Kurdî  ■  كوردی  ■  عربي
WED, 27 JAN 2021 21:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی لە بەغدا
| KDP.info


پیران ئەمیر

وەك ئاشکرایە هەتا ئەو ساتەوەختەش هەرێمی کورستان وابەستەی دەوڵەتی عێراقە و بەغداش چەقی سیاسەتی ناوخۆیی و دەرەکی و ئابووریی عێراقە، لە ڕابردوودا و تەنانەت لە سەروەختی ڕیفراندۆمیشدا سەرکردایەتیی هەرێمی کوردستان جەختیان لەسەر هەماهەنگی و لێکتێگەیشتنی نێوان هەولێر و بەغدا کردووەتەوە و گفتوگۆیان بە تاکە ڕێگەچارەسەری کێشەکان داناوە.

ئێستا کە داعش دەستی بە جموجۆڵ کردووەتەوە و کۆرۆناش شەپۆلی دووەمی هێناوە، سەردان و گفتۆگۆی سیاسییەکان وەستاون و زیاتر گرنگی بە دیداری ئۆنلاین و گفتوگۆی ڤیدیۆ کۆنفرانس دەدرێت، بەڵام نێچیرڤان بارزانی بە مەبەستی دیالۆگ و چارەسەری کێشەکان و ڕووبەڕووبوونەوی تەحەدییەکانی ئەم قۆناغە سەردانی بەغدای کرد. 

بێگومان سەردانی نێچیرڤان بارزانی لە ساتەوەختێکی گرنگ و چارەنووسساز دایە، وەک باسکرا بوونی هەڕەشەی پاشماوەکانی داعش و ڤایرۆسی کۆرۆنا و دابەزینی نرخی نەوت و داتەپینی ئابووری ئەو وڵاتانەی نەوت سەرچاوەی سەرەکی ئابووریانە، هەروەها تۆپبارانی وڵاتانی دراوسێ و دەستێوەردانی سەربازی هەڕەشەی جدین و پێویستییان بە گفتوگۆی ڕووبەڕوو و چارەسەری بەپەلە و هەماهەنگی زیاترە. 

لە لایەکی ترەوە مافە دەستوورییەکانی هەرێم و خاڵی گرنگی گفتوگۆی نێوان سەرۆکی هەرێمە لەگەڵ دەسەڵاتە فیدراڵییەکان ئەوەش بەپێی بەندی یەکەم لە ماددەی سێیەمی یاسای کاراکردنەوەی سەرۆکایەتیی هەرێمی کوردستان، تەنیا لە دەسەڵاتی سەرۆکی هەرێم دەبێت، بۆیە بە لەبەرچاوگرتنی دەستکەوتی سەردانەکانی ڕابردووی نێچیرڤان بارزانی کە لەسەر ئاستی ناوچەیی و نێودەوڵەتی ئەنجامی داوە و چەندینجار هەرێمی کوردستانی لە لێواری هەڕەشەی جدی پاراستووە و ئابڵووقەکانی کۆتایی پێهێناوە، دەکرێ بگوترێ ئاسۆی ڕوون و داهاتووی گەش لەو سەردانەدا وەدی دێت و ئەنجامەکەشی لەسەر ئاستی دیپلۆماسی لە چەند کاتژمێری داهاتوودا دەردەکەون و لەسەر ئاستی کردەیی و پەیوەست بە ژیان و گوزەرانی خەڵکیش دوای سەردانی وەفدی حکوومەتی هەرێم بۆ ڕێککەوتن لەسەر مافە داراییەکانی هەرێم بۆ بەغدا کە لە ئایندەیەکی نزیکدا ئەنجام دەدرێت، وەردەگرینەوە.

