Kurdî  ■  كوردی  ■  عربي
SAT, 30 MAY 2020 02:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كەركووك.. لە كۆڵان و شەقامەكانی زبڵ و خاشاك كەڵەكە بووە
| KDP.info


كەركووك-KDP.info- ئیدارەیەكی بێباك و گەندەڵ لە پاش 16ـی ئۆكتۆبەری 2017 حكومڕانیی كەركووك دەكات، كە دەیان مەلەفی گەندەڵییان لەسەرە، بە هۆی گەندەڵی لە گرێبەستی هەڵگرتنەوەی زبڵ و خاشاكیش، ئێستا زبڵ شاری كەركووكی تەنیوە، هاووڵاتیانیش دەڵێن، مەترسی لەسەر ژیانمان دروست بووە، هەروەها ئەندامێكی پێشووی ئەنجوومەنی پارێزگاكەش ئاماژە دەدات، گەندەڵی سەرتاپای شاری تەنیوە و هاووڵاتیان ئازادییان نییە دەنگ هەڵبڕن.

سلێمان حەمە ساڵح، هاووڵاتی لە شاری كەركووك، بە ماڵپەڕی فەرمیی پارتی دیموكراتی كوردستانی ڕایگەیاند: "لە كۆڵان و بەردەرگاكانمان خۆڵ و خاشاكی بەرماوەی ڕۆژانەی هاووڵاتیان كۆبووەتەوە و ئیدارەی شاری كەركووك زۆر بێباكە و هیچ خزمەتگوزارییەك پێشكەش ناكات، ئەوەندە زبڵ و خاشاك كۆبووەتەوە مەترسی لەسەر تەندروستیی خۆمان و منداڵەكانمان دروست بووە، هیچ كەسیش نایەت بەدەم داواكارییەكانمانەوە".

ڕۆشنا نیهاد، ئافرەتی ماڵەوە، لای خۆیەوە دەڵێ: "بە ناچاری زبڵ و خاشاكمان لە كۆڵانەكان و شەقامەكان فڕێ دەدەین، شارەوانی و ئیدارەی شارەكە و ئەو كۆمپانیانەی ئەركی هەڵگرتنەوەی زبڵیان پێ سپێردراوە، بە مانگ سەیارەی هەڵگرتنەوەی زبڵ نایەنن بۆ گەڕەكەكان، ئێستاش خاشاك و زبڵ شارەكەی تەنیوە و ئیدارەیەكی گەندەڵ حكومڕانیمان دەكات، لە شارەكەشدا بۆنی پیس بڵاو بووەتەوە و مەترسی هەیە بۆ سەر ژیانی منداڵەكانمان، هەروەها دیمەنێكی ناشرینیشی بە شار بەخشیوە".

هاوكات جوان زەنگەنە، ئەندامی پێشووی ئەنجوومەنی پارێزگای كەركووك، بە ماڵپەڕی فەرمیی پارتی دیموكراتی كوردستانی ڕاگەیاند:" كەڵەكەبوونی زبڵ و خاشاك لە كۆڵان و شەقامەكانی كەركووك، ئەو گرفتەیە بە بێ چارەسەر ماوەتەوە، هەرچەندە پارێزگاری سەپێندراوی كەركووك باس لەوە دەكات كە كارەكانیان بەردەوامە، بەڵام دەبینین لە كۆڵان و شەقامەكان زبڵ و خاشاك كەڵەكە بووە".

ناوبراو هەروەها دەڵێ: "نەتواندراوە ئەو كۆمپانیایانەی كە گرێبەستیان لەگەڵ دەكرێت بۆ كۆكردنەوەی زبڵ و خاشاكی ماڵان، پەیوەست بكرێن بە كارەكانیان لەبەر گەندەڵیی زۆر لە گرێبەستەكاندا، ئەو گرێبەستانەش كە دەكرێن هەڵەیان تێدایە و مەرجی قورس داناندرێت بۆ كۆپانیاكان لە بەر ئەوەی ڕێکكەوتن دەكرێت و دەستاودەست دەكرێت پێی، ئیدی كۆمپانیاكان بە مەزاجی خۆیان كار دەكەن، ئەوەش بووەتە هۆی كۆبوونەوەی زبڵ و خاشاك لە شارەكەدا".

زەنگەنە زانیاری زیاتر دەدات: "پاش ڕووداوەكانی 16ی ئۆكتۆبەر، هاووڵاتیان خۆیان بە ئۆتۆمبێلی خۆیان خۆڵ و خاشاكەكانیان فڕێ دەدا، بەڵام بە هۆی قەدەغەی هاتوچۆوە، هاووڵاتیان ناچارن زبڵەكانیان لە بەردەم ماڵەكان فڕێ دەدەن، كە ئەمەش لە ڕووی تەندروستییەوە زیانی زۆرە".

ئاماژەی بەوەش كرد، زبڵ و خاشاك لەگەڵ ئەوەی هاوكاری زیاتر دەبێت بۆ بڵاوبوونەوە و تەشەنەكردنی زیاتری پەتای كۆرۆنا، لەگەڵ زیاتربوونی پلەی گەرمییش نەخۆشی لەو زبڵ و خاشاكە بڵاو دەبێتەوە، چونكە وەستانەوەی ئاو و كەڵەكەبوونی زبڵ دەبێتە هۆی بڵاوبوونەوەی نەخۆشی و بۆن و بەرامەیەكی ناخۆشیشی لێ پەیدا دەبێت، كە ئەمەش مەترسییە بۆ سەر تەندروستیی هاووڵاتیان".

 

عەزیز ڕەسووڵ

 




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP