Kurdî  ■  كوردی  ■  عربي
SAT, 6 JUN 2020 16:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. خالس قادر: تا ئێرە باشمان ھێناوە لە کۆنتڕۆڵکردنی کۆرۆنا
| KDP.info


هەولێر-KDP.info-  ھەرێمی کوردستان بەو توانا سنووردارەی ھەیەتی، توانیویەتی تا ڕادەیەکی زۆر کۆنتڕۆڵی ڕەوشی ڤایرۆسی کۆرۆنا بکات و بەرپرسێکی وەزارەتی تەندروستیش دەڵێ: "تا ئێرە زۆر باشمان ھێناوە و ئەگەر ھاووڵاتیان ھاوکار بن، سەر دەکەوین."

د. خالس قادر، بەڕێوەبەری گشتیی دیوانی وەزارەتی تەندروستی، بە ماڵپەڕی فەرمیی پارتی دیموکراتی کوردستانی ڕاگەیاند: "تاکو ئێستا لە ھەنگاوەکانی خۆپارێزی لە ڤایرۆسی کۆرۆنا بەراورد بەو مەترسیەی لەسەر ھەرێمی کوردستانی ھەیە، ھەنگاوی باشمان بڕیوە، چونکە تا ئێستا وڵاتی ئێرانی دراوسێمان نەیتوانیوە کۆنتڕۆڵی ڕەوشەکە بکات و ڕەوشی ناوچەکانی دیکەی عێراقیش زۆر خراپە."

بەڕێوەبەری گشتیی دیوانی وەزارەتی تەندروستی دەڵێت: "ھەرێمی کوردستان توانیویەتی ژمارەی تووشبوانی زۆر سنووردار بکات و ئەمەش دەستکەوتێکی گەورەیە بۆ ئێمە، ھەموو ئاماژەکان بۆ ئەوەن ڕێوشوێنەکانی حکوومەت گرتوونیەتە بەر زۆر باش بوونە."

دکتۆر خالس قادر ئاماژەی بۆ ئەوە کرد: "ئەگەر ھاووڵاتیان ھاوکاری حکوومەت بن و لە ماڵەوە بمێننەوە و ئەو قەڵەباڵغی و ھاتوچۆیەی ماوە، ئەویش ببڕیت، بەتایبەتی لە نێوان قەزا و ناحیەکاندا، بەدڵنیاییەوە دەتوانین بە کەمترین زیان کۆنتڕۆڵی ڤایرۆسی کۆرۆنا بکەین، مەرجی سەرکەوتنی گەورە لە ھاوکاریکردنی ھەموو لایەکدایە."

قائید میرۆ




دوایین هەواڵەکان

فوئاد حوسێن بە وەزیری دەرەوەی عێراق ھەڵبژێردرا

SATURDAY, 06 JUNE 2020 15:06:02

بەغدا-KDP. info-  ئەنجومەنی نوێنەرانی عێراق دەنگی بە بەربژێری ھەرێمی کوردستان د.فوئاد حوسێن بۆ وەزیری دەرەوەی عێراقی فیدڕاڵ دا.

دیاری حوسێن: داوا كراوە پێشمەرگە ئۆپەراسیۆن دژی داعش لە كەركووك ئەنجام بدات

SATURDAY, 06 JUNE 2020 13:06:47

كەركووك-KDP.info- چەند رۆژێكە حكوومەتی عێراق ئۆپەراسیۆنێكی لە دەوروبەری كەركووك دژی چەكدارانی داعش دەست پێكردووە، بەرپرسێكی كەركووكیش ئاشكرای كرد، داوا كراوە پێشمەرگەش لەمەودوا لە ئۆپەراسیۆنەكانی دژی داعش بەشدار بێت.

 
بڕیارەكەی حكوومەت لە سبەیەوە دەچێتە بواری جێبەجێكردنەوە

SATURDAY, 06 JUNE 2020 13:06:01

هەولێر-KDP.info- دوای ئەوەی حكوومەتی هەرێمی كوردستان بڕیاری لێخۆشبوونی پانزە لە سەدی بۆ قەرزەكانی عەقاری و ئاو و كارەبا دەركرد، لە ئێستادا فەرمانگەكان ئامادەكاری دەكەن بۆ جێبەجێكردنی بڕیارەكانی ئەنجوومەنی وەزیران.

 
وەزارەتی تەندروستی راگەیەندراوێكی بڵاوكردەوە

SATURDAY, 06 JUNE 2020 13:06:14

ھەولێر-KDP.info- وەزارەتی تەندروستی ھەرێمی كوردستان راگەیەندراوێكی نوێی بڵاوكردەوە و ئاشكرای كرد، لە ماوەی 24 كاتژمێری رابردوودا 74 كەس تووشی كۆرۆنا بوون و 4 تووشبووش چاكبوونەتەوە.

 
د. عەبدولحەكیم: وەرگرتنەوەی قەرزەكان لە قۆناغی دەستبەسەرداگرتنی موڵكی قەرزدارانە

SATURDAY, 06 JUNE 2020 12:06:32

ھەولێر-KDP.info- بەرپرسی فەرمانگەی ھەماھەنگی و بەدواداچوون لە ئەنجومەنی وەزیران گوتی، رێكاری یاسایی بەرامبەر وەرگرتنەوەی قەرز لە بازرگانان دەستی پێكردووە و، لە ئێستادا لە قۆناغی دەستبەسەرداگرتنی موڵك و ماڵی قەرزدارەكانن، بۆ ئەوەی بیانفرۆشن و پارەكە بخەنە سەر حیسابی وەزارەتی دارایی.

 


 
© 2020 Kurdistan Democratic Party, KDP