Kurdî  ■  كوردی  ■  عربي
SAT, 19 SEP 2020 16:33 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دھۆك.. چوار پۆست بۆ مەسیحییەكان یەكلا بوونەتەوە
| KDP.info


دھۆك-KDP.info- نوێنەرێكی مەسیحییەكان لە پەرلەمانی كوردستان رایدەگەیەنێت، لە چوارچێوەی گۆڕانكاریكردن لە پۆستە ئیدارییەكانی دهۆكدا، چوار پۆست بەر مەسیحییەكانی ئەو پارێزگایە دەكەون، ئەو چوار پۆستەش بۆ مەسیحییەكان یەكلا بوونەتەوە.

روبینا تەیاری، بۆ ماڵپەڕی فەرمیی پارتی دیموكراتی كوردستان گوتی: "لە چوارچێوەی گۆڕانكارییە ئیدارییەكان، چوار پۆست بۆ پێكھاتەی مەسیحی یەكلا بوونەتەوە، ئەوانیش جێگری پارێزگار و دوو بەڕێوەبەری ناحیە و بەڕێوەبەرێكی گشتین، بۆیە ھەر كاتێك گۆڕانكارییەكان كران، ئەو پۆستانە وەردەگرین".

تەیاری گوتیشی: "حكوومەتی ھەرێمی كوردستان بڕیاری داوە لەو گۆڕانكاریانەی لە پۆستە ئیدارییەكاندا دەكرێت، پشكی پێكھاتەی مەسیحیش بدرێت، كە بەشدارین لە حكوومەتی ھەرێمی كوردستان  و لە كابینەی نوێشدا وەزیرمان ھەیە، بۆیە لە پۆستە ئیدارە خۆجێیەكانیش پۆستمان پێدەدرێت و چاوەڕێ دەكەین كە گۆڕانكارییەكان دەست پێبكەن، تا ئەو پۆستانەش بۆ مەسیحییەكان یەكلا بكرێنەوە".

نوێنەری مەسیحییەكان لە پەرلەمانی كوردستان دەشڵێ، ھەر كاتێك دەست بە گۆڕانكارییەكان كرا، كاندیدیان تا ئەو كاتە بۆ ئەو چوار پۆستە ئامادە دەبن.

حكوومەتی ھەرێمی كوردستان بڕیاری داوە كە گۆڕانكاری لە پۆستە ئیدارییەكانی دھۆكدا بكات و، لە سەرەتاشدا گۆڕانكاری لە پۆستی پارێزگار كرد و بڕیارە گۆڕانكاری لە پۆستەكانی دیكەشدا بكات.

 

بڵند ئیبراھیم




دوایین هەواڵەکان

"ڕێگای زاخۆ.ئیبراھم خەلیل نۆژەن دەکرێتەوە"

SATURDAY, 19 SEPTEMBER 2020 15:09:57

ھەولێر -KDP.info- بە گوژمەی ھەشت ملیار دینار ڕێگای سەرەکیی زاخۆ-کۆمەڵگەی ئیبراھیم خەلیل نۆژەن دەکرێتەوە و بەرپرسێکی شارەوانییەکانی دھۆکیش دەڵێت، حکوومەت پارەی پێویستی بۆ ئەنجامدانی پڕۆژەکە تەرخان کردووە.

 

فرۆشتنی دۆلار لەلایەن وەزارەتی دارایی بەشێوەیەكی ئاشكرا دەبێت

SATURDAY, 19 SEPTEMBER 2020 11:09:10

هەولێر-KDP.info- بە بڕیاری وەزیری دارایی و ئابووری، فرۆشتنی دۆلار لەلایەن وەزارەتی دارایی و ئابووری بەشێوەیەكی ئاشكرا دەبێت.

 
وەزارەتی تەندروستی: لە ھەفتەیەكدا 164 كەس بە كۆرۆنا گیانیان لەدەستداوە

SATURDAY, 19 SEPTEMBER 2020 11:09:41

هەولێر-KDP.info- وەزارەتی تەندروستی ھەرێمی كوردستان ئاماری ھەفتەیەكی كۆرۆنای ئاشكرا كرد وبەگوێرەی ئامارەكە، لە 11/9/2020 تا 17/9/2020 39 ھەزار و 316 پشكنین ئەنجامدراوە و 4 ھەزار و 537 كەس وەك ھەڵگری ڤایرۆسی كۆرۆنا لە ھەرێمی كوردستان تۆمار كراون.

 
دیاری حوسێن: دۆخی کەرکووک زۆر خراپە.. چارەسەركردنیشی بە چەند رێگایەك دەكرێت

SATURDAY, 19 SEPTEMBER 2020 10:09:49

كەركووك-KDP.info- جێگری سەرۆكی ئەنجومەنی سەركردایەتیی كەركووك - گەرمیانی پارتی دیموكراتی كوردستان رایدەگەیەنێت، دۆخی كەركووك رۆژ بە رۆژ بەرەو خراپتر دەچێت و تاوەكو تا دەستوور و ماددەی ١٤٠ـیش جێبەجێ نەكرێن، دۆخەكە بەو شێوەیە بەردەوام دەبێت.

 
گۆڕانكارییە جەوھەرییەكانی ھەمواركردنەوەی دەستووری عێراق لە KDPیەوە بزانە

SATURDAY, 19 SEPTEMBER 2020 10:09:44

هەولێر-KDP.info- ئەندامێكی لیژنەی ھەمواركردنەوەی دەستووری عێراق رایگەیاند، لیژنەی ھەمواركردنەوەی دەستووری عێراق لە كۆتایی كارەكانیدایە و ھیچ گۆڕانكارییەك لەو ماددانە نەكراوە كە پەیوەندییان بە ھەرێمی كوردستان و مافەكانی ھەرێمەوە ھەیە.

 


 
© 2020 Kurdistan Democratic Party, KDP

Contact