پرسەنامەی دەزگای رۆشنبیریی و راگەیاندنی پارتی بۆ كۆچی دوایی هەڤاڵی تێكۆشەر د.حەمید ئاكرەیی

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

SAT, 22 FEB 2020 17:05 | KDP.info

بەڕێزان/ خانەوادەی هەڤاڵی تێكۆشەر(د.حەمید ئاكرەیی)

خەمباربووین بە بیستنی هەواڵی كۆچی دوایی هەڤاڵ و کادیری دیاری پارتیمان(د.حەمید ئاكرەیی)، بەو بۆنە خەمناكەوە پرسە و سەرەخۆشیمان ئاراستەی ئێوەی بەڕێز و كەس وكار و تەواوی بنەماڵە تێكۆشەرەكەتان و هەڤاڵانی خوالێخۆشبوو دەكەین و، شەریكی خەم و پەژارەتانین.

هەڤاڵ(د.حەمید ئاكرەیی) پێشمەرگەی دێرین و كادیرێكی چالاک و ناسراوی پارتیمان بوو، لە قۆناغەكانی خەباتی رزگاریخوازیماندا رۆڵی شیاو و دڵسۆزانەی خۆی گێڕاوە و كەسایەتیەكی بەرچاو و نیشتیمانپەروەر بوو، هەروەها لە بواری گەیاندن و تەكنەلۆجیای گەیاندندا بۆ ماوەی(35)ساڵ كاری كردووە وەك ئەندازیارێكی بەتوانا و شارەزا لە بەجێگەیاندنی كار و ئەركەكانی و خزمەتێکی زۆریشی بە راگەیاندنی پارتیمان بە تایبەتی رادیۆی دەنگی کوردستان کردوە. خوالێخۆشبوو چەندین بەرپرسیاریەتی حزبی و حكومی پێ سپێردراوە و بەوپەڕی دڵسۆزیەوە بەجێی گەیاندوون، بۆیە لەدەستانی ئەو تێكۆشەرە كۆستێكی دیكەیە بۆ پارتیمان و هەڤاڵانی.
ئومێدەوارین هاوخەمیی هاوسەنگەر و دۆست و ئازیزانی هەڤاڵی كۆچكردوو مایەی دڵنەوایی و سەبووری ئێوەوگشت لایەك بێت.

جارێكی دیكە پرسە و سەرەخۆشی خۆمات دووپات دەكەینەوە و لەخودای گەورە داواكارین سەبووری بەهەموو لایەك ببەخشێت وگیانی كۆچكردوویش بەبەهەشتی بەرین شاد بكات..

دەزگای رۆشنبیریی و راگەیاندنی
پارتی دیموكراتی كوردستان
22/2/2020

دوایین هەواڵەکان

هه‌نگاوه‌كانی کابینەی نۆیه‌م بۆ سەقامگیری ئاسایشی خۆراكی هه‌رێمی كوردستان

FRIDAY, 11 JULY 2025 10:07:44

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

کابینەی نۆیه‌م بۆ پاراستنی ئاسایشی ئاو هەنگاوی ستراتیژیی ناوه‌

FRIDAY, 11 JULY 2025 10:07:58

سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین."

شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان.

سەرۆك بارزانی لە 63ـیەمین ساڵیادی دەستپێكی پێشمەرگایەتییدا پەیامێكی بڵاوكردەوە

ھەولێر-KDP.info- سەرۆك بارزانی لە ساڵیادی بوونی بە پێشمەرگەدا، پەیامێكی بڵاو كردەوە و سڵاوی بۆ هەموو پێشمەرگەی كوردستان و رۆحی پاكی شەهیدان نارد.

سه‌رۆك بارزانی: ئومێدەوارم هەموو لایەك بەخۆدا بچنەوە و بگەڕێنەوە بۆ ئەو سێ مەبدەئە و بۆ دەستوور

ھەولێر-KDP.info- ئەمڕۆ پێنجشەممە 15/5/2025، لە هەولێر، بە ئامادبوونی سەرۆک بارزانی و مەسروور بارزانی، جێگری سەرۆکی پارتی دیموکراتی کوردستان، کۆنگرەی یەکگرتنی یەکێتیی قوتابیان و لاوانی دیموکراتی کوردستان دەستی پێكرد، لە كۆنگرەكەدا سەرۆك بارزانی وتارێكی پێشكەش كرد. دەقی وتاری سەرۆك بارزانی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."