Kurdî  ■  كوردی  ■  عربي
FRI, 7 AUG 2020 15:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کارگەی تەماتەی ھەریر: سبەی دەست بە وەرگرتنی تەماتە لە جووتیاران دەکەین
| KDP.info


ھەریر-KDP.info-  بەڕێوبەری کارگەی تەماتەی ھەرێر گوتی، لە سبەیەوە دەست بە وەرگرتنی تەماتەی جووتیارانی ھەرێمی کوردستان دەکەن و ڕۆژانە ٢٠ تۆن تەماتە وەردەگرن و بەگشتی دەتوانن ١٥٠ تۆن وەرگرن و عەمباری دەکەن تا کەوتنە کاری کارگەکە کە ئامادەکاری بۆ وەگەڕخستنەوەی دەکرێت و نرخی ھەر سندووقێک تەماتەش کە لە جووتیاران وەردەگیرێت ٣ھەزار دینار دەبێت کە لە بازاڕ گرانترە وەکو پاڵپشتییەک بۆ جووتیارانی ھەرێمی کوردستان."

بەڕێوبەری کارگەی تەماتەی ھەرێر، لوقمان حەسەن، بۆ ماڵپەڕی فەرمیی پارتی دیموکراتی کوردستان گوتی: "دوای ئەوەی بڕیار درا کە جارێکی دیکە کارگەی تەماتەی ھەریر بخرێتەوە کار دەستمان بە ئامادەکاری کردووە بۆ وەگەڕخستنەوەی کارگەکە و تا مانگێکی دیکە کارگەکە بۆ دروستکردنی ئاوی تەماتە دەست بە کار دەکات و ئاوی تەماتەی خۆماڵی و لە تەماتەی خۆماڵی بەرھەم دەھێنین و ھەرکاتێک بەرھەمیش ھات، دەخرێتە بازاڕەوە."

لوقمان حەسەن گوتیشی: "بڕیار بوو ئەمڕۆ وەکو پاڵپشتییەک بۆ جووتیاران دەست بە وەرگرتنی تەماتە بکەین و عەمباری بکەین، بەڵام جووتیاران ئامادە نەبوون، بۆیە لە سبەیەوە دەست بە وەرگرتنی تەماتە لە جووتیاران دەکەین، چونکە ئێستا کاتی پێگەیشتنی تەماتەی جووتیارانی ھەرێمی کوردستانە."

حەسەن باسی لەوەش کرد: "ڕۆژانە دەتوانن ٢٠ تۆن تەماتە لە جووتیارانی ھەرێمی کوردستان وەرگرن و تا نزیکەی ١٥٠ تۆن تەماتە وەردەگرن بەگشتی و دەکرێتە ئاوی تەماتە."

لەبارەی ئەوەی بە چ نرخێک تەماتە لە جووتیاران وەردەگرن، ئەو گوتی: "لە بازاڕ نرخی تەماتەی جووتیاران زۆر ھەرزانە بەھۆی ساخنەبوونەوەی، بەڵام وەکو پاڵپشتی بۆ جووتیاران بڕیارمان داوە کە ھەر سندووقێک تەماتە بە ٣ھەزار دینار وەربگرین."

بڵند ئیبراھیم




دوایین هەواڵەکان

ئه‌نجامی لێكۆڵینه‌وه‌ى ڕووداوه‌كه‌ی نه‌خۆشخانه‌ی ڕزگاری ڕاگه‌یه‌ندرا

FRIDAY, 07 AUGUST 2020 13:08:13

ھەولێر-KDP.info- دوای ئەوەی لە سەر فەرمانی سەرۆکی حکومەتی هەریمی کوردستان لێژنەیەکی لێکۆڵینەوەو به‌دواداچوونی بۆ رووداوەکەی نه‌خۆشخانه‌ی رزگاری له ‌هه‌ولێر ڕاسپارد، ئەمڕۆ لێژنەکە دەرەنجامی لیکۆڵینەوەکەیان لەپێنج خاڵدا کۆکردەوە. لیژنەکە ئاماژە بەوە دەکات کە لە نەخۆشخانە هیچ کەسێک بە هۆی نەمانی ئۆکسجین نەمردووە، تەنها هەندێک کێشەو کەم و کوڕی لە لایەنی کاڕگیڕی دا هەبوە، ئەم مەسەلەیە تەنها مزایەدەی سیاسی پێوە کراوەو بە مەبەست پلانیان بۆ کارێکی لەم شێوەیە دانا بووە.

پارتی سەرەخۆشی لە بەڕێز محەمەد مەلا ئیسماعیل دەكات

THURSDAY, 06 AUGUST 2020 23:08:18

ھەڤاڵی بەڕێز محەمەد مەلا ئیسماعیل

پرسەنامەی مەكتەبی سیاسی پارتی دیموكراتی كوردستان بۆ كۆچی دوایی كەسایەتی نیشتیمانپەروەر(جەلیل گادانی)

THURSDAY, 06 AUGUST 2020 23:08:09

بەڕێزان خانەوادەی تێكۆشەرو نیشتیمانپەروەر(جەلیل گادانی)

پارتی سەرەخۆشی لە خانەوادەی خالید ئاژگەیی دەکات

THURSDAY, 06 AUGUST 2020 19:08:12

بەڕێزان خانەوادەی خوالێخۆشبوو (خالید ئاژگەیی)

 
دیاری حوسێن: بارەگا لە بەغدایش ناکەیەنەوە ئەگەر ئاڵای کوردستانی لەسەر نەبێت

THURSDAY, 06 AUGUST 2020 18:08:05

کەرکووک-PDK.info-  بەرپرسێکی پارتی لە کەرکووک پێی وایە لەگەڵ گەڕانەوەی ھێزی پێشمەرگە بۆ کەرکووک پارتی دەگەڕێتەوە نێو بارەگا داگیرکراوەکانی لە کەرکووک و دەڵێ، ڕادەستکردنەوەی بارەگاکانمان پەیوەستە بە گەڕانەوەی ھێزی پێشمەرگە بۆ کەرکووک و ناوچە کوردستانییەکان.

 



 
© 2020 Kurdistan Democratic Party, KDP

Contact