Kurdî  ■  كوردی  ■  عربي
SUN, 5 JUL 2020 06:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"تا ئێستا ھیچ حاڵەتێکی گوماناوی تۆمارنەکراوە کە ھەڵگری ڤایرۆسی کۆرۆنا بێت"
| KDP.info


   سۆران-KDP.info - لە دوێنێوە بە سەدان ھاووڵاتیی ھەرێمی کوردستان لە رێگای دەروازەی نێودەوڵەتیی حاجی ئۆمەرانەوە گەڕاونەتەوە بۆ ھەرێمی کوردستان لە دوو ھوتێلی شاری سۆران جێگیر کراون و لەژێر چاودێریی پزیکشیدان بۆ خۆپاراستن لە ڤایرۆسی کۆرۆنا، تا ئێستا ھیچ حاڵەتێکی گوماناوی تۆمار نەکراوە.

کرمانج عیززەت، قایمەقامی قەزای سۆران، بە ماڵپەڕی فەرمیی پارتی دیموکراتی کوردستان ڕایگەیاند: " ھاووڵاتیانی دەڤەری سۆران ئاگادار دەکەینەوە، ھەموومان دەزانین  ڤایرۆسی کۆڕۆنا ھەڕەشە لە ھەموو جیھان دەکات و حکوومەتی ھەرێمی کوردستان دەستی کردووە بە رێوشوێنی توند بۆ خۆپاراستن لە نەخۆشیەکە."

قایمقامی قەزای سۆران گوتیشی: "وڵاتی ئێران بەفەرمی رایگەیاند ژمارەیەک ھاووڵاتی تووشی ڤایرۆسی کۆرۆنا بوونە و خەڵکێکی زۆری ئێمەش بە کاری جۆراوجۆر سەفەری ئێرانیان کردووە، ئێستا ئەو ھاووڵاتیانە لە چەند شوێنێک نیشتەجێ کراون و لەژێر چاودێریی وردی پزیشکیدان."

د.کاروان جەمال، بەڕێوەبەری نەخۆشخانەی ئاشتی لە سۆران رایگەیاند: "لە دوێنێوە ئێمە لەسەر خەتین بە رێگای دوو تیمی پزیشکی پشکنین بۆ ئەو ھاووڵاتیانە دەکەین، تا ئێستا لەناو ئەو کەسانەی لە ئێران گەڕاونەتەوە بۆ سۆران ھیچ حاڵەتێکی گوماناوی تۆمار نەکراوە، کە ھەڵگری ڤایرۆسی کۆرۆنا بێت."

ناوبراو ئاماژەی بەوەش کرد: "بۆیە ھاووڵاتیانی شارەکەمان دڵنیا دەکەینەوە کە ھیچ مەترسیەک نییە و تەنیا رێوشوێنی خۆپاراستنە و بۆ بەرژەوەندیی ھەموومانە."

سیروان سابیر




دوایین هەواڵەکان

KDP زانیاری دەر‌بارەی ھاوبەشیپێکردنی کەرتی گشتی و کەرتی تایبەت لەلایەن حکوومەتەوە بڵاو دەکاتەوە

SATURDAY, 04 JULY 2020 22:07:52

ھەولێر-KDP.info- ڕۆژی چوارشەممە، ٢٠٢٠/٧/١، یاسای چاکسازی کەوتە بواری جێبەجێکردنەوە، بریکاری وەزارەتی پلاندانانیش ڕایگەیاند، جیا لە یاسای چاکسازی، ئەنجومەنی وەزیران بڕیاری بە پەسەندكردنی هاوبەشیپێکردنی كەرتی گشتی و كەرتی تایبەت لە پڕۆژەكاندا داوە، ئەوەش بۆ یەكەمین جارە لە هەرێمی كوردستان شێوازێكی نوێی كار بەم شێوەیە بنیات بنرێت.