هەر وەك لە رابردووشدا سەلمێنراوە كە كارەكتەری نێچیرڤان بارزانی لەڕووی دیپلۆماسییەتەوە بەهێزە و توانای قەناعەت پێهێنانی بەرامبەری هەیە لەسەر مێزی دانوستاندن و لێكتێگەیشتن بۆ چارەسەری كێشەكان، نێچیرڤان بارزانیش ئەو كارەكتەرە سیاسییەیە كە پشوودرێژانە سیاسەت دەكات و لە قەیرانەكاندا فاكتەری بەهێزی چارەسەر و لە ئاڵۆزییەكانیشدا رۆڵی بەرچاوی هەیە لە رەخساندنی زەمینە ئاشتەوایی.

 




دوایین هەواڵەکان

سبه‌ى پەرلەمان لەگەڵ دەزگای ھەڵبژاردنی لایەنە سیاسییەکان کۆ دەبێتەوە

WEDNESDAY, 27 JANUARY 2021 19:01:59

هه‌ولێر-KDP.info- سەرۆکی لیژنەی ناوچە کوردستانییەکانی ده‌ره‌وه‌ى ئیداره‌ى هه‌رێم له‌ په‌رله‌مانى كوردستان دەڵێت، ''وه‌كو ده‌ستپێشخه‌رییه‌كى نیشتمانى و نه‌ته‌وه‌یى بۆ یه‌كده‌نگیى كورد له‌ هه‌ڵبژاردنى ئه‌نجومه‌نى نوێنه‌رانى عێراق، ده‌زگاى هه‌ڵبژاردنى هه‌موو حیزبه‌كانمان بانگهێشت كردووه‌ له‌سه‌ر ئاستى به‌رپرسى یه‌كه‌مى ده‌زگا بۆ ئه‌وه‌ى سبه‌ى پێنجشه‌ممه‌ له‌ په‌رله‌مان كۆ بینه‌وە."

 

پەیامی پیرۆزبایی سەرۆکی هەرێمی کوردستان بەبونەی جەژنی (قەوڵتاس)

WEDNESDAY, 27 JANUARY 2021 18:01:25

جه‌ژنی قه‌ولتاس له‌ ته‌واوی خوشک و برایانی یٔازیزی کاکه‌یی له‌ کوردستان و له‌ هه‌ر کوێیه‌کی‌ جیهان بن، به‌ گه‌رمی پیرۆز ده‌که‌م.

 
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی سێ شەوەی یاران (قەوڵتاس)

WEDNESDAY, 27 JANUARY 2021 18:01:35

بەبۆنەی جەژنی سێ شەوەی یاران ( قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم . هیوادارم یٔەم جەژنە ، ببێتە مایەی خێر و خۆشی و یٔاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.

 
فەرماندەیەک: پێشمەرگە باڵانسی شەڕی کۆبانیی گۆڕی و گەورەترین سەرکەوتنی تۆمار کرد

WEDNESDAY, 27 JANUARY 2021 17:01:10

ھەولێر-KDP. info-  شەش ساڵ بەسەر ئازاکردنی شاری کۆبانیی ڕۆژئاوای کوردستاندا تێ دەپەڕێت و فەرماندەیەکی بەشدار لە شەڕەکانی کۆبانیدا دەڵێت، بەسەر چەندین ئاستەنگدا تێ پەڕین و پێشمەرگە توانی باڵانسی شەڕ لە کۆبانی بگۆڕێت.

 

" ٣٥٠ خانوو ڕادەستی خانەوادەی شەھیدانی چەمچەماڵ کران"

WEDNESDAY, 27 JANUARY 2021 17:01:32

چەمچەماڵ-KDP.info- لەسەر فەرمانی سەرۆک بارزانی خانوو بۆ خانەوادەی شەھیدانی قەزای چەمچەماڵ دروست کراوە و بەرپرسێکی پارتییش دەڵێت، تەنیا لە سنووری چەمچەماڵ ئەمڕۆ ٣٥٠ خانوو ڕادەستی خانەوادەی سەربەرزی شەھیدان کرا.

 


 
© 2020 Kurdistan Democratic Party, KDP

Contact