوەکان بەردەوام بن، لەبەر ئەوەی یەکێک لێرە و یەکێک لەوێ قسەیەکی ناشاز بکات کێشە بەوە چارەسەر ناکرێن، بەلکو بە تەبایی خەونی ناحەزانمان دەخەینە نێو گۆڕ و کێشەکانمان چارەسەر دەکەین."

قائید میرۆ

 




دوایین هەواڵەکان

مەحموود محەمەد: بەجۆش و خرۆشەوە لەنێو دڵی گەلە خۆڕاگرەکەمان و کادیر و لایەنگران و جەماوەری سەربەرزی پارتی یادی شازدەی ئاب بەرز رادەگرین...لەبەر رێکارەکانی تەندروستی، گردبوونەوە و مەڕاسیم ئەنجام نادەین

FRIDAY, 14 AUGUST 2020 13:08:51

ھەولێر-KDP. info- (مەحموود محەمەد) گوتەبێژ و ئەندامی مەکتەبی سیاسی پارتی دیموکراتی کوردستان، لە لێدوانێکی تایبەتدا بۆ ماڵپەڕی فەرمیی پارتی بەبۆنەی ٧٤ ساڵەی یادی دامەزراندنی پارتی رایگەیاند، یادکردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەکان، بەڕێوەناچن و، تەنیا لە رێگەی کەناڵەکانی میدیاوە بە شکۆوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەکەمان و کادیر و لایەنگران و جەماوەری پارتی، بەرز و پیرۆز رادەگرێت.

جوولانه‌وه‌ى ناسیۆنالیزمى كوردى و كاریگه‌ریى له‌سه‌ر دروستبوونى پارتى دیموكراتى كوردستان

FRIDAY, 14 AUGUST 2020 12:08:35

ئاری نانەکەلی*

وه‌زاره‌تی دارایی حكومه‌تی هه‌رێمی كوردستان وه‌ڵامی به‌یاننامه‌یه‌كی وه‌زاره‌تی دارایی حكومه‌تی ئیتیحادی دایه‌وه‌

THURSDAY, 13 AUGUST 2020 21:08:49

ھەولێر-KDP.info- ئه‌مڕۆ وه‌زاره‌تی دارایی حكومه‌تی هه‌رێم به‌ به‌یاننامه‌یه‌ك، وه‌ڵامی به‌یاننامه‌ی دوێنێی وه‌زاره‌تی دارایی عێراقی ئیتیحادی دایه‌وه‌. له‌ به‌یاننامه‌كه‌ی وه‌زاره‌تی دارایی هه‌رێمدا هاتووه‌: حكومه‌تی هه‌رێمی كوردستان له‌و كاته‌وه‌ی كه‌ له‌ په‌رله‌مانی كوردستان متمانه‌ی پێ به‌خشراوه‌، سیاسه‌تی چاره‌سه‌ركردنی ریشه‌یی سه‌رجه‌م كێشه‌ هه‌ڵپه‌سێردراوه‌كانی له‌گه‌ڵ حكومه‌تی ئیتیحادی له‌ چوارچێوه‌ی بنه‌ماكانی ده‌ستووری عێراق گرتووه‌ته‌به‌ر.

"پەکەکە زیندانی نھێنی لە شنگال ھەیە"

THURSDAY, 13 AUGUST 2020 18:08:19

هەولێر-KDP.info-  هه‌بوونی په‌كه‌كه‌ له‌ شنگال نیگه‌رانیی شنگالییه‌كانی لێ كه‌وتووه‌ته‌وه‌ و به‌هۆی ئه‌وانه‌وه‌ ده‌ستی ئاوه‌دانی به‌ شاره‌كه‌ ناگات، جیا له‌وه‌ش، شنگال كراوه‌ته‌ ناوه‌ندێكی سه‌ربازیی په‌كه‌كه‌ و خه‌ڵكی سڤیل بۆ كاری سه‌ربازی و سیاسی به‌كار ده‌هێنن و به‌شێكیشیان به‌و هۆیه‌وه‌ ناتوانن بگەڕێنه‌وه‌ شاره‌كه‌.

 
بابەکر زێباری: شەھیدکردنی دوو فەرماندەی پاسەوانی سنوور جێگەی گومانە

THURSDAY, 13 AUGUST 2020 18:08:14

هەولێر-KDP.info- لە ناوەڕاستی ئەمساڵ تورکیا ئۆپەڕاسیۆنێکی سەربازیی بۆ سەر بنکە و بارەگاکانی پارتی کرێکارانی کوردستان (پەکەکە) لەنێو خاکی ھەرێمی کوردستاندا دەستی پێ کردووە و ڕاوێژکاری سەرۆکی ھەرێمی کوردستانیش دەڵێ، تورکیا بەبێ پرسی ھەرێم ھاتووە و ھەڵوێستی عێراقیش زۆر لاوازە لەبەرامبەر دەستدرێژییەکانی تورکیا.

 


 
© 2020 Kurdistan Democratic Party, KDP

Contact