Kurdî  ■  كوردی  ■  عربي
TUE, 15 JUL 2025 22:38 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

عیرفان سلێمان: پێشبینی دەكەین مانگی داھاتوو رێگە بە گەشتیاران بدرێت بۆ توركیا
| KDP.info


هەولێر-KDP.info- بە ھۆی بڵاوبوونەوەی ڤایرۆسی كۆرۆناوە، نزیكەی سێ مانگە ھەموو جۆرە گەشتكردنێك بۆ وڵاتی توركیا و بە پێچەوانەوە راگیراوە، بەڕێوەبەری دەروازەی سنووری سەرزێڕێش دەڵێ: "پێشبینی دەكەین مانگی داھاتوو ھاتوچۆ بكرێتەوە".

عیرفان سلێمان، بەڕێوەبەری دەروازەی سنووری سەرزێڕی، بە ماڵپەڕی فەرمیی پارتی دیموكراتی كوردستانی راگەیاند: "لە سەرەتای مانگی ئادارەوە بە ھۆی جێبەجێكردنی رێنماییەكانی خۆپارێزی، ھاتوچۆ بۆ توركیا بە بڕیاری فەرمیی حكوومەتی ھەرێمی كوردستان راگیراوە و تەنھا ئاڵوگۆڕی بازرگانی ھەیە، لەبەر ئەوەش لەو كاتەوە تا ئێستا لە دەروازەی سەرزێڕێ و ئیبراھیم خەلیل ھاتن و چوون بۆ گەشتیاران راگیراوە".

بەڕێوەبەری دەروازەی نێودەوڵەتیی سەرزێڕی دەشڵێت: "بازرگانی لە نێوان ھەرێمی كوردستان و وڵاتی توركیا بەردەوامی ھەیە، ئەویش بەپێی رێكارەكانی خۆپارێزی رۆژانە قەبارەی بازرگانی  وەك پێشوو بە شێوەیەكی ئاسایی بەڕێوە دەبرێت".

 لەبارەی كردنەوەی دەروازەكان، بە تایبەت دوای ئەوەی توركیا بڕیاری دا ڤیزا بە گەشتیاران بدات، عیرفان سلێمان روونی كردەوە: "چەندی كۆرۆنا مەترسییەكانی كەمتر ببنەوە، ئاسانكاریی زیاتر دەكرێت بۆ ھاووڵاتیان و گەشتیاران، ئێمەش پێشبینی دەكەین لە مانگی داھاتوودا ھاتوچۆ بۆ وڵاتی توركیا بكرێتەوە".

 

قائید میرۆ

 

 




دوایین هەواڵەکان

نێچیرڤان بارزانی سەرەخۆشی لە خانەوادەی مامۆستا زەڵمی دەکات

TUESDAY, 15 JULY 2025 20:07:44

ھەولێر-KDP.info- سەرۆکی ھەرێمی کوردستان بەبۆنەی کۆچی دوایی مەعسوومە عەبدولقادر، ھاوژینی د. مستەفا زەڵمی، سەرەخۆشیی ئاراستەی بنەماڵەکانیان دەکات.

سەرۆک فراکسیۆنەکان: کورد بە یەکگرتوویی دەتوانێ بە ھەموو مافەکانی بگات

TUESDAY, 15 JULY 2025 19:07:00

بەغدا -KDP.info- سەرۆکی فراکسیۆنی پارتی دیموکراتی کوردستان و یەکێتی نیشتمانی کوردستان جەخت دەکەنەوە، یەکھەڵوێستی کورد دەبێتە ھۆی بەهێزبوونی کورد بەرامبەر بەغدا، دەشتوانێ مافەکانی بەپێی یاسا و دەستوور بەدەستبێنێت و پارێزگاریش لە دەستکەوتەکان بکات.

سەرۆکی سەنتەری لێکۆڵینەوەی سیاسی لە عێراق: پێویستە حکوومەتی عێراق لەم ھێرشەی سەر کەرتی وزە بکۆڵێتەوە

TUESDAY, 15 JULY 2025 15:07:39

بەغدا -KDP.info- سەرۆکی سەنتەری لێکۆڵینەوەی سیاسی لە عێراق دەڵێت: "ئەو ھێرشانەی دەکرێنە سەر کەرتی وزە لە ھەرێمی کوردستان، بەھۆی ئەوەیە ھەرێمی کوردستان لەو بوارە زۆر پێشکەوتووە و چاویان بەو پێشکەوتنانە ھەڵنایەت".

 
ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

TUESDAY, 15 JULY 2025 13:07:16

ھەولێر-KDP.info- سه‌رۆکایه‌تیی هه‌رێمی کوردستان، به‌ توندى سه‌ركۆنه‌ى ئه‌و هێرشانە دەكات كە به‌ درۆن ده‌كرێنه‌ سه‌ر ژێرخان و ناوچه‌ جیاجیاكان له‌ هه‌رێمى كوردستان. 

 
پشتیوان سادق باسی لە دواین پێشهات و گۆڕانکارییەکانی ناوخۆ و ناوچەكە کرد

TUESDAY, 15 JULY 2025 13:07:08

ھەولێر-KDP.info- ئەمڕۆ سێشەممە ١٥ی تەمموزی ٢٠٢٥، پشتیوان سادق، ئەندامی مەکتەبی سیاسیی و بەرپرسی مەکتەبی ڕێکخستنی پارێزگای هەولێری پارتی دیموكراتی كوردستان، لە بارەگای مەکتەبی ڕێکخستنی هەولێر، لەگەڵ ژمارەیەک هەڤاڵ و کادیرانی لقەکانی سنووری پارێزگای هەولێر كۆبووه‌وه‌.

 


 
© 2023 Kurdistan Democratic Party, KDP

Contact