Kurdî  ■  كوردی  ■  عربي
SAT, 30 MAY 2020 02:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حکوومەت ھاوکاریی کارگەکان دەکات "
| KDP.info


دهۆک-KDP.info-   ڕەوشی دوای بڵاوبوونەوەی ڤایرۆسی کۆرۆنا کاریگەریی نەبووە لەسەر کارگەکانی ھەرێمی کوردستان و بەشێک لەو کارگانەش کە تایبەتن بە بەرھەمھێنانی ماددەی پاککەرەوە، بەرھەمیان زیادی کردووە. سەرۆکی ژووری پیشەسازی و بازرگانیی دھۆکیش دەڵێ، حکوومەت ھاوکارە لەگەڵ کارگەکان.

لە ھەرێمی کوردستان زیاتر لە چوارھەزار کارگە ھەن. کە جگە لە دابینکردنی پێداویستیی ناوخۆ، بەرھەمەکانیان ڕەوانەی بازاڕەکانی ناوەڕاست و باشووری عێراقیش دەکرێت. بەپێی بەدواداچوونێکی ماڵپەڕی فەرمیی پارتی دیموکراتی کوردستان زۆربەی کارگەکان بەردەوامن لە کارکردن.

ئەیاد حەسەن، سەرۆکی ژووری پیشەسازی و بازرگانیی دھۆک، بە ماڵپەڕی فەرمیی پارتی دیموکراتی کوردستانی ڕاگەیاند: "کارگەکانی ھەرێمی کوردستان بەردەوامن لە کارکردن و بە ھیچ شێوەیەک لە بەرھەمھێنان کەمیان نەکردووە، چونکە دوای ڕاگەیاندنی بڕیاری قەدەغەی ھاتوچۆش حکوومەتی ھەرێمی کوردستان ھەموو ئاسانکارییەکی کردووە بۆ بەردەوامیی کارکردن لە کارگەکان و ئێستا ھەموو کارگەکانی کەرتی پیشەسازی ڕۆژانە بەرھەمیان ھەیە."

بەپێی بەدواداچوونێکی ماڵپەڕی فەرمیی پارتی دیموکراتی کوردستان، ژمارەیەک کارگەی کەرتی پیشەسازی، بەرھەمەکانیان زۆر زیادی کردووە، لەوانەش کارگەکانی بەرھەمھێنانی ماددەکانی پاککەرەوە، چونکە لە بازاڕ خواستی زۆری لەسەرە و بۆ بەرەنگاربوونەوەی کۆرۆنا بەرکار دێن."

ئەیاد حەسەن ئاماژەی بۆ ئەوە کرد: "بەشێک لە کارگەکانی ھەرێمی کوردستان پێشتر بەرھەمەکانیان ڕەوانەی ناوچەکانی ناوەڕاست و باشووری عێراق دەکرد، بەڵام بەھۆی قەدەغەی ھاتوچۆی ئەو ناوچانە، ئێستا بەرھەمەکانیان ڕەوانە ناکرێت و کاتژمێری کارکردنیان کەم کردووەتەوە، واتە تەنیا بەشی بازاڕەکانی ھەرێم بەرھەمیان ھەیە و دوای ھەڵگرتنی قەدەغەی ھاتوچۆ لە عێراق دەگەڕێنەوە ڕەوشی ئاساییی خۆیان."

قائید میرۆ

 




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP