Kurdî  ■  كوردی  ■  عربي
SUN, 12 JUL 2020 09:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

زیرەک کەمال: ئەوەی دژی چاکسازییە دژی خۆیەتی
| KDP.info


هەولێر – KDP.info -  بڕیارە لە مانگی ٧ی ئەمساڵ پڕۆژەیاسای چاکسازی لە ھەرێمی کوردستان بکەوێتە بواری جێبەجێکردن و ڕاوێژکارێکی سەرۆکی ھەرێمی کوردستانیش پێی وایە، ھەرکەس و لایەنێک دژی پڕۆژەی چاکسازی بێت ئەوە دژی خۆیەتی.

زیرەک کەمال، ڕاوێژکاری سەرۆکی ھەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "پڕۆژەی چاکسازی لەلایەن کەسانی پسپۆڕ و شارەزاوە داڕێژراوە و دواتر بە کۆمەڵێک فلتەردا تێپەڕیوە و لەلایەن پەرلەمانی کوردستانەوە پەسەند کراوە، لە پەرلەمانیش دانوستانی زۆری لەسەر کراوە، خاڵی گرنگی چاکسازی لەوەدایە ھەموومان ددان بەوەدا دەنێین لە ھەرێمی کوردستان کەموکووڕی ھەیە، لە بواری ئیداری و سیاسی و ھەموو بوارەکان، من چاکسازی و ددانپێدانی بە خاڵێکی باشی دەبینم.''

ڕاوێژکارەکەی سەرۆکی ھەرێمی کوردستان دەشڵێت: "من ناڵێم چاکسازی گەندەڵی بنەبڕ دەکات و ھەموو شتەکان دێنێتە سەر سکەی خۆی، بەڵام لەگەل ئەوەشدا ھەوڵێکی گرینگ و بەرچاویشە بۆ ئەوەی وردە وردە کار لەسەر ئەو ئاستەنگ و بەربەستانەی بەردەم ڕێڕەوی پێشکەوتن و ئیدارەی ھەرێمی کوردستانن لاببرێن، بزانن لە کوێ زیادەخەرجی کراوە و لە کوێ ھەندێ بڕیار دراون کە نەدەبوو بدرێن و لە کوێش پێویستە کاری لەسەر بکرێت و ئەنجام بدرێت."

کەمال جەختی کردەوە: "ھەرکەسێک دژی پڕۆژەی چاکسازی بێت ئەوە بێگومان دژی خۆیەتی، چونکە پڕۆژەی چاکسازی لە پەرلەمان پەسەند کراوە و زۆربەی لایەنەکانیش تێیدا بوونە، ھەموو لایەنەکانیش ئامادەییی خۆیان پێشان داوە بۆ چاکسازی."

زیرەک کەمال پێی وایە: "ھەر لایەنێک دژی چاکسازی بێت ئەوە دژی خۆیەتی و ئیرادەیەکی گشتی پەیدا بووە بۆ ئەنجامدانی چاکسازی، لە دوای ڕاپەڕین و گواستنەوەی شەرعیەتی سیاسی و شۆڕشگێڕی بۆ شەرعیەتی یاسایی لەنێو ئەدەبیاتی ھەموو لایەنە سیاسییەکاندا باس لە چاکسازی دەکرێت، چاکسازی ڕیفۆرمە و پڕۆسەیەکی گرینگە و ناکرێت ھیچ لایەنێک دژی بێت.

