Kurdî  ■  كوردی  ■  عربي
FRI, 7 AUG 2020 15:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ئەنجومەنی شارەوانییەکان پێک دێن"
| KDP.info


هەولێر -KDP.info-‌  وەزارەتی شارەوانیی ئەنجومەنی شارەوانییەکان سەرلەنوێ پێک دێنێتەوە و وەزیری شارەوانی و گەشتوگوزاریش دەڵێ، بڕیاری پێکھێنانی ئەنجومەنی شارەوانییەکان لەلایەن ئەنجومەنی وەزیرانەوە دەرکراوە.

بەپێی ڕاگەیاندراوێکی وەزارەتی شارەوانی ھاتووە: "وەزارەتی شارەوانی و گەشتوگوزار لە چوارچێوەی پرۆسەی چاکسازیی حکوومەتی ھەرێمی کوردستان و بۆ باشتر ڕاییکردنی کاروباری شارەوانییەکان و خزمەتکردنی زیاتری ھاووڵاتییان، ئەنجومەنی شارەوانییەکان لە پارێزگە و قەزا و ناحیەکان بە شێوەیەکی تر و سەرلەنوێ پێک دەھێنێتەوە، ئەویش بەگوێرەی پەیڕەوی ژمارە (٢)ی ساڵی ٢٠١٩ تایبەت بە پەیڕەوی پێکھێنانی ئەنجومەنەکانی شارەوانی لە ھەرێمی کوردستان و بە بڕیاری ژمارە (٣٢) کە لە کۆبوونەوەی ژمارە (١٢)ی ئەنجومەنی وەزیران لە ٣٠/١٠/٢٠١٩ پەسەند کرا، ھەروەھا لە ژمارەی ٢٤٦ی ٢٧/١/٢٠٢٠ی ڕۆژنامەی وەقایعی کوردستان بڵاو کراوەتەوە و، تێیدا ژمارەی ئەندامانی ئەنجومەنی شارەوانییەکان دیاری کراوە.

ساسان عەونی، وەزیری شارەوانی و گەشتوگوزار، بە ماڵپەڕی فەرمیی پارتی دیموکراتی کوردستانی ڕاگەیاند: "بەپێی بڕیاری حکوومەت، ئەنجومەنی شارەوانییەکان لە ھەموو ئەو شوێنانەی شارەوانییان ھەیە، پێک دێت و بڕیارە بخرێتە بواری جێبەجێکردنەوە، کە پێم وایە لە چەند ڕۆژی داھاتوودا ئەنجومەنی شارەوانییەکان پێک دێن و دەستبەکار دەبن".

لە بەشێکی دیکەی ڕاگەیاندراوی وەزارەتی شارەوانیدا ھاتووە: "لە سەرتاسەری ھەرێمی کوردستان ١٨٤ شارەوانی ھەن، وەزارەتی شارەوانی ئەنجومەنەکانیان سەرلەنوێ پێک دەھێنێتەوە و بەگوێرەی ماددەی دووەمیش لە پەیڕەوی ژمارە (٢)ی ساڵی ٢٠١٩ ئەنجومەنی پارێزگەکان ڕادەسپێردرێن بۆ دەنگدان لەسەر کاندیدەکان کە لەلایەن وەزارەتی شارەوانییەوە دیاری دەکرێن، سەرۆک و ئەندامانی ئەنجومەنی شارەوانی بەڕێژەی ٧٥% لە سەرۆکی فەرمانگە حکوومییەکان دەبێت و ٢٥%یش لە نوێنەری ڕێکخراوە پیشەیی و ناحکوومییەکان دەبن."

وەزیری شارەوانی گوتیشی: "لە سەرۆکایەتیی ئەنجومەنی وەزیرانەوە بڕیارەکە دەرچووە و بە سیستەمی دانانە نەک ھەڵبژاردن، کە ڕێژەکەی ٧٥%ی لەو فەرمانگانە پێک دێت کە ڕاستەوخۆ پەیوەندییان بە ژیانی ھاووڵاتیانەوە ھەیە و ٢٥%ی ئەنجومەنی شارەوانییەکانیش لە سەندیکا و ڕێکخراوەکانی کۆمەڵگەی مەدەنی پێک دێت".

