Kurdî  ■  كوردی  ■  عربي
WED, 15 JUL 2020 06:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قەھوەچی: پەرلەمانی كوردستان چەندین وەزیر بانگھێشتی پەرلەمان دەكات
| KDP.info


ھەولێر-KDP.info- سكرتێری پەرلەمانی كوردستان رایگەیاند، ئەمڕۆ پەرلەمانی كوردستان بڕیار لەبارەی درێژكردنەوەی خولی بەھارە دەدات، بۆ ئەوەی چەندین پرسی گرنگ گفتوگۆیان لەسەر بكرێت، لەوانە، بانگھێشتكردنی سێ وەزیر و چەندین پرسی دیكەی گرنگ.

مونا قەھوەچی، بۆ ماڵپەڕی فەرمیی پارتی دیموكراتی كوردستان گوتی: "ئەمڕۆ سەعات یەكی پاشنیوەڕۆ پەرلەمانی كوردستان لەسەر دوو پرس كۆدەبێتەوە، كە بریتین لە دەنگدان لەسەر پێشنیازی بڕیاری پێشكەشكردنی پێشنیازەیاسا و پێشنیازەبڕیار لەلایەن ئەندامانی پەرلەمان بەدەر لە حوكمی ماددەی ٨٢ی پەیڕەوی ناوخۆ و، هەروەها درێژكردنەوەی خولی بەھارەی ساڵی دووەم لە خولی ھەڵبژاردنی پێنجەمی پەرلەمانی كوردستان بەپێی بڕگەی چوارەم لە ماددەی ٧ی پەیڕەوی ناوخۆی پەرلەمانی كوردستان".

قەھوەچی گوتیشی: "بڕیارە بە ھۆی ئەوەی لە مانگی ڕابردوودا نەمانتوانی كۆبوونەوە بكەین لەبەر نەخۆشیی كۆرۆنا، بڕیارە لەو ماوەیەدا چەندین پرس گفتوگۆیان لەسەر بكرێت، لەوانە، بانگهێشتی هەرسێ وەزیرانی تەندروستی و ناوخۆ و پێشمەرگە دەكرێت و، هەروەها كێشەی ناوچە كوردستانییەكان و دۆخی تەندروستی و كێشەكانی نێوان ھەرێم و بەغدا و چەندین پرسی دیكە گفتوگۆ دەكرێن".

 

بڵند ئیبراھیم




دوایین هەواڵەکان

"ئەنجومەنی شارەوانییەکان پێک دێن"

TUESDAY, 14 JULY 2020 17:07:43

هەولێر -KDP.info-‌  وەزارەتی شارەوانیی ئەنجومەنی شارەوانییەکان سەرلەنوێ پێک دێنێتەوە و وەزیری شارەوانی و گەشتوگوزاریش دەڵێ، بڕیاری پێکھێنانی ئەنجومەنی شارەوانییەکان لەلایەن ئەنجومەنی وەزیرانەوە دەرکراوە.

 
عێراق ٦٢ ساڵی خۆیناوی.. ١٤ی تەممووز شۆڕش یان کۆدەتا؟

TUESDAY, 14 JULY 2020 17:07:31

عێراق - KDP.info - ڕەگ و ڕیشەی مێژووی عێراق پڕە لە کۆدەتا و شۆڕش و هاتنی دەسەڵاتدارە یەک لەدوای یەکەکان و سیستمێکی دەسەڵاتی سیاسی بۆ عێراقییەکان نەبووەتە مایەی خۆشی و شانازی بەو سیستمە بکەن.

 

حكوومەتی ھەرێم ٥٠٠ ملیۆن دینار قەرزی لە بازرگانان وەرگرتووەتەوە

TUESDAY, 14 JULY 2020 15:07:29

ھەولێر-KDP.info- سكرتێری لیژنەی باڵای جێبەجێكردنی یاسای چاكسازی لە ئەنجومەنی وەزیران گوتی، دوای بڕیاری حكوومەت بۆ وەرگرتنەوەی قەرز لە بازرگانان، تا ئێستا ٥٠٠ ملیۆن دینار لە بازرگانان وەرگیراوەتەوە و بەردەوامیش دەبن تا ھەمووی وەردەگرنەوە.

 

بەڕێوەبەری گشتیی باجی ھەرێم: ئەو خاوەن مڵکانەی لە کاتی کەرەنتینەدا باجیان لە کرێچی وەرگرتووە لە وەرگرتنی باج لێیان خۆش نابین

TUESDAY, 14 JULY 2020 15:07:09

ھەولێر-KDP.info- بەڕێوەبەری گشتیی باجی ھەرێمی کوردستان گوتی، حکوومەتی ھەرێمی کوردستان بڕیاری داوە ئەو دوو مانگەی کەرەنتینە ھەبوو لەو دوو مانگە باج لە خاوەنمڵکەکان وەرنەگرێت بە مەرجێک ئەوانیش کرێیان لە کرێچییەکان وەرنەگرتبێت.

 

کونسوڵ: ئەم پڕۆژەیە خاڵی وەرچەرخانە لە پەیوەندیی نێوان كۆریای باشوور و هەرێمی كوردستان

TUESDAY, 14 JULY 2020 13:07:41

هەولێر-KDP.info- کونسوڵی گشتیی کۆریای باشوور رایدەگەیەنێت، پرۆژەکانی وڵاتەکەی لە هەرێمی کوردستان بەردەوام دەبێت و پەرەیان پێدەدرێت.

 


 
© 2020 Kurdistan Democratic Party, KDP

Contact