قائید میرۆ

 




دوایین هەواڵەکان

راگه‌یندراوێك له‌ ژووری ئۆپه‌راسیۆنی پارێزگای هه‌ولێر

SATURDAY, 11 JULY 2020 20:07:05

هەولێر-KDP.info- دوای نیوه‌ڕی ئه‌مڕۆ شه‌ممه‌ 2020.7.11، به‌سه‌رپه‌رشتی د.فرسه‌ت سۆفی پارێزگاری هه‌ولێر و به‌ ئاماده‌بوونی د.عه‌لی ڕه‌شید سه‌رۆكی ئه‌نجومه‌نی پارێزگای هه‌ولێر، ژووری ئۆپه‌راسیۆنی پارێزگای هه‌ولێر كۆبۆوه‌ و كۆبوونه‌وه‌ گه‌یشته‌ ئه‌م ده‌رنجامانه‌ی خواره‌وه‌و بۆماوه‌ی یه‌ك هه‌فته‌ ڕێكاره‌كان به‌مشێوه‌یه‌ی خواره‌وه‌ ده‌بێت:-

به‌ردی بناغه‌ی پڕۆژه‌یه‌كی ستراتێژی له‌ سلێمانی داندرا

SATURDAY, 11 JULY 2020 17:07:22

سلێمانی -KDP.info-  ئه‌مڕۆ له ‌پارێزگای سلێمانی سه‌رۆكوه‌زیرانی هەرێمی کوردستان، مه‌سروور بارزانی، به‌ ئاماده‌بوونی، جێگری سه‌رۆكی حكوومه‌ت، قوباد تاڵه‌بانی و ساسان عه‌ون، وه‌زیری شاره‌وانی و گه‌شتوگوزار و هه‌ڤاڵ ئه‌بووبه‌كر پارێزگاری سلێمانی، به‌ردی بناغه‌ی شه‌قامی 100 مه‌تری له‌ سلێمانی دانا به ‌گوژمه‌ی 400 ملیار دینار.

کارگەی تەماتەی ھەریر: سبەی دەست بە وەرگرتنی تەماتە لە جووتیاران دەکەین

SATURDAY, 11 JULY 2020 16:07:25

ھەریر-KDP.info-  بەڕێوبەری کارگەی تەماتەی ھەرێر گوتی، لە سبەیەوە دەست بە وەرگرتنی تەماتەی جووتیارانی ھەرێمی کوردستان دەکەن و ڕۆژانە ٢٠ تۆن تەماتە وەردەگرن و بەگشتی دەتوانن ١٥٠ تۆن وەرگرن و عەمباری دەکەن تا کەوتنە کاری کارگەکە کە ئامادەکاری بۆ وەگەڕخستنەوەی دەکرێت و نرخی ھەر سندووقێک تەماتەش کە لە جووتیاران وەردەگیرێت ٣ھەزار دینار دەبێت کە لە بازاڕ گرانترە وەکو پاڵپشتییەک بۆ جووتیارانی ھەرێمی کوردستان."

 
مەسرور بارزانی: پرۆژەی شەقامی 100 مەتری یەکێکە لە پرۆژە گەورەکانی حکومەت

SATURDAY, 11 JULY 2020 15:07:35

سلێمانی-KDP. info-  مەسرور بارزانی لە مەراسیمی دانانی بەردی بناغەی شەقامی 100 مەتری لە سلێمانی رایگەیاند، پرۆژەکە یەکێکە لە پرۆژە گەورەکانی حکومەت و خەڵکی سلێمانی شایەنی پرۆژەی زیاترن.

پرسه‌نامه‌ى سه‌رۆك بارزانى بۆ سه‌رۆكى وه‌قفى سوننى

SATURDAY, 11 JULY 2020 15:07:11

به‌بۆنه‌ى كۆچكردنى خاتوو غه‌یدا كمبش، ئه‌ندامى ئه‌نجوومه‌نى نوێنه‌رانى عێراق و هاوژینى دكتۆر سه‌عد كمبش سه‌رۆكى وه‌قفى سوننى، سه‌رۆك مسعود بارزانى پرسه‌نامه‌یه‌كى ئاراسته‌ى سه‌رۆكى وه‌قفی سوننى كرد، ئه‌مه‌ ده‌قه‌كه‌یه‌تى :



 
© 2020 Kurdistan Democratic Party, KDP