Kurdî  ■  كوردی  ■  عربي
SUN, 31 MAY 2020 15:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

میر برین تەحسین بەگ: دەستپێشخەرییەکی نێودەوڵەتی و نێوخۆیی بۆ ئاوەدانکردنەوەی شنگال پێویستە
| KDP.info


هەولێر- KDP.info -  میر برین تەحسین بەگ، کوڕی میری کوچکردووی ئێزدییانی جیهان، میر تەحسین بەگ، دەڵێ، ڕەوشی ئێزدییان لەوپەڕی خراپیدایە، پێویستیشیان بە چارەسەکردنی بەپەلەیە.

دیپلۆماتکار، میر برین تەحسین بەگ، لە ڕێگای لێدوانێکی تایبەتی ماڵپەڕی فەرمیی پارتی دیموکراتی کوردستانەوە هۆشداری دەدات و دەڵێ: "ئەوەی لە شنگال دەگوزەرێت هەڕەشەیەکی جددییە بۆ سەر ئێزدییان، چونکە هاتنی خێزانی ئەو عەرەبانەی دەستیان بە خوێنی ئێزدییان سوورە بۆ دەوروبەری شارەکە، دەبێتە هۆی ئەوەی دیمۆگرافیای ئێزدییان بگۆڕێت و هەڕەشەی کۆمەڵکوژیی تر بەسەر ئێزدیاندا بێت."

ناوبراو، ئاماژەیشی دا: "ئێستا ڕەوشی شنگال خراپە، هیچ گرەنتی ئەمنییان نییە، بۆیە خەڵک ناچارن ژیانی کەمپیان هەڵبژاردووە و ناشتوانن بگەڕێنەوە سەر ماڵوحاڵی خۆیان."

شنگال شارێکی وێرانە و باشووری شارەکەش بەکەڵکی ژیان نایا، میر برین لەوبارەیەوە گوتی: "جێگای داخە چەند ساڵێکە شنگال بەو ڕەوشە ماوەتەوە، شنگال پێویستی بە دەستپێشخەرییەکی نێودەوڵەتی و نیوخۆیی بۆ ئاوەدانکردنەوە هەیە."

"چارەسەرییەکی سیاسی و لەسەر ئاستی هەرێمی کوردستان و عێراق بە چاودێریی نێوەدەوڵەتی بۆ ئاساییکردنەوەی دۆخی شنگال پێویستە، چونکە پرسی ئەمنی و خزمەتگوزاری پەیوەستن بە پرسی سیاسییەوە." میر برین وای گوت.

کاروان باعەدری

 




دوایین هەواڵەکان

گومرگی گشتیی كوردستان: كۆرۆنا كاریگه‌ریی له‌سه‌ر جووڵه‌ی بازرگانی هه‌بووه‌

SUNDAY, 31 MAY 2020 15:05:29

هەولێر – KDP.info -  به‌ڕێوه‌به‌ری گشتیی گۆمرگی هه‌رێمی كوردستان، ده‌ڵێ قه‌یرانه‌كانی دارایی و ڤایرۆسی كۆرۆنا كاریگه‌رییان هه‌بووه‌ له‌سه‌ر جووڵه‌ی بازرگانی و، له‌گه‌ڵ باشبوونی ڕه‌وشه‌كه‌ جووڵه‌ی بازرگانی به‌ره‌و هه‌ڵكشان ده‌ڕواته‌وه‌.

 

زیرەک کەمال: ئەوەی دژی چاکسازییە دژی خۆیەتی

SUNDAY, 31 MAY 2020 14:05:05

هەولێر – KDP.info -  بڕیارە لە مانگی ٧ی ئەمساڵ پڕۆژەیاسای چاکسازی لە ھەرێمی کوردستان بکەوێتە بواری جێبەجێکردن و ڕاوێژکارێکی سەرۆکی ھەرێمی کوردستانیش پێی وایە، ھەرکەس و لایەنێک دژی پڕۆژەی چاکسازی بێت ئەوە دژی خۆیەتی.

 

سەرۆکی حکومەتی هەرێمی کوردستان سەرپەرشتی کۆبوونەوەیەکی تایبەت بە قەرز و پابەندییە داراییەکانی هەرێمی کوردستان دەکات

SUNDAY, 31 MAY 2020 14:05:10

ھەولێر-KDP. info-  ئەمڕۆ یەکشەممە 2020/5/31 مەسرور بارزانی سەرۆکی حکومەتی هەرێمی کوردستان، بە ئامادەبوونی قوباد تاڵەبانی جێگری سەرۆکی حکومەت و وەزیرە پەیوەندیدارەکان، سەرپەرشتی کۆبوونەوەیەکی تایبەت بە قەرز و پابەندییە داراییەکانی سەر حکومەتی هەرێمی کوردستان کرد. 

ئەنجوومەنی سەرکردایەتی پارێزگای ھەولێری پارتی وه‌ڵامی تویته‌كه‌ی هادی عه‌لی ده‌داته‌وه‌

SUNDAY, 31 MAY 2020 13:05:51

ئەنجوومەنی سەرکردایەتی پارێزگای ھەولێری پارتی وه‌ڵامی تویته‌كه‌ی هادی عه‌لی ده‌داته‌وه‌، ده‌ڵێت: ھەرێمی کوردستان بە شاھێدی رێکخراوی تەندروستی جیھانی، نمونەیەکی سەرکەوتووی رێکار و رێگری لە بڵاوبوونەوەی پەتای کۆڕۆنابووە لە ناوچەکەدا.

مەكتەبی سیاسیی پارتی پیرۆزبایی لە یەكێتیی نیشتمانیی كوردستان دەكات

SUNDAY, 31 MAY 2020 13:05:17

هەولێر-KDP.info- مەكتەبی سیاسیی پارتی دیموكراتی كوردستان، لە پەیامێكدا چلوپێنجەمین ساڵیادی دامەزراندنی یەكێتیی نیشتمانیی كوردستان پیرۆز دەكات، ئەمەی خوارەوە دەقی پەیامەكەیە:

 


 
© 2020 Kurdistan Democratic Party, KDP