پەیامی پیرۆزبایی دەزگای رۆشنبیری و راگەیاندنی پارتی دیموكراتی كوردستان بەبۆنەی (20)هەمین ساڵەی دامەزراندنی خانەی موكریانی

SATURDAY, 04 JULY 2020 21:07:54

بەڕێزان/ بەڕێوەبەر و کادیر و كارمەندانی خانەی موكریانی بۆ چاپ و بڵاوكردنەوە

بەبۆنەی (20)هەمین ساڵیادی دامەزراندنی خانەی موكریانی گەرمترین پیرۆزباییتان لێدەكەین و هیوادارین بەردەوام و سەرکەوتووبن لە كار و پڕۆژەکانتان بۆ پێشخستن و زیاتر برەودان بە بواری چاپەمەنی و بڵاوكردنەوە.

بروسكەی سەرەخۆشیی سەرۆك بارزانی بۆ كۆچی دوایی شێخ محەمەد شێخ عەبدولكەریم كەسنەزانی

SATURDAY, 04 JULY 2020 17:07:39

بەناوی خودای بەخشندە و میهرەبان

 
شاخەوان عەبدوڵڵا: دانوستانەکانی ئاساییکردنەوەی ڕەوشی کەرکووک قۆناغی زۆری بڕیوە

SATURDAY, 04 JULY 2020 17:07:25

هەولێر-PDK.info- پێکھاتەکانی کەرکووک دەیانەوێ ڕەوشی پارێزگاکەیان ئاسایی بکەنەوە، کە دوای ڕووداوەکانی ١٦ی ئۆکتۆبەر بەسەریاندا سەپێندرا و ئەندامێکی کوردی لیژنەی ئاساییکردنەوەی ڕەوشی کەرکووکیش وا دەڵێ.

 

"تاقیکردنەوەی کۆتاییی پۆلی ۱۲ی ئامادەیی لە ڕێکەوتی دیاریکراودا ئەنجام دەدرێت"

SATURDAY, 04 JULY 2020 17:07:22

هەولێر ـKDP.infoـ  ڕێکەوتێک دیاری کرابوو لە لایەن وەزارەتی پەروەردەی حکوومەتی هەرێمی کوردستان، تاقیکردنەوەی گشتی کۆتاییی پۆلە کۆتاکان ئەنجام بدرێت، هەربۆیە وەزیری پەروەردەی حکوومەتی هەرێمی کوردستان لە پرێسکۆنفرانسێکدا دووپاتی کردەوە، لە هەمان ڕێکەوتدا ئەنجام دەدرێت و هیچ بڕیارێک نییە بۆ دواکەوتنی، بەڵام قۆتابیان دەبێ ناچار بکرێن ماسک بەکار بێنن بۆ خۆپارێزی.

 


سه‌رۆك نێچیرڤان بارزانى: كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و هه‌موو دۆسیه‌كان یه‌كلا بكه‌ینه‌وه‌

بەغدا-KDP.info- سه‌رۆك نێچیرڤان بارزانى له‌گه‌ڵ هه‌رسێ سه‌رۆكایه‌تى و سه‌ركرده‌ و لایه‌نه‌ عێراقییه‌كان، كێشه‌ و به‌رپرسیارییه‌تییه‌كانى به‌ هاوبه‌ش بۆ هه‌موو عێراقییان له‌ قه‌ڵه‌م دا و گوتى: هه‌موومان یه‌ك چاره‌نووسمان هه‌یه‌ و كێشه‌كانى عێراق و هه‌رێمى كوردستان كێشه‌ى هه‌موو عێراقییه‌كانه‌، دووپاتیشى كرده‌وه‌ دواى ئه‌زموونى تاڵى چه‌ندین ساڵى گرفت و كێشه‌ى نێوان هه‌ردوولا، ئیتر ده‌بێ نه‌چینه‌وه‌ سه‌ر ڕابردوو، به‌ڵكوو ئێستا كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و به‌ ڕێككه‌وتنێكى گشتگیرى جێى ڕه‌زامه‌ندیى هه‌ردوولا كه‌ ئارامى و سه‌قامگیرى، دادپه‌روه‌رى و پێشكه‌وتن بۆ ئێستا و داهاتووى هاوبه‌شمان دابین بكات، كێشه‌كان به‌ یه‌كجارى چاره‌سه‌ر بكه‌ین.

 
© 2020 Kurdistan Democratic Party, KDP