ئەنجومەنی شارەوانییەکان ماوەی ٢٠ ساڵ بوو گۆڕانکاریی بەسەردا نەھاتبوو، لە کاتێکدا دەبوو ھەر چوار ساڵ جارێک لە خولی نوێدا ئەو ئەنجومەنانە بەڕێوە ببرێن، ئەمەش ببووە ھۆی گلەییی ھاووڵاتییان لە سستیی کارەکانیان و ئەمەش کاریگەریی لەسەر ئەدای کارکردنیان دروست کردبوو، لە قۆناغی ئێستادا، واتە دووبارە پێکھێنانەوەی ئەنجومەنی شارەوانییەکان بەرزترین ئاستی دەسەڵاتییان لە بەڕێوەبردنی شارەکاندا دەبێت و کاریگەریی لەسەر باشیی کارکردنیان و لە بەرژەوەندیی گشتیی ھاووڵاتییاندا دەبێت، بۆیە وەزارەتی شارەوانی و گەشتوگوزار لەژێر ڕۆشناییی پرۆسەی چاکسازیی حکوومەتدا ئەو ئەنجومەنانە بە دەسەڵاتی تەواوەوە پێک دەھێنێتەوە.

قائید میرۆ

 




دوایین هەواڵەکان

ئه‌نجامی لێكۆڵینه‌وه‌ى ڕووداوه‌كه‌ی نه‌خۆشخانه‌ی ڕزگاری ڕاگه‌یه‌ندرا

FRIDAY, 07 AUGUST 2020 13:08:13

ھەولێر-KDP.info- دوای ئەوەی لە سەر فەرمانی سەرۆکی حکومەتی هەریمی کوردستان لێژنەیەکی لێکۆڵینەوەو به‌دواداچوونی بۆ رووداوەکەی نه‌خۆشخانه‌ی رزگاری له ‌هه‌ولێر ڕاسپارد، ئەمڕۆ لێژنەکە دەرەنجامی لیکۆڵینەوەکەیان لەپێنج خاڵدا کۆکردەوە. لیژنەکە ئاماژە بەوە دەکات کە لە نەخۆشخانە هیچ کەسێک بە هۆی نەمانی ئۆکسجین نەمردووە، تەنها هەندێک کێشەو کەم و کوڕی لە لایەنی کاڕگیڕی دا هەبوە، ئەم مەسەلەیە تەنها مزایەدەی سیاسی پێوە کراوەو بە مەبەست پلانیان بۆ کارێکی لەم شێوەیە دانا بووە.

پارتی سەرەخۆشی لە بەڕێز محەمەد مەلا ئیسماعیل دەكات

THURSDAY, 06 AUGUST 2020 23:08:18

ھەڤاڵی بەڕێز محەمەد مەلا ئیسماعیل

پرسەنامەی مەكتەبی سیاسی پارتی دیموكراتی كوردستان بۆ كۆچی دوایی كەسایەتی نیشتیمانپەروەر(جەلیل گادانی)

THURSDAY, 06 AUGUST 2020 23:08:09

بەڕێزان خانەوادەی تێكۆشەرو نیشتیمانپەروەر(جەلیل گادانی)

پارتی سەرەخۆشی لە خانەوادەی خالید ئاژگەیی دەکات

THURSDAY, 06 AUGUST 2020 19:08:12

بەڕێزان خانەوادەی خوالێخۆشبوو (خالید ئاژگەیی)

 
دیاری حوسێن: بارەگا لە بەغدایش ناکەیەنەوە ئەگەر ئاڵای کوردستانی لەسەر نەبێت

THURSDAY, 06 AUGUST 2020 18:08:05

کەرکووک-PDK.info-  بەرپرسێکی پارتی لە کەرکووک پێی وایە لەگەڵ گەڕانەوەی ھێزی پێشمەرگە بۆ کەرکووک پارتی دەگەڕێتەوە نێو بارەگا داگیرکراوەکانی لە کەرکووک و دەڵێ، ڕادەستکردنەوەی بارەگاکانمان پەیوەستە بە گەڕانەوەی ھێزی پێشمەرگە بۆ کەرکووک و ناوچە کوردستانییەکان.

 



 
© 2020 Kurdistan Democratic Party, KDP

Contact