Kurdî  ■  كوردی  ■  عربي
WED, 27 JAN 2021 22:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سوپاسالار بۆ KDP: بەردەوام دەبین تا خاڵی كۆتایی.. لێدوانی سوپاسالاری عێراق ئەرێنی بوو
| KDP.info


ھەولێر-KDP.info- سوپاسالاری ھێزی پێشمەرگە رایدەگەیەنێت، لێدوانى سوپاسالاری عێراق زۆر باش و ئەرێنی بوو، ئەمەش دوای ئەوە دێت، كە ھەفتەی ڕابردوو كۆبوونەوەیەكی زۆر ئەرێنی لە نێوان ھەردوو وەزارەتی پێشمەرگە و بەرگری ئەنجام درا و بڕیارە تا دەگەینە رێككەوتن، گفتوگۆكان بەردەوام بن.

جەمال ئێمینكی، بۆ ماڵپەڕی فەرمیی پارتی دیموكراتی كوردستان گوتی: "لێدوانی سوپاسالاری عێراق لە كەركووك زۆر باش و ئەرێنییە، ئەمەش دوای ئەوە ھات كە ھەفتەی ڕابردوو شاندی ئێمە لەگەڵ لیژنەی باڵای وەزارەتی بەرگریی عێراق لە فەرماندەیی ھێزەكانی ھاوبەش ئەنجام درا، بۆیە گفتوگۆی نێوانمان بەردەوام دەبێت تاوەكو دەگەینە رێككەوتن".

ئێمینكی روونیشی كردەوە: "لەسەر خاڵی ھەبوونی ھەماھەنگی كۆكین، بەڵام بۆ ھێزی ھاوبەش و بازگەی ھاوبەش و ئۆپەراسیۆنی ھاوبەش، تا ئێستا گفتوگۆ بەردەوامە".

گوتیشی: "ئەمە یەكەم كۆبوونەوە بوو ئەنجام درا و سەرۆكی لیژنەی باڵای وەزارەتی بەرگریی عێراق گۆڕابوو، چونكە لەم ساڵدا یەكەم كۆبوونەوەیە بكرێت و لە یەكەم كۆبوونەوەشدا رێككەوتنی كۆتایی زەحمەتە و پێویستی بە گفتوگۆی زیاتر ھەیە، بەڵام كۆبوونەوەیەكی ئەرێنی بوو و لە زۆر خاڵ لێك نزیك بووین، بڕیاریشە شاندێكی ئەوانیش سەردانی ھەرێم بكات و ھەر جارە و شاندی لایەنێك سەردانی لایەنەكەی دیكە دەكات".

سوپاسالاری هێزی پێشمەرگە باسی لەوەش كرد: "ئەو كۆبوونەوەیەی كرا زۆر باش بوو بۆ ئەوەی كۆبوونەوەكان بەردەوام بن و، حكوومەتیش خۆی بەردەوام سەردانی بەغدا دەكات و ئێمەش بەردەوام دەبین تا خاڵی كۆتایی".

دەشڵێ: "بۆ گەرانەوەی ھێزی پێشمەرگە تا ئێستا نەگەیشتوونەتە خاڵی كۆتایی و گفتوگۆ بەردەوامە و ئێمە دەمانەوێت بنكەی ناوەندی ھاوبەش دابنرێت و ئۆپەراسیۆنی ھاوبەش بكرێت و بازگەی ھاوبەش ھەبێت، لەگەڵ چەند خاڵێكی دیكەش، بۆیە گفتوگۆ بەردەوام دەبێت تا دەگەینە رێككەوتن".

 

بڵند ئیبراھیم

 

 

 




دوایین هەواڵەکان

سبه‌ى پەرلەمان لەگەڵ دەزگای ھەڵبژاردنی لایەنە سیاسییەکان کۆ دەبێتەوە

WEDNESDAY, 27 JANUARY 2021 19:01:59

هه‌ولێر-KDP.info- سەرۆکی لیژنەی ناوچە کوردستانییەکانی ده‌ره‌وه‌ى ئیداره‌ى هه‌رێم له‌ په‌رله‌مانى كوردستان دەڵێت، ''وه‌كو ده‌ستپێشخه‌رییه‌كى نیشتمانى و نه‌ته‌وه‌یى بۆ یه‌كده‌نگیى كورد له‌ هه‌ڵبژاردنى ئه‌نجومه‌نى نوێنه‌رانى عێراق، ده‌زگاى هه‌ڵبژاردنى هه‌موو حیزبه‌كانمان بانگهێشت كردووه‌ له‌سه‌ر ئاستى به‌رپرسى یه‌كه‌مى ده‌زگا بۆ ئه‌وه‌ى سبه‌ى پێنجشه‌ممه‌ له‌ په‌رله‌مان كۆ بینه‌وە."

 

پەیامی پیرۆزبایی سەرۆکی هەرێمی کوردستان بەبونەی جەژنی (قەوڵتاس)

WEDNESDAY, 27 JANUARY 2021 18:01:25

جه‌ژنی قه‌ولتاس له‌ ته‌واوی خوشک و برایانی یٔازیزی کاکه‌یی له‌ کوردستان و له‌ هه‌ر کوێیه‌کی‌ جیهان بن، به‌ گه‌رمی پیرۆز ده‌که‌م.

 
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی سێ شەوەی یاران (قەوڵتاس)

WEDNESDAY, 27 JANUARY 2021 18:01:35

بەبۆنەی جەژنی سێ شەوەی یاران ( قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم . هیوادارم یٔەم جەژنە ، ببێتە مایەی خێر و خۆشی و یٔاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.

 
فەرماندەیەک: پێشمەرگە باڵانسی شەڕی کۆبانیی گۆڕی و گەورەترین سەرکەوتنی تۆمار کرد

WEDNESDAY, 27 JANUARY 2021 17:01:10

ھەولێر-KDP. info-  شەش ساڵ بەسەر ئازاکردنی شاری کۆبانیی ڕۆژئاوای کوردستاندا تێ دەپەڕێت و فەرماندەیەکی بەشدار لە شەڕەکانی کۆبانیدا دەڵێت، بەسەر چەندین ئاستەنگدا تێ پەڕین و پێشمەرگە توانی باڵانسی شەڕ لە کۆبانی بگۆڕێت.

 

" ٣٥٠ خانوو ڕادەستی خانەوادەی شەھیدانی چەمچەماڵ کران"

WEDNESDAY, 27 JANUARY 2021 17:01:32

چەمچەماڵ-KDP.info- لەسەر فەرمانی سەرۆک بارزانی خانوو بۆ خانەوادەی شەھیدانی قەزای چەمچەماڵ دروست کراوە و بەرپرسێکی پارتییش دەڵێت، تەنیا لە سنووری چەمچەماڵ ئەمڕۆ ٣٥٠ خانوو ڕادەستی خانەوادەی سەربەرزی شەھیدان کرا.

 


 
© 2020 Kurdistan Democratic Party, KDP

Contact