Kurdî  ■  كوردی  ■  عربي
WED, 15 JUL 2020 06:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ھەرێم و بەغدا تەنھا لەسەر ژمارەكە ماوە بگەنە رێككەوتن
| KDP.info


هەولێر-KDP.info- بڕیاردەری لیژنەی دارایی لە پەرلەمانی عێراق رایگەیاند، لێكنزیكبوونەوەیەكی باش لە نێوان ھەرێمی كوردستان و بەغدا ھەیە و تەنھا ماوە لەسەر بڕی ئەو پارەیە رێكبكەون كە بۆ ھەرێمی كوردستان رەوانە دەكرێت، بۆیە پێویستیان بە یەك تا دوو دانیشتنی دیكە ھەیە و، ئەم ھەفتەیەش جارێكی دیكە شاندی ھەرێم سەردانی بەغدا دەكاتەوە.

د. ئەحمەد سەفار، بۆ ماڵپەڕی فەرمیی پارتی دیموكراتی كوردستان گوتی: "سەردانی شاندی ھەرێمی كوردستان بۆ بەغدا ئەنجامی باشی ھەبووە و، ئەوان داواكاریی خۆیان پێشكەش كردووە و حكوومەتی ھەرێمی كوردستانیش داواكاریی خۆی پێشكەش كردووە، هەروەها ئەوان ژمارەیەكیان دیاری كردووە بۆ ناردنی بڕی پارەكە و حكوومەتی ھەرێمیش داوای زیاتری كردووە".

سەفار گوتیشی، ئەوەی ئەوان باسیان كردووە، ھەموو داھات و نەوتیان پێبدەن و ھەرێمی كوردستانیش داوای بڕێك پارەی كردووە، بەڵام ئامادە نەبوو ئاشكرای بكات و تەنھا باسی لەوە كرد كە، بەشی مووچە ناكات، بۆیە پێویستیان بە گفتوگۆی زیاتر ھەیە تا بگەنە رێككەوتن.

دەشڵێ: "ھەردوولا لە قەیرانی داراییدان و بڕیاریان داوە گفتوگۆ بەردەوام دەبێت تا رێككەوتن، بڕیاریشە لەم ھەفتەیەدا جارێكی دیكە شاندی حكوومەتی ھەرێمی كوردستان سەردانی بەغدا بكاتەوە و، لەسەر برێك پارە بگەن رێككەوتن كە ھەرێمی كوردستان بتوانێ خۆی پێ بەڕێوە ببات، بۆیە تەنھا لەسەر ژمارەكە ماوە بگەنە رێككەوتن".

 

بڵند ئیبراھیم

 




دوایین هەواڵەکان

"ئەنجومەنی شارەوانییەکان پێک دێن"

TUESDAY, 14 JULY 2020 17:07:43

هەولێر -KDP.info-‌  وەزارەتی شارەوانیی ئەنجومەنی شارەوانییەکان سەرلەنوێ پێک دێنێتەوە و وەزیری شارەوانی و گەشتوگوزاریش دەڵێ، بڕیاری پێکھێنانی ئەنجومەنی شارەوانییەکان لەلایەن ئەنجومەنی وەزیرانەوە دەرکراوە.

 
عێراق ٦٢ ساڵی خۆیناوی.. ١٤ی تەممووز شۆڕش یان کۆدەتا؟

TUESDAY, 14 JULY 2020 17:07:31

عێراق - KDP.info - ڕەگ و ڕیشەی مێژووی عێراق پڕە لە کۆدەتا و شۆڕش و هاتنی دەسەڵاتدارە یەک لەدوای یەکەکان و سیستمێکی دەسەڵاتی سیاسی بۆ عێراقییەکان نەبووەتە مایەی خۆشی و شانازی بەو سیستمە بکەن.

 

حكوومەتی ھەرێم ٥٠٠ ملیۆن دینار قەرزی لە بازرگانان وەرگرتووەتەوە

TUESDAY, 14 JULY 2020 15:07:29

ھەولێر-KDP.info- سكرتێری لیژنەی باڵای جێبەجێكردنی یاسای چاكسازی لە ئەنجومەنی وەزیران گوتی، دوای بڕیاری حكوومەت بۆ وەرگرتنەوەی قەرز لە بازرگانان، تا ئێستا ٥٠٠ ملیۆن دینار لە بازرگانان وەرگیراوەتەوە و بەردەوامیش دەبن تا ھەمووی وەردەگرنەوە.

 

بەڕێوەبەری گشتیی باجی ھەرێم: ئەو خاوەن مڵکانەی لە کاتی کەرەنتینەدا باجیان لە کرێچی وەرگرتووە لە وەرگرتنی باج لێیان خۆش نابین

TUESDAY, 14 JULY 2020 15:07:09

ھەولێر-KDP.info- بەڕێوەبەری گشتیی باجی ھەرێمی کوردستان گوتی، حکوومەتی ھەرێمی کوردستان بڕیاری داوە ئەو دوو مانگەی کەرەنتینە ھەبوو لەو دوو مانگە باج لە خاوەنمڵکەکان وەرنەگرێت بە مەرجێک ئەوانیش کرێیان لە کرێچییەکان وەرنەگرتبێت.

 

کونسوڵ: ئەم پڕۆژەیە خاڵی وەرچەرخانە لە پەیوەندیی نێوان كۆریای باشوور و هەرێمی كوردستان

TUESDAY, 14 JULY 2020 13:07:41

هەولێر-KDP.info- کونسوڵی گشتیی کۆریای باشوور رایدەگەیەنێت، پرۆژەکانی وڵاتەکەی لە هەرێمی کوردستان بەردەوام دەبێت و پەرەیان پێدەدرێت.

 


 
© 2020 Kurdistan Democratic Party, KDP

